Þingtíðindi Alþýðusambands Íslands ... - 20.05.1996, Qupperneq 157

varaforseti, og síðan Hervar Gunnarsson, 1. varaforseti. Þökkuðu þau Benedikt
gott samstarf og vináttu.
Benedikt þakkaði fyrir sig og sama gerði Guðríður Elíasdóttir sem brýndi
þingfulltrúa um að standa saman og þakkaði fyrir sig.
Að lokum óskaði þingforseti nýrri forystu alls góðs og þakkaði Lionsmönn-
um sérstaklega fyrir þá aðstöðu sem þeir höfðu búið þinginu og færði fulltrúa
hússins farsíma að gjöf. Þá þakkaði hann starfsmönnum ASI og stofnana þess
sérstaklega fyrir þá vinnu sem þeir hefðu unnið á þinginu. Þingforseti þakkaði
samstarfsmönnum sínum við þingstjórnina samstarfið og gaf síðan forseta Al-
þýðusambandsins orðið.
Grétar Þorsteinsson, nýkjörinn forseti ASI, ávarpaði þingið og sleit því.
Ræða nýkjörins forseta ASI við þingslit
Þingforseti!
Við nálgumst nú lok þessa þings. Ég vil byrja á því að bjóða nýja miðstjórnar-
menn velkomna til starfa. Ég veit að við komum öll að þessu verkefni með því
hugarfari að leggja okkur fram um að bæta kjör félaga okkar með öllum tiltæk-
um ráðum - standið upp félagar.
Ég veit að þetta gildir líka um alla aðra, sem hafa verið kjörnir til trúnaðar-
starfa, ekki síst stjórn M.F.A. Öll ætlum við að leggja okkur fram um að bæta
kjör félaga okkar með öllum tiltækum ráðum. Raunar er ég hand viss um að við
öll, sem erum hér í þessum sal ætlum að leggja okkur fram um að bæta kjör fé-
laga okkar með öllum tiltækum ráðum. Til þess að staðfesta það skulum við rísa
úr sætum og klappa fyrir sjálfum okkur.
Ég vil biðja fráfarandi miðstjórnarmenn að koma hér upp.
Fyrir hönd Alþýðusambandsins vil ég þakka ykkur vel unnin störf á þessum
vettvangi, sem mér er fullkunnugt um að þið hafið unnið með það eitt að leið-
arljósi að tryggja sem best kjör og hagsmuni félagsmanna hreyfingarinnar.
Ég vil biðja fáfarandi forseta að koma hér upp.
Félagi Benedikt, ég vil fyrir hönd Alþýðusambands íslands færa þér þakkir
fyrir ágætlega unnin störf á liðnu kjörtímabili, við mjög erfiðar aðstæður. Ég vil
líka leyfa mér að færa þér persónulegar þakkir, bæði fyrir samstarfið á þessum
vettvangi, sem og í gegnum tíðina, sem hefur umfram annað byggst á trausti og
heilindum.
Embættismenn þingsins, ritarar og forsetar eiga miklar þakkir skildar fyrir
skörulega þingstjórn. Þar hefur oft reynt á þolinmæði og umburðarlyndi í bland
við stjórnkænsku.
Að svo mæltu vil ég biðja hina ágætu embættismenn okkar að koma hingað.
Starfsfólk Alþýðusambandsins hefur lagt nótt og dag að undanförnu, við
undirbúning og framkvæmd þingsins. Ég vil færa ykkur þakkir þingsins fyrir al-
deilis prýðilega unnin störf.
155