Iðjuþjálfinn - 2023, Side 35

Iðjuþjálfinn I Fagblað iðjuþjálfa I 1. tölublað 2023 35
þjónustu var augljós allt frá byrjun og hefur starfsemin farið
stækkandi síðustu þrjú árin og í dag starfrækir Memmm Play
opna leikskóla í þrem hverfum í fallegu samstarfi við Reykja-
víkurborg. Opni leikskólinn hlaut hæsta styrk sem veittur
var þetta árið frá Velferðarsviði Reykjavíkurborgar, tæpar 12
milljónir á ári, til þriggja ára. Með þeim
styrk er starfsemin fjármögnuð en fram
að því hafði starfsemin verið fjármögnuð
með minni styrkjum og sjálfboðavinnu.
Umhverfi og dagskrá opna
leikskólans
Umhverfi opna leikskóla Memmm Play
er sett upp með það að leiðarljósi að
það sé bjóðandi, að það ýti undir þroska
og sé í leiðinni fallegt og henti þeim aldri
barna er mæta með fjölskyldum sínum.
Boðið er upp á þroskandi leikföng,
bækur og opinn efnivið ásamt leiksvæði
og leiktækjum sem hvetja til grófhreyf-
inga. Rýmið er sett upp með það í huga
að ýta undir forvitni, sjálfstæði og leik-
gleði barna ásamt því að boðið er upp 
á kaffi og meðlæti fyrir fullorðna fólkið
sem fylgir þeim.
Samstarf Memmm Play við Velferðar-
svið Reykjavíkurborgar hefur verið
einkar farsælt og hefur starfsemin fengið afnot af húsnæði á
vegum borgarinnar á þrem stöðum þegar þetta er ritað, sal
í Borgarbókasafninu í Gerðubergi og í Samfélagshúsunum í
Bólstaðarhlíð og á Aflagranda. Sömu áherslur eru í starfinu
á hverjum stað, sem þó búa yfir sérstöðu hver fyrir sig. Í
Gerðubergi er fókus settur á hreyfiþroska og grófhreyfingar
með uppsetningu þrautabrautar, listasmiðjan með allri sinni
sköpunargleði á heima í Aflagranda og skynörvandi umhverfi
þar sem ljós og skuggar leika saman er reglulega sett upp í
leikherberginu í Bólstaðarhlíð.
„Í fæðingarorlofinu verður
maður oft mjög einangraður og
á í litlum/engum samskiptum
við annað fullorðið fólk. Eins
og staðan á leikskólum og hjá
dagforeldrum er núna þá þarf
maður að vera mun lengur
heima með barninu og þar að
leiðandi meiri einangrun. Með
opna leikskólanum fær maður
tækifæri á að hitta aðrar full-
orðnar manneskjur sem maður
getur átt samræður við. Mér
finnst starf opna leikskólans
alveg ofboðslega mikilvægt og
vona ég að fleiri bæjarfélög fari
í samstarf.“
Um mikilvægi opna leikskólans
- svar notanda úr þjónustukönnun,
maí 2023
Allar staðsetningarnar eiga það þó sameiginlegt að söngstund
er í hávegum höfð og sungið er saman fyrir miðju opnunartíma
í hvert sinn. Þær gera mikla lukku og sameinast þar söngur
og hreyfing, málörvun og gleði með því að syngja lög með
hreyfingum og táknmáli. Ungir og eldri njóta söngstundana
og eru þær þétt setnar. Sérstaklega
gaman er að fylgjast með börnunum
læra hreyfingarnar og syngja með
lögum eins og Kalli litli könguló eða
Höfuð herðar hné og tær með góðum
stuðningi hins fullorðna.
Fræðsla í opna leikskólanum
Reglulega eru í boði fræðsluerindi í
opna leikskólanum, fjölskyldum að
kostnaðarlausu. Memmm Play leggur
áherslu á mikilvægi þess að bjóða upp
á almenna fræðslu í málefnum barna
og fjölskyldna þar sem börnin eru
velkomin með foreldrum/forsjáraðilum.
Þannig er aðgengi foreldra/forsjáraðila
yngstu barnanna tryggt og geta öll
sótt dýrmæta fræðslu á borð við
skyndihjálp ungra barna, málörvun og
málþróun fyrstu árin, ferli hreyfiþroska
og um leyndardóma leiksins. 
Starfsfólk Memmm Play er ávallt til
staðar á opnunartíma og passar upp á að vel sé tekið á móti
öllum, að styðja og fræða þá sem eftir því sækjast, að halda
utan um skráningu á mætingu og leiða söngstund. Mikilvægt
er að fagfólk leiði starfsemi opna leikskólans og að fagmennska
og reynsla á sviði uppeldis, virkni og umönnunar sé nýtt til
stuðnings þeim fjölskyldum sem hann sækja.