Goðasteinn - 01.06.1983, Blaðsíða 127

aðar brúðarslæður, aðra saumaða af Ragnheiði Þorsteins-
dóttur Thorarensen á Móeiðarhvoli 1852, hina af Önnu
Jónsdóttur frá Breiðabólsstað, húsfreyju að Múla í Bisk-
upstungum á svipuðum tíma.
Ýmsar aðrar góðar gjafir fékk safnið á árinu og skulu
öllum gefendum, vinum og velunnurum byggðasafnsins
færðar alúðarþakkir og góðar óskir.
Safnvörður áformar að endurreisa á árinu 1982 gamla
búrið frá Seljalandi í Fljótshverfi, en allir viðir þess eru
geymdir í safninu. Húsnæðismál byggðasafnsins hljóta
að verða tekin til umræðu og úrlausnar á næstu árum.
Aðalsafnhúsið er byggt 1954, fyrst og fremst til að forða
áraskipinu Pétursey frá eyðingu. Húsið er á ýmsan veg
óhentugt safnhús og fyrir löngu orðið of lítið. Pað er án
anddyris, svo útiloft leikur um allt húsið um leið og
útidyr eru opnaðar. Kynding er engin nema einn hita-
blásari, of orkufrekur fyrir lága spennu á rafmagni. Inn-
smíði í húsinu er ábótavant, ekki síst vantar góðan gler-
skáp fyrir þjóðbúninga safnsins og vinna þarf að því að
koma meiru af munum safnsins undir gler. Stálgrinda-
hús byggðasafnsins er að mestu byggt fyrir þjóðhátíðar-
gjöf Kaupfélags Rangæinga 1974 og gegnir þörfu hlut-
verki sem geymsla en gæti þó verið sýningarhúsnæði,
ef rými væri meira. Rar eru í svipinn varðveittir 3 gamlir
fiskibátar.
Vænta má þess að minjasafni frá fornleifarannsókn í
Stóru-Borg verði ætlaður staður í Skógum og myndi Pjóð-
minjasafn íslands vilja stuðla að því að byggt yrði yfir
Borgarsafnið sýningarhúsnæði tengt byggðasafninu.
Byggðasafnið á merkilegt safn skjala, handrita, bóka og
ljósmynda, sem því nær allt er geymt í einkahúsnæði
safnvarðar. Spyrja rnætti hvort ekki væri skynsamlegt að
byggja sameiginlega yfir þetta safn og bókasafn héraðs-
skólans í Skógum, sem vera mun um 4000 bindi. Spyrja
mætti einnig hvort ekki væri skynsamlegt að tengja
byggðasafninu í Skógum héraðsskjalasafn Rangæinga og
Goðasteinn
125