Þingtíðindi Alþýðusambands Íslands ... - 20.05.1996, Qupperneq 123

verkmenntunar verður ríkisvaldið að koma til móts við aukinn ferða- og
dvalarkostnað nemenda sem sækja skóla fjarri heimabyggð.
• Breyta þarf reglum um Lánasjóð íslenskra námsmanna þannig að námslán
sem veitt eru á framhaldsskólastigi skerði ekki lánsmöguleika á háskólastigi.
Jafnframt er mikilvægt að iðnnemar eigi fullgildan fulltrúa í stjórn lána-
sjóðsins.
• Mikilvægt er að verk- og tæknimenntun sé svo sem kostur er byggð upp
þannig að nemendur skiptist á bóklegu námi og starfsþjálfun með reglu-
bundnum hætti á námstímanum. Slík víxlverkun á að skapa grundvöll fyrir
virkt eftirlit á gæðum námsins og aðhald skólans og þeirra fyrirtækja sem
taka nemendur í starfsþjálfun.
• Forsenda þróunar og nýjunga á sviði verkmenntunar er að séð verði fyrir
nauðsynlegri starfsþjálfun af réttum gæðum. Því er mikilvægt að samhliða
endurskoðun og uppbyggingu námsbrauta verði gengið frá samningum um
starfsþjálfun og framkvæmd hennar. Slíkir samningar eiga að tryggja nem-
endum leiðbeiningar og þjálfun í samræmi við markmið námsins. Einnig
verða skyldur fyrirtækjanna að vera með þeim hætti að starfsþjálfun raski
ekki atvinnu eða kjörum þeirra starfsmanna sem fyrir eru.
• Með samstarfí á alþjóðavettvangi má afla víðtækrar reynslu og þekkingar
meðal þeirra þjóða sem standa fremst í uppbyggingu verk- og tæknimennt-
unar á framhaldsskólastigi. Slíkt samstarf á að geta flýtt verulega fyrir því
endurnýjunar- og uppbyggingarstarfi sem framundan er. Verkalýðshreyfing-
in leggur áherslu á að kerfisbundið verði unnið að því að kanna kosti þess að
nýta sér reynslu annarra þjóða og yfirfæra aðferðir þeirra og þekkingu á
framhaldsskólann hér á landi.
Alþýðusamband íslands vill stuðla að öflugum framhaldsskóla með því m.a. að:
• Knýja á um að sett verði ný framhaldsskólalög sem taki mið af viðhorfum
verkalýðshreyfingarinnar.
• Hvetja til og styðja að framkvæmt verði kerfisbundið mat á þörfum fyrir
nýjar námsbrautir á framhaldsskólastigi og þrýsta á um uppbyggingu þeirra
í samstarfi við viðkomandi landssambönd.
• Knýja á um að gengið verði frá rammasamkomulagi um starfsþjálfun nem-
enda utan löggiltra iðngreina.
D. Háskólastigið
A háskólastigi er brýnast að auka og bæta verk- og tæknimenntun. Á næstu
árum á að skoða sérstaklega möguleika og kosti þess að stofna til styttri og
lengri tækni- og rekstrarbrauta í tengslum við núverandi fræðslustofnanir innan
opinbera skólakerfisins og utan.
Krafa verkalýðshreyfingarinnar er sú að á næstu árum leggi háskólastigið til
tæknimenn og stjórnendur í íslenskt atvinnulíf sem séu hæfir og tilbúnir til að
121