Goðasteinn - 01.06.1983, Side 20

lána mér hana og ef þér vildu svo vel gjöra vildi ég ekki
sleppa þessu tækifæri að fá hana öðru megin á hestinn.
Forlátið þennan miða, samt bónakvabb mitt allt bæði
þettað og annað og verið með öllum yðar margkvaddar
af yðar elskandi vinkonu.
Holti 28. Octobr. 1829. Kristín Björnsdóttir.
Á handritið Lbs. 3892, 8vo, eru skráðar Andrarímur
Hannesar Bjarnasonar og Gísla Konráðssonar, byrjaðar
1820. Við lok þeirra er skrifað: „Endaðar að Skálakoti
þann 16. September 1825 af S. Einarssyni." í bókband
eru notuð sendibréf til Sighvats. í eftirskrift bréfs frá
Andriasi Sigurðssyni segir „1000 sinnum sælir." Séra
Sigurður Thorarensen á Stórólfshvoli á þarna bréfbút
skráðan 11. Janúar 1824 tileinkaðan virðulegum heiðurs-
manni, væntanlega Sighvati í Skálakoti, og er fjallað um
hálfan hlut í aflaskiptum og smérlán Þórðar í Kvíhólma
sem var landseli séra Sigurðar.
Handritið hefur verið í eigu Einars Sighvatssonar.
Framan við titilblað ritar hann vísu Jóns Torfabróður.
Ofan datt en ekki dó,
ekki er að tvíla kallinn.
Þórdís haus að þúfu dró
þegar ég lá fallinn.
Ekki þekki ég feril bókarinnar frá Einari á Skála til
nafna hans, Einars Guðmundssonar á Reyðarfirði sem
gaf hana Landsbókasafni með öðrum handritum sínum
árið 1970.
Athygli vekur hve skamman tíma það tekur fyrir rímur
Hannesar á Ríp og Gísla Konráðssonar að berast norðan
úr Skagafirði suður að Skálakoti en vísast hafa vermenn
komið þar við sögu.
18
Goðasteinn