Goðasteinn - 01.09.1971, Blaðsíða 13

lágmarki. Virðist þessi stefna í flutningamálum ekki ósanngjörn,
þegar tillit er tekið til allra aðstæðna í verzlunarmálum þessara
ára.
Starf félagsins reyndist ganga alveg sæmilega 1938, því að fram
kom á aðalfundi 1939 að orðið hafði talsverður rekstrarhagnaður.
Var samþykkt að greiða félagsmönnum 5% arð og einnig veita
aukauppbót á ull og gærur. Samþykkt var og að breyta félagslög-
unum um samábyrgð féiagsmanna þannig, að hver meðlimur bæri
aðeins ábyrgð á fjárreiðum félagsins, cr næmi stofnfjárinnstæðu og
kr. 300,00 að auki. Létti þetta verulega persónulega ábyrgð hvers
og eins. Framkvæmdastjóri gat þess að samningaumleitanir við
Siáturfélag Suðurlands hefðu leitt til þess að K.H.S. hefði fengið
J.eyfi til slátrunar 1400 fjár í Djúpadal á hausti hverju fyrst um
sinn. Var slíkt talsvert fjárhagslegt hagræði fyrir félagið. Einnig
skýrði framkvæmdastjóri frá því, sem gert hafði verið í frysti-
húsmálinu. Keypt hafði verið dieselvél til rafmagnsframleiðslu.
Höfðu verið sett rafljós í hús félagsins og önnur nærliggjandi frá
henni. Þá væri vélin svo stór að nægja mundi til rekstrar frysti-
húss. Þá kvað hann félaginu standa til boða notaðar vélar með
sæmilegum kjörum og samþykkti fundurinn að fela stjórn og fram-
kvæmdastjóra að koma upp umræddu frystihúsi hið fyrsta. Var því
verki svo lokið um sumarið og frystihúsið tekið í notkun í október
T939 óg þá byrjað að taka kjöt til frystingar og geymslu gegn
vægu gjaldi. Utanbúðarmaður og frystihússtjóri var Gísli Jónsson
frá Ey.
Á aðalfundinum 1939 varð sú breyting á stjórn félagsins, að
Helgi Jónasson kom inn sem varamaður í stað sr. Jóns Skagans.
Árið 1939 var lagt fyrir stjórnarfund bréf frá Kaupfélagi Rang-
æinga á Rauðalæk, er stofnað hafði verið 1930. Fjallaði bréfið um
hugsanlega nánari samvinnu allra kaupfélaganna í Rangárvalla-
sýslu og lagt til að K.H.S. kysi mann í viðræðunefnd, þar sem
einnig yrði fulltrúi frá Kaupfélagi Rangæinga og Kaupfélaginu Þór.
Var málaleitan þessari hafnað umsvifalaust, þar sem talið var
óhugsandi fyrir samvinnukaupfélög að vinna með félagi, er stofnað
væri þeirn til höfuðs. Hins vegar var því lýst yfir, að samstarf
samvinnufélaga væri bæði eðlilegt og æskilegt og mælt með því
Goðasteinn
11