Skinfaxi - 01.02.2019, Qupperneq 9

SKINFAXI 9
Stefnt að því að leigja hús Ungmennabúða UMFÍ undir
aðstöðu fyrir sambandsaðila og aðildarfélög þegar
engin starfsemi er í húsinu, þ.e. um helgar og á sumrin.
Áhugasamir geta haft samband í gegnum netfangið
ungmennabudir@umfi.is.
Nánari upplýsingar eru á ungmennabudir.is
Ungmennabúðir UMFÍ
hófu starfsemi að Laugum í Sælingsdal árið 2005 og
hafa nemendur í 9. bekk grunnskóla af öllu landinu
komið þangað til dvalar í vikutíma á hverju skólaári.
UMFÍ var með húsnæðið á leigu fram í maí á þessu ári
en ákvað að endurnýja leigusamninginn ekki þar sem
Dalabyggð, sem á húsin, ákvað fyrir nokkru að selja
þau.
Þegar ákveðið var að flytja starfsemina hafði stjórn
UMFÍ augastað á gömlu Íþróttamiðstöðinni á Laugar-
vatni, sem hafði staðið auð í nokkur misseri eftir að
Háskóli Íslands ákvað að flytja íþróttafræðinám þaðan til
Reykjavíkur. UMFÍ og Bláskógabyggð gerðu samning og
gengu saman í heilmikla endurnýjun á húsinu.
Á hverju skólaári hafa um 2.000 nemendur 9. bekkjar
dvalið í Ungmennabúðum UMFÍ. Frá og með þessu
skólaári dvelja þeir að Laugarvatni og má búast við
heilmiklu lífi í kringum Íþróttamiðstöðina í vetur.