Iðjuþjálfinn - 2023, Side 26

Iðjuþjálfinn I Fagblað iðjuþjálfa I 1. tölublað 2023 26
ráðstefnum (veggspjöld og fyrirlestrar). Fagþróunarsjóður
Iðjuþjálfafélags Íslands studdi gerð fræðslu og kynningarefnis
í tengslum við fjögur af ofannefndum veggspjöldum (2020
og 2022). Auk þess voru hugbúnaðurinn og vinnan að baki
hans kynnt á Vísindavöku Rannís í október 2022 en sýningin
í Laugardalshöllinni var sótt af yfir 6000 manns. Sýningar-
básinn, 8 m2, sem bar heitið Íslensk iðjuþjálfun um allan heim:
Þróun notendahugbúnaðar í endurhæfingu samanstóð af átta
veggspjöldum auk tölvuskjás þar sem hægt var að skoða
forritið. Iðjuþjálfar á Grensási sáu um að kynna efnið fyrir
sýningargestum (sjá Mynd 4a og Mynd 4b).
Síðastliðið vor bauðst öllum iðjuþjálfum Landspítala sem nú
eru starfandi og hafa réttindi til að nota A-ONE matstækið
að taka þátt í kynningu á A-ONE hugbúnaðnum. Þar sem
mislangt er frá því að iðjuþjálfarnir sóttu A-ONE námskeið sín,
allt frá fjórum upp í rúm 30 ár, var útbúið tveggja daga A-ONE
upprifjunarnámskeið þar sem farið var yfir helstu nýjungar
undanfarinna ára og þær tengdar matstækinu og þróun
þess. Einnig fengu þátttakendur tækifæri til að meta einstak-
linga út frá myndböndum með notkun íslenskrar þýðingar
nýjustu útgáfu A-ONE eyðublaðanna og ræða niðurstöður.
Endurnýjuðu eyðublöðin eru í samræmi við uppfærslu þá er
hugbúnaðarforritið og pdf-skrár þess byggja á. Auk þess var
forritið kynnt ásamt helstu möguleikum þess og þátttakendum
veittur aðgangur að því. Þeir munu síðan taka þátt í að skila
inn notendaprófunum sem nýttar verða til að uppfæra forritið.
Þar sem mikill áhugi var fyrir þátttöku á námskeiðinu og ekki
var hægt að loka fyrir starfsemi iðjuþjálfadeildanna var ákveðið
að bjóða upp á tvö tveggja daga námskeið með mismunandi
dagsetningum. Því gátu allir nema tveir A-ONE þjálfaðir
iðjuþjálfar á mismunandi deildum spítalans (bráðadeildum,
endurhæfingardeildum, geðdeildum og öldrunardeildum) nýtt
sér námstilboðið, sjá Mynd 5 frá námskeiðinu. Ákveðið var að
bjóða einnig fjórum iðjuþjálfum utan spítalans þátttöku þannig
að hægt væri að afla samanburðar fyrir notendaprófanir af
reynslu þeirra af netþjónustuútgáfu hugbúnaðarins við notkun
hugbúnaðarins á netþjóni spítalans. Þessir iðjuþjálfar starfa
allir hjá Kjarki endurhæfingu í Hátúni. Verið er að safna saman
og vinna úr gögnum frá notendaprófununum. Auk notenda-
prófana innanlands voru sambærilegar kannanir sendar til
erlendra iðjuþjálfa sem komið hafa að kennslu, þýðingum og
þróun A-ONE.Þar má nefna prófessora við Kólumbíu-háskóla
í Bandaríkjunum, Suður-Danmerkur-háskóla, Yonsei- og
Konyang-háskólana í Suður-Kóreu. Einnig Morinomiya- og
Osaka-háskólana í Japan og iðjuþjálfa sem starfa á endur-
Mynd 5. Námskeið á Landspítala um nýjungar og hugbúnað
A­ONE.
Mynd 4b. Sýningargestir á Vísindavökunni streyma að.