Þingtíðindi Alþýðusambands Íslands ... - 20.05.1996, Qupperneq 147

verður verkalýðshreyfingin að berjast fyrir efnalegri velferð og félagslegu ör-
yggi. Skapa verður samfélag þar sem þátttaka á vinnumarkaði og möguleikar til
að lifa fjölskyldulífi hafa verið samræmd og einstaklingarnir eiga möguleika á
að sækja sér menntun og lífsfyllingu í sátt við umhverfi sitt og náttúruna.
Atökin í samfélaginu snúast ekki aðeins um kjör og réttarstöðu launafólks í
starfi og þeirra sem höllum fæti standa. Samhliða knýja andstæðingar verka-
lýðshreyfingarinnar á um að samskiptareglum á vinnumarkaði verði breytt með
valdboði og lögþvingunum. Vegið er að sjálfum grundvelli verkalýðsfélaganna
og lýðræðislegum rétti launafólks til að hafa með sér samtök og knýja á um bætt
kjör og aukin réttindi í frjálsum samningum við atvinnurekendur og stjórnvöld.
Gegn þessum árásum setur Alþýðusamband Islands fram kröfuna um að
lýðræðislegur réttur launafólks og samtaka þess verði virtur. Samskiptareglur á
vinnumarkaði á að móta í samningum þeirra aðila sem eftir þeim eiga að starfa
en ekki með einhliða lögboði. Þá er það sjálfsögð krafa að samtök á vinnumark-
aði taki sjálf á þáttum sem kunna að mega betur fara í innra skipulagi þeirra.
Mikilvægur þáttur í þróun samskiptareglna á vinnumarkaði er að dregið verði úr
miðstýringu samtaka atvinnurekenda við samningagerð. Viðurkenndur verði
réttur launafólks til upplýsinga um afkomu og rekstur fyrirtækjanna og til aðild-
ar að ákvörðunum og samningum á þeim vettvangi.
Alþýðusamband íslands leggur áherslu á nauðsyn þess að skipulag og starfs-
hættir verkalýðshreyfingarinnar taki mið af væntingum félagsmannanna sjálfra,
verkefnum hreyfingarinnar og aðstæðum á hverjum tíma. Nauðsynlegt er að
hlutverk og verkaskipting milli ólíkra eininga í verkalýðshreyfingunni verði
gerð skýrari. Skapa verður betri tengsl milli allra eininga hreyfingarinnar og fé-
lagsmannanna, treysta samstöðu þeirra og virkja betur í ákvarðanatöku og starfi.
Alþýðusambandið leggur áherslu á að markvisst verði unnið að því að virkja
ungt fólk í verkalýðshreyfingunni, leita eftir og virða skoðanir þess og skapa
unga fólkinu starfsvettvang í félögunum og heildarsamtökunum. Til að ná til
ungs fólks er mikilvægt að efla fræðslustarf hreyfingarinnar meðal ungs fólks í
skólum og virkja trúnaðarmenn á vinnustöðum í kynningarstarfi fyrir þá sem eru
að koma út á vinnumarkaðinn.
Treysta verður stöðu og áhrif kvenna í forystu verkalýðshreyfingarinnar og
starfi og vinna að því að tryggja jafnræði kynjanna innan samtakanna. í þeim til-
gangi móti ASÍ sér jafnréttisáætlun til að vinna eftir.
Til að treysta stöðu sína í samfélaginu og tryggja að skoðanir verkalýðs-
hreyfingarinnar hafi áhrif verður að vinna að því að kynna sjónarmið launafólks
og afla þeim stuðnings. Á vettvangi Alþýðusambandsins verði starfandi kynn-
ingar- og útbreiðsluhópur, skipaður fulltrúum landssambanda ASÍ auk MFA.
ASI verði miðstöð umræðu og skipulagningar á kynningarmálum hreyfingar-
innar í heild. Útgáfa og útbreiðsla Vinnunnar verði efld bæði innan og utan
hreyfingarinnar. Að því er stefnt að málgagn ASÍ berist öllum stjórnarmönnum,
trúnaðarmönnum og trúnaðarráðsmönnum stéttarfélaganna.
145