Goðasteinn - 01.09.1962, Síða 28

öld varð hún fyrir heiftarlegum árásum norrænna víkinga, sem
léku hana grátt. En mcð valdatöku Kapetingaættarinnar laust fyrir
aldamótin iooo jókst vegur Parísarborgar á ný, og brátt komst á
sú venja, að konungurinn hefði aðsetursstað á Isle de la Cité. Þar
með var París orðin höfuðborg ríkisins og tók þá að vaxa veru-
lega. Á sautjándu öld gerði Richelieu kardínáli París að þeim
pólitíska og menningarlega höfuðstað Evrópu, sem hún hefur verið
síðan. Margir hafa átt þátt í að stækka og fegra borgina á liðnum
öldum, en fáir verið svo stórvirkir sem Lúðvík 14., Napóleon mikii
og frændi hans Napóleon 3. Hinn síðastnefndi átti mikinn þátt í,
að lagðar voru hinar mörgu og beinu breiðgötur um borgina þvera
og endilanga.
Það, sem vakti helzt athygli mína við fyrstu kynni af París, var
umferðin. Allar aðalgöturnar eru beinar og breiðar og borgin ágæt-
lega skipulögð, en hvar sem komið var, þá voru þar bílar af öllu
tagi á fleygiferð. En þrátt fyrir afar marga bíla og mikinn hraða,
þá fór allt vel fram, og virtust árekstrar og umferðarhnútar sjald-
gæf fyrirbæri. Hlýtur það að liggja í því, að gott skipulag er á öllu,
og þó einkum því, að ökumenn virðast sýna einstaka lipurð og
sveigjanleika í umferðinni. Franskar bifreiðir eru í yfirgnæfandi
meirihluta á götum Parísar, og mest ber á Citroen, Renault og
Panhard. En þrátt fyrir gífurlega umferð á götum stórborgarinnar,
fer ekki svo lítill hluti hennar fram undir yfirborðinu, því að þar
er þéttriðið net neðanjarðarbrauta, sem tengir hina ýmsu borgar-
hluta saman. Eru Frakkar að vonum hreyknir af neðanjarðar-
brautunum og kváðust hafa lagt þá fyrstu þeirra í París aldamóta-
árið 1900.
Ekki er þess nokkur kostur að lýsa París í stuttu máli. Borgin
er í rauninni svo yfirfull af fornum byggingum, fögrum höllum,
sögustöðum gömlum og nýjum, skemmtigörðum, listaverkum og
minnismerkjum, að hún minnir sem heild á gífurlega stórt safn.
Ég mun því stikla á stóru og geta aðeins örfárra staða. Notre-
Dame kirkjan, sem byrjað var að reisa á 12. öld, er frægust fornra
stórhýsa í borginni. Hún stendur á Ile de la Cité ásamt dóm-
höllinni, lögreglustöðinni og fleiri stórhýsum. Margar brýr tengja
eyjuna við land á báða vegu, og sú elzta þeirra heitir Nýjabrú.
26
Godasteinn