Goðasteinn - 01.09.1962, Page 44

Þórður Tómasson:
Sagnaþœttir
I. Ilallilíir í StBiniim
Fram á þennan dag hafa gengið ýmsar sagnir af Halldóri Ei-
ríkssyni í Steinum undir Eyjafjöllum. Halldór var fæddur á Selja-
völlum í sörnu sveit árið 1775 og ól allan sinn aldur undir Eyja-
fjöllunum. Hann var maður vel viti borinn, orðheppinn og mein-
yrtur, ef hann vildi það við hafa.. Ungur kvæntist hann gamalli
konu, Halldóru Ásláksdóttur, bónda í Berjaneskoti, Guðmunds-
sonar. Var hún 30 árum eldri en bóndinn. Halidóri fannst ekki
til um fegurð hennar, að sögur herma. Einu sinni var hann á leið
yfir Hellisheiði. Þar varð langferðamaður á vegi hans, kominn
alla leið austan úr Skaftafellssýslu. Hann hafði komið við í Stein-
um, þegið þar góðgerðir og vissi, að Halldór átti þar hlut að
máli. Lét hann þess getið við Halldór, er tók því vel, en vildi
þó vita vissu sína um, að hann færi ekki bæjavillt. Líklegasta ráð-
ið var að spyrja um útlit konunnar, sem bar honum beinann.
„Var hún, sem maður segir, andskoti ljót?“ spurði Halldór. Ferða-
maðurinn svaraði: „Ekki er nú beint hægt að segja, að hún hafi
verið fríð“. Halldór efaðist þá ekki og sagði ákveðið: „Ja, þá
hefur það verið hún Halldóra mín“.
Ekki voru efnin mikil hjá Halldóri, og uppgangssamt vildi
verða í gestgötunni í Steinum. Hann vildi þó sízt láta á því bera,
að tæp tök væru á því að fagna gestum, og gat hallað sóma Hall-
42
Goðasteinn