Goðasteinn - 01.09.1971, Blaðsíða 12

fundur K.H.S. að Arnarhvoli. Ágúst Einarsson framkvæmdastjóri
kvað þann fund haldinn til að ganga cndanlega frá skuldamálum
félagsins. Gat hann um skilyrði S.Í.S. fyrir því að koma féiaginu
á sjálfstæðan fjárhagsgrundvöll og að hann og Ragnar Ólafsson
hefðu þegar kynnt þessi mál á aðalfundi og deildarfundum. Skil-
yrði Sambandsins voru þau, að eftirgjöf skulda væri háð því að
stofnsjóður félagsins yrði afskrifaður og notaður til að mæta
töpum, svo langt sem hann næði. Einnig að félagsmenn legðu af
frjálsum og fúsum vilja fram kr. 5000,00 til tryggingar framtíðar-
rckstri. Loks væri það vilji S.I.S. að það réði vali framkvæmda-
stjóra og yrði honum ekki sagt upp, nema með þess samþykki, og
sagt upp, cf stjórn þess krefðist. Voru þessi skilyrði rædd fram og
aftur, cn að lokum samþykkt. Unnið hafði verið um skeið að
söfnun fjár hjá félagsmönnum og þegar fengin loforð fyrir kr.
3235,00. Tóku fundarmenn að sér að ábyrgjast það, sem á vantaði
og samþykktu víxil því til tryggingar. En á þessum fundi var þó
um fleira rætt en skuldir og neyðarráðstafanir, því að fram-
kvæmdastjóri hreyfði þá því máli, að félagið léti smíða frystihús
og lýsti ýtarlega þeim hagnaði, sem bændur gætu af því haft með
aukinni kjötsölu. Var málið rætt nokkuð og vísað til næsta full-
trúafundar.
Á aðalfundi K.H.S. 23. maí 1938 kom fram, að hagur þess
hafði vænkazt mjög við aðgerðirnar í skuldamálum þess árið áður.
Höfðu skuldir þcss við lánadrottna lækkað um kr. 117.603,25.
Rekstrarafgangur varð og talsverður það ár og honum varið í
sjóðatillög og aukaafskriftir á eignum félagsins. Framkvæmda-
stjóri 'skýrði frá smíði fyrirhugaðs frystihúss og las upp kostnaðar-
áætlun. Kvaðst hann hafa sótt um innflutningsleyfi fyrir vélum
og einnig um ríkisstyrk til byggingarinnar. Ætti þar mcð að vera
tryggður forgangsréttur félagsins til að reka frystihús í sýslunni.
Var samþykkt að halda undirbúningi áfram og Sigurþór Ólafsson
og Sveinbjörn Högnason kosnir ásamt Ágústi Einarssyni í nefnd
tii að vinna að málinu. Á þessum fundi var og samþykkt að hætt
yrði að flytja mjólk skilyrðislaust fyrir utanfélagsmenn með bílum
félagsins og á þeim leiðum, sem það kostar að öllu leyti sjálft
flutningana, nema að þeir hafi viðskipti við félagið upp að tilteknu
10
Goðasteinn