Læknaneminn - 01.10.1988, Side 42

læknisfræði og gengið út frá þeirri forsendu að
framhaldsmenntun og þekking á fleiru en einu
fræðasviði muni gefa gagnlega yfirsýn og hæfni til að
mæta nýjurn aðstæðum, nýjum vandamálum.
Fjarskyld svið
I hugleiðingum hér að ofan hef ég reynt að
benda á verkefni, sem augljóslega tengjast læknisfræði
og sum hver tilheyra ótvírætt læknisfræði, en hefur
hingað til verið lítt sinnt af læknislærðu fólki. En hvað
um störf á öðrum sviðum þjóðfélagsins? Augljóslega
verður ekki mælt með því að fólk leggi fyrir sig hið langa
nám læknisfræðinnar með það fyrir augum að leggja
síðan fyrir sig einhver tjarskyld störf, sem unnt er að
nálgast eftir skemmri og markvissari leiðum. Hins
vegar skal aftur bent á, að læknisfræðin er breið
líffræðileg menntun, studd undirstöðu í nokkrum öðrum
raunvísindum auk sálfræðilegs og félagsvísindalegs
ívafs. Ef atvinnuaðstæður eða einhverjar einstaklings-
bundnar aðstæðurbeina mönnum frá læknisfræðilegum
störfum, jafnvel í hinum víðtækasta skilningi, skal það
fullyrt að á mörgum starfssviðum geti hin víðtæka
menntun sem í læknisfræði felst komið að notum. Af
handahófi skulu til dæmis nefnd hin nýju svið hagnýtrar
Iíffræði eins ogfiskeldi, fisksjúkdómafræði og líftækni,
sem í lyfjaframleiðslu tengist beint hefðbundnum
viðfangsefnum læknisfræðinnar. Á sviði tölvunarfræði
má ímynda sér að stór verkefni bíði við hagnýtingu töl va
á ýmsum sviðum læknisfræði, t.d. við
sjúkdómsgreiningu. Flest verða sennilega leyst með
samvinnu lækna og tölvunarfræðinga en einstaklingur
sem er hvort tveggja í senn læknir og tölvunarfræðingur
ætti að vera liðtækur. í uppeldis og skólamálum eru
verkefni ærin svo og í stjómmálum!
Að lokum skal áréttað að hérerekki verið að draga úr því
grundvallarhlutverki læknakennslu að mennta
einstaklinga hæfa til að greina og meðhöndla sjúkdóma
heldur benda á að slík menntun geti einnig verið
grunnur undir lífsstarf sem ekki liggur innan hins
hefðbundna læknishlutverks.
Heimildir.
1. Harrison’sPrinciples of Intemal Medicine. 8. útgáfa.
Ed. Thom, Adams, Braunwald.Isselbacher, Petersdorf.
McGraw-Hill Book Company, New York, 1977, bls. 1.
2. Bima Þórðardóttir: Málþing um atvinnuhorfur
lækna. Læknablaðið; 73: 227-235, 1987.
3. Goodman and Gilman's the Pharmacological Basis
of Therapeutics. 7. útgáfa. Ed. Gilman, Goodman, Rall,
Murad. McMillan Publishing Company, New York,
1985.
4. J.E. Hardison: To becomplete. N. Engl. J. Med. 300:
193- 194, 1979.
40
LÆKNANEMINN %88-41. árg.