Goðasteinn - 01.09.1962, Blaðsíða 23

Útþráin er Islendingum í blóð borin, og hef ég sannarlega ekki
farið varhiuta af henni fremur en margir aðrir. 1 æsku hafði ég
að vísu fá tækifæri til að leggja land undir fót, því að ferðalög
kosta allmikið fé, en lítið var um peninga í Skagafjarðardölum á
kreppuárunum milli heimsstyrjaldanna eins og víðar. Lystireisur
unglinga voru því eðlilega mjög fágætar á þessum árum, en ýmsar
skemmri ferðir bættu mjög úr til að gera hversdagslíf kreppuár-
anna fjölbreytt og ævintýraríkt. Það var til dæmis afar stórfenglegt
að komast upp á brún einhvers fjallsins til að sjá, hvað tæki
við hinumegin, og ekki má gleyma eftirvæntingu þeirri og fögn-
uði, er fylgdu göngum og réttum.
Svo brauzt út heimsstyrjöldin síðari og gjörbreytti efnahag og
lífsviðhorfum Islendinga í einu vetfangi. Þá lögðu margir unglingar
leið sína burt úr heimahögum og út í veröldina, þar sem gullin
tækifæri, til að vinna sér inn peninga, skapa sér örugga afkomu
eða kosta sig í skóla, biðu eins og skrautleg blóm meðfram veg-
inum, sem maður gekk.
Goðastewn
21