Læknaneminn - 01.11.1965, Side 48

LÆKNANEMINN
48
úrlega eins og gerist og gengur,
en menn rekast á svo ótrúleg fyr-
irbæri, að væri frá þeim sagt,
tryði enginn nema sá, sem einnig
sæi með eigin augum og kynntist
af eigin raun. Þannig fór fyrir
mér, og tel ég mig sannarlega vera
reynslunni ríkari eftir veru mína
í Eyjum. Er það trúa mín, að ung-
ir læknar muni af fáu læra meira
en almennum praxís.
Starf mitt var annars aðgengi-
legt og oftast auðleyst. í ágúst
var yfirleitt lítið að gera, enda
fólk upptekið við vinnu, lítið um
pestir og lítið af aðkomufólki. I
september jókst hins vegar mjög
mikið öll vinna hjá mér. Pestir
voru byrjaðar að ganga, það var
meira af slysum, og fólk virtist
gefa sér meiri tíma til að leita
læknis. Hafði ég því fullnóg að
gera seinni hluta veru minnar.
Mér varð hugsað til þess, að ekki
væri mikill friður hjá læknum
yfir vertíðina, þegar allt fyllist
af aðkomufólki með öllu, sem því
fylgir, og þeir ef til vill tveir eða
jafnvel einn.
Það verður varla skilið við
eyjarnar án þess að lýsa aðeins
staðháttum og þjóðlífi, enda þótt
margir þekki þar betur til en ég
og séu hæfari til slíks.
Vestmannaeyjar eru yfirleitt
mjög klettóttar og þverhníptar. Á
Heimaey er þó töluvert flatlendi,
a. m. k. nægilegt til þess að hún
sé byggileg. Hún er mjög grösug
og grózkuleg, en tré þrífast tæp-
ast, og mun selta loftsins ráða
miklu þar um.
Kaupstaðurinn sjálfur stendur
nyrzt á eyjunni og er varinn gegn
norðan- og vestanátt af stórum
klettum. Þeirra nafntogaðastur er
Heimaklettur, þverhníptur og
nokkuð hár. Vestmannaeyjabær er
heldur í vexti, en fólk flytur mik-
ið frá eyjunum, svo að vöxturinn
er hægari en barnaframleiðsla
eyjarskeggja segir til um.
Geysileg útgerð er þaðan og
mikil atvinna í sambandi við hana.
Þó er eitt, sem hefur dálítið stað-
ið fiskiðnaði fyrir þrifum, en það
er vatnsskorturinn. Uppsprett-
ur eru nánast engar og vatnið
mengað jarðsöltum. Sápa freyðir
ekki í þessu vatni og það er
óhæft til drykkjar. Þetta hefur
valdið því, að eyjabúar hafa orðið
að safna rigningarvatni af þökum
húsa sinna, en það hefur þá ókosti
í för með sér, að vatnið getur
mengast sóti og öðrum óþverra.
Þar eð carcinogen efni kunna
að vera í þakvatninu, og þar eð
magakrabbamein er hlutfallslega
algengt í Eyjum miðað við aðra
staði á landinu, hefur mönnum
dottið í hug að orsakasamband
gæti verið þarna á milli. Hefur
prófessor Níels Dungal verið að
rannsaka þessa hluti en ekki feng-
ið fullnaðarniðurstöðu ennþá.
Samgöngur hafa til skamms
tíma verið erfiðar við eyjarnar.
Sjóleiðin hefur alltaf verið örugg-
ust, en miður skemmtileg vegna
krappra sjóa og lélegra farkosta.
Nýlega hefur ástandið þó batnað.
eftir að m. s. Herjólfur kom til
sögunnar, traust og gott sjóskip.
Flugi er alltaf reynt að halda
uppi, ef veður leyfir, en það er
hreint ekki sjaldan, að veðurguð-
unum þóknast að stugga mann-
anna fuglum frá. Versna þá strax
samgöngur og sambandið við um-
heiminn.
Flugfélag Islands var lengi vel
hið eina, sem hélt uppi loftferðum,
en þetta sumar hóf nýtt félag,
Eyjaflug, áætlunarflug, og brá þá
svo við, að ferðir Flugfélags ís-
lands urðu tíðari, á réttari tímum