Goðasteinn - 01.06.1986, Side 6

í þessu lokahefti er okkur efst í huga þakklæti til þeirra fjöl-
mörgu, sem hafa styrkt okkur og stutt í útgáfustarfinu með einum
eða öðrum hætti. Við þökkum þeim sem lagt hafa okkur til efni,
keypt ritið, annast dreifingu og innheimtu, getið þess vinsamlega í
umsögnum í blöðum og víðar, auglýst í ritinu, lagt af mörkum fjár-
styrki til útgáfunnar og fleira og fleira.
Við höfum haft mikla ánægju af þessu útgáfustarfi og kveðjum
því Goðastein með nokkrum söknuði. En það gleður okkur að
hann skuli halda áfram að koma út og árnum nýjum útgefendum,
sýslumanni og sýslunefnd Rangárvallasýslu, allra heilla i starfi.
Megi Goðasteini ætíð vel vegna.
Jón R. Hjálmarsson. Þórður Tómasson.
4
Goðasteinn