Þingtíðindi Alþýðusambands Íslands ... - 20.05.1996, Qupperneq 149

Jafnhliða því að verkalýðshreyfingin eflir félagsmálafræðslu fyrir forystu-
fólk sitt þarf að stórauka starfstengt nám fyrir hinn almenna félaga í hreyfing-
unni þar sem fram fari ítarleg fræðsla um réttindi og skyldur launafólks og upp-
byggingu og starfsemi verkalýðshreyfingarinnar.
Fulltrúar í stjórnum lífeyrissjóða gegna mikilvægu hlutverki og þá verður að
styðja í auknum mæli.
Af framansögðu er ljóst að sá sem velst til forystu og starfa í verkalýðshreyf-
ingunni verður að tileinka sér þekkingu á breiðu sviði, þekkingu sem er um
margt einstök í samfélaginu.
V. Verkalýðshreyfingin og umheimurinn
Allt frá því Island varð sjálfstætt lýðveldi höfum við reynt að marka okkur stöðu
sem fullgildur aðili í samfélagi þjóðanna. A sumum sviðum, eins og t.d. í haf-
réttarmálum, erum við stórveldi. Á öðrum sviðum verðum við að viðurkenna
lægri sess. Þetta breytir því ekki að við verðum að taka á okkur ábyrgð í samfé-
lagi þjóðanna og huga vel að réttindum okkar og skyldum gagnvart öðrum þjóð-
um. Það sama giidir auðvitað um íslenska verkalýðshreyfingu. Hún er einnig
fullgildur aðili að alþjóðlegri verkalýðshreyfingu og verður að taka þá stöðu
sína jafnalvarlega og stöðu sína innanlands.
Á síðustu árum hefur umheimurinn sífellt færst nær okkur Islendingum.
Fjarlægðir milli landa og svæða eru stöðugt að minnka og hagkerfi heimsins
verða sífellt tengdari og háðari hvert öðru. Stórar viðkiptablokkir hafa orðið til
og ýmsir skuldbindandi alþjóðasamningar hafa verið gerðir um viðskipti á milli
landa. Einangrun einstakra hagkerfa er orðin mun erfiðari en áður.
Island er eitt af þeim löndum heimsins sem er mjög háð utanríkisverslun.
Framleiðsla okkar er einhæf og fer mestmegnis til útflutnings og við flytjum inn
stóran hluta af neysluvörum þjóðarinnar. Hagsmunir Islands sem útflutnings-
þjóðar eru því mjög miklir. Viðskiptaþjóðir íslands eru mjög margar og þar
skipta fjarlægðir ekki mestu máli. Þrátt fyrir að Evrópa hafi verið okkar helsta
viðskiptasvæði, höfum við á undanförnum árum haslað okkur völl á mörgum
fjarlægum mörkuðum sem skipta okkur miklu.
Langstærstur hluti viðskipta íslands, bæði í inn- og útflutningi, er við ríki
Evrópu. Með aðild að evrópska efnahagssvæðinu (EES) er aðgangur að mörk-
uðum helstu viðskiptalandanna tryggður. Með aðild að Fríverslunarsamtökum
Evrópu (EFTA) og þeim viðskiptasamningum sem þar hafa verið gerðir má
segja að ísland hafi hagstæða viðskiptasamninga við nær öll Evrópuríki. ísland
er enn fremur aðili að GATT-samningunum og Alþjóða viðskiptastofnuninni
sem tryggja hagstæð viðskipti við margar fleiri þjóðir, t.d. Bandaríkin.
• ASI gerir þá kröfu til stjórnvalda að þau vinni ötullega að því að EES-samn-
ingurinn nýtist íslensku efnahagslífi sem best.
147