Goðasteinn - 01.06.1983, Blaðsíða 75

Jón Jónsson:
„Sannarlega hefur
strákurinn rétt“
Minningar frá Kötlugosinu 1918
Inngangur
Þegar ég las grein Kristínar Skúladóttur í síðasta hefti
Goðasteins flaug mér í hug að einnig ég á nokkrar minn-
ingar frá þeim tíma. Ég var nýlega orðinn 8 ára þegar
Katla spjó og man ýms atriði frá þeim tíma, og fleiri en
hér verða rakin, eins Ijóst og þau hefðu gerst í gær.
Draumur mömmu
Ég hygg að það hafi verið síðla vetrar eða snemma sum-
ars 1918 að móður mína Sigurlaugu Einarsdóttur dreymdi
undarlegan draum: Hún þóttist vera stödd inni í bað-
stofunni að Kársstöðum, heimili okkar. Henni þótti hún
líta út um gluggann og til útsuðurs í átt að svo nefndum
Beinakletti, en það eru raunar hólar tveir. Milli þeirra
lá gata sú, sem þá var alfaraleið suður um austanvert
Landbrot. Þar sá fyrst til mannaferða frá okkur suður
um sveitina. Þótti henni þá hrafnar tveir koma fljúgandi
úr þessari átt, stærri og svartari en venjulegir hrafnar
Stefndu þeir óðfluga til bæjar og um leið og þeir flugu
framhjá lömdu þeir vængjunum í gluggann, en mömmu
bauð ótta, og vaknaði hún við þetta. Lengri var draumur-
inn ekki.
Goðasteinn
73