Goðasteinn - 01.09.1962, Blaðsíða 31

hringstiga. En heldur mun það seinlegt verk, því að stigaþrepin
eru alls 1792. Úr Eiffelturni er hið fegursta útsýni yfir borgina, og
er talið, að sjá megi í góðu skyggni um 90 km leið í allar áttir.
Efst í turninum eru sendistöðvar fyrir útvarp og sjónvarp, veður-
athugunarstöð, verzlanir og margt fleira.
Aðalgata Parísarborgar heitir Champs-Elysées eða Ódáinsvellir.
Er hún afar breið og bein með mörgum akbrautum, trjáröðum
og gangbrautum. Hún er án efa fegursta gata í veröldinni. Við
hana standa fjölmargar fornar og fagrar byggingar. Þar er t.d.
Elysée-höllin, þar sem forseti Frakklands hefur aðsetur, aðal-
stöðvar stærstu dagblaða landsins, frægustu tízkuhúsin, veitinga-
húsin o. s. frv. Fyrir efri enda Eiysées-götunnar stendur Sigur-
boginn nafnfrægi, sem reistur var snemma á 19. öld. Hann er 50
m hár og 45 m breiður og prýddur fjölmörgum myndum og
öðru skrauti. Undir hveifingu Sigurbogans er gröf óþekkta her-
mannsins þakin blómsveigum, en Frakkar eru mikil hernaðarþjóð
frá fornu fari og tilbiðja allt, sem minnir á hernaðarfrægð. Um-
hverfis Sigurbogann liggur Stjörnutorg. Út frá því ganga tóif
fagrar breiðgötur í allar áttir líkt og geislastafir frá stjörnu. Gagn-
stætt Sigurboganum við neðri enda Champs-Elysées er Concorde-
torgið, sem nefnt hefur verið fegursta torg veraldarinnar. Torg
þetta á sér mikla sögu, og á því stóð fallöxin í byltingunni miklu.
Þar misstu þau Lúðvík 16. og drottning hans, María Antoinette,
höfuð sín, ásamt fjölmörgum öðrum. Á miðju þessu torgi stendur
nú hin fagra, 23 m háa steinsúla, sem Múhammed Alí í Egypta-
landi sendi Lúðvíki Filippusi að gjöf á sínum tíma.
Þá má ekki láta hjá líða að geta um Napóleonssafnið og
Invalídakirkjuna. 1 safni þessu er varðveitt allt, sem Napóleon
mikli átti eða snerti hann á einhvern hátt, vopn hans, klæðnaður,
kórónur, málverk og margt fleira. Og undir hvelfingu kirkjunnar
hvíla jarðneskar leifar útlagans frá Sankti Helenu í brúnni marm-
arakistu. Sýna Frakkar keisaranum hina mestu virðingu í hví-
vetna, en Napóleon á alltaf mjög sterk ítök í þeim sakir hernað-
arfrægðar sinnar og dugnaðar. Þá þótti mér forvitnilegt að standa
á grunni Bastillunnar gömlu, þar sem franska stjórnarbyltingin
Goðasteinn
29