Goðasteinn - 01.09.1971, Blaðsíða 62

endurtekur sig: skipið sogast út í brimgarðinn, og komast 3 menn
á kjöl. Fljótlcga slitna þó 2 þeirra af, en eftir er einn maður. Er
það Einar Högnason bóndi á Hvoli (Hvolshól). Hann hefur náð
góðri handfestu, er verður að stirðnuðu dauðahaldi. Berst hann
með skipinu vestur með Iandi, og þegar skipið er komið á móts
við Hvol, er hinn sjóhrakti maður enn á kjöl, og verður hann
þekktur af konu sinni og dætrum, er skipið rekur framhjá. Má
gera sér í hugarlund hvílík raun þeirra mæðgna hefur verið að
horfa á þessi hörmulegu afdrif húsbóndans og geta ekkert aðhafzt
til bjargar.
Hvarf síðan bæði maður og skip út í kvöldmyrkrið og élja-
sorta. Fljótlega mun Einar þó hafa losnað frá skipinu eftir þetta,
þar sem hann er einn þeirra fyrstu, er jarðaðir eru af þeim, er
drukknuðu þennan dag.
AIJ.s björguðust 6 menn af Dyrhóling, mest fyrir hjálp þeirra,
er í landi voru, en 10 drukknuðu. Dyrhólingur barst vestur með
söndum og fannst síðar rekinn á Önundarstaðafjöru í Landeyjum.
Það hefur verið látið að því liggja, að heldur hafi verið fá-
mennt í sandi, er Dyrhólingur lenti. Það er alltaf erfitt að segja
til um slíkt, því trúlega eru það helzt skipverjar um róðurinn, er
lokast inni, er skipinu hvolfir, og hefði vafalaust þurft mikið til
að bjarga í slíkum aftökum.
Þegar þessi góuþræll fyrir 100 árum er að kveldi kominn, hafa
26 menn gist hina votu gröf í Dyrhólahöfn og héraðið allt meira og
minna í sárum.
Mennirnir, er fórust, voru þessir:
1. Guðmundur Guðmundsson, bóndi, Dyrhólum.
2. jón Þorkelsson, bóndi, Litlu-Hólum.
3. Einar Högnason, bóndi, Hvoli.
4. Ólafur Þorkelsson, bóndi, Steig.
5. Guðmundur Þórðarson, bóndi, Brekkum.
6. Jón Jónsson, vinnumaður, Hryggjum.
7. Jónas Hallgrímsson, vinnumaður, Norðurgarði.
8. Sigurður Sigurðsson, bóndi, Skarðshjáleigu.
9. Friðrik Árnason, yngispiltur, Dyrhólum.
10. Bjarni Sigurðsson, fyrirvinna, Hryggjum.
60
Goðasteinn