Skinfaxi - 01.01.2022, Blaðsíða 4
4 S K I N FA X I
H vað er íþróttahús? Samkvæmt
Orðabók Menningarsjóðs er það
hús sem er sérstaklega ætlað fyrir
íþróttaiðkun og er það hvorugkyns nafn-
orð. Það segir okkur samt ekki mikið um
húsin og starfsemi innan þeirra í dag.
Á árum áður voru þessar klassísku íþróttir
stundaðar innan veggja íþróttahúsa. Þetta
eru auðvitað handbolti, körfubolti og sumar
af frjálsu íþróttunum. En starfsemin hefur
breyst talsvert í gegnum árin. Íþróttahús
hafa stækkað gríðarlega og margar grein-
ar hafa verið færðar undir eitt þak. Meira
að segja knattspyrna er komin í skjól yfir
vetrartímann.
Íþróttahús rúma orðið miklu meira en
hefðbundið íþróttastarf. Það er ánægju-
legt að sjá að starfsemi húsanna hefur þró-
ast í samræmi við breytingar á íþróttastarfi
og þarfir iðkenda hverju sinni. Vissulega tek-
ur tíma að koma nýjum greinum undir þak
með þeim klassísku. Forsvarsfólk þeirra
greina sem þar eru fyrir getur staðið í vegi
fyrir þróuninni, jafnvel þótt iðkendum þeirra
hafi fækkað en fjölgað á móti í þeim jaðar-
greinum sem vilja komast í hlýjuna og tryggt
skjól. En mörkin eyðast með tímanum og á
endanum vill það oft verða að jaðargreinar
verða eins og síðasta lag fyrir fréttir.
Ef vel tekst til verða íþróttahús eins konar
félagsmiðstöðvar, hjarta félagsstarfs. Fátt
gleður mig meira en að sjá fólk á ýmsum
aldri í íþróttahúsum ræða málin og njóta
þess að hreyfa sig saman. Þegar það ger-
ist þjóna íþróttahúsin hlutverki sínu.
Það tekur tíma að gera íþrótta-
hús að félagsmiðstöðvum. Sú
þróun er árangur af áralöngu starfi
þar sem íþróttafélög og sveitarfélög
snúa bökum saman með það mark-
mið að virkja sem flesta í reglubund-
inni hreyfingu. Leikskólastjórnend-
ur hafa sótt í íþróttahús fyrir
skipulagt starf ungra barna,
börn og ungmenni sækja
íþróttahúsin bæði innan
og utan skólatíma og sú
hefð hefur líka skapast í
mörgum sveitarfélögum að eldri borgarar
sækja í íþróttahúsin til að hreyfa sig á eigin
vegum eða undir leiðsögn þjálfara.
Ekki er lengur hægt að reisa íþróttahús
eftir gömlu, stöðluðu ríkisteikningunum.
Íþróttahús eru fyrir alla. Íþróttahús er vel
heppnað þar sem starfsemin er fjölbreytt
og öll hönnun og allt skipulag er í samráði
við íþróttahreyfinguna og iðkendur á hverj-
um stað. Við megum ekki loka augun-
um fyrir mismunandi þörfum fólks.
Þvert á móti þurfum við að hlusta
á óskir, skoða þörfina á hverjum
stað og hverjum tíma, reyna að
rýna í jaðarinn og horfa með
því móti fram í tímann. Þá fyrst
getum við farið að byggja.
Guðmunda Ólafsdóttir
er framkvæmdastjóri
Íþróttabandalags
Akraness (ÍA) og situr
í varastjórn UMFÍ.
Efnisyfirlit
14 Eignaðist vini fyrir lífstíð hjá UMFÍ
– Anna R. Möller
30 Gríðarlega mikið um hagræðingu
úrslita í heiminum
36 Vísbendingar um aukið brottfall úr
íþróttastarfi
Leiðari Íþróttahús fyrir alla
20 Bylting í byggingu íþróttamannvirkja
6 Ánægja með fyrstu skýrsluskil í nýju kerfi
8 Bjargar upptökum af Landsmótum UMFÍ
10 Krakkarnir koma öflugri heim frá
Laugarvatni
12 Vissi ekki að hundahlaup væri íþrótt
13 Íþróttaveisla UMFÍ
20 Ýmis íþróttamannvirki á Íslandi
21 Selfosshöllin slær í gegn
– Sveinbjörn Másson
22 Mikilvægt að íþróttamannvirki séu fyrir alla
– Jóhanna Íris Ingólfsdóttir
24 Ísfirðinga dreymir um nýtt fjölnota
íþróttahús – Dagný Finnbjörnsdóttir
25 Garðbæingar brosa hringinn
– Kári Jónsson
25 Ýmis íþróttahús
25 Stefnumótun Reykjavíkurborgar
26 Yngri kynslóðir hafa áhuga á jaðar-
íþróttum – Hilmar Ingimundarson
28 Mikilvægt að fatlaðir og iðkendur með
sérþarfir fái tækifæri – Sólný Pálsdóttir
29 Vorfundur UMFÍ
32 Forkólfarnir hlutu eldskírn innan raða
UMSE
34 Tólf félög stofnuðu UMSE
35 Áhrifin af Covid-19
38 Hvernig sköpum við gott umhverfi fyrir
börn innan íþróttafélaga
39 Bull að íþróttir séu ekki pólitískar
40 Gamla myndin:
Landsmótið á Húsavík 1987
42 Hvað á að gera við gamla bikara?