Goðasteinn - 01.06.1986, Qupperneq 34

fyrir. Eg spurði hann, er ég kom að vestan hvað ég ætti að borga
honum. Voru það aðeins fjórar krónur fyrir nær stanslausa notkun
á hesti fyrir kerru í rétta 48 tíma. Þessi mikli greiði mátti því með
sanni kallast gefinn. Þessu sinni átti Lárus mikið hey á túninu
sunnan við bæinn, vílaði þó eigi fyrir sér að stórskerða flutnings-
möguleika á því, aðeins til að gera öðrum greiða. Hin einstaka
vinsemd hans til manna almennt átti mestan þátt í dálæti manna á
honum, þeim ágæta manni.
Sagt er að illt sé í ætt gjarnast. Þarna má snúa því alveg við og
setja gott í stað ills hvað syni og sonarsyni Lárusar snertir, sem allir
eru ágætis menn og mjög líkir föður og afa um aðstoð við hvað eina
sem til þeirra er leitað, auk þess sem þeir eru landslcunnir framtaks-
og dugnaðarmenn. Um Kirkjubæjarklaustur mætti langt mál og
fróðlegt rita frá því valdsmenn sátu staðinn, ynni þar að hæfur
maður, staðháttum kunnur. Koma mér þar ýmsir í hug, þó eigi
nefni, hver þekkir sjálfan sig best.
Að lokum langar mig að geta þess að Lárus hrósaði mér fyrir
ferðalagið, ég hefði verið fljótur og eigi sæi á hestunum. Þetta þótti
mér dýrmæt viðurkenning af þess manns munni. Jafnan eftir þetta
vék Lárus hlýlega að mér er við fundumst. Þótti mér það eigi lítill
heiður kornungum manni, bara hálfgerðum strák. Fyrir hann hefði
ég gert allt sem mér var mögulegt hefði hann einhvers þurft með.
Þegar árin færast yfir er ljúft að minnast góðra manna og þess
er þeir hafa fyrir mann gert. Guð blessi þá alla.
Brœöumir Sigurður og Jón Sigurðssynir á Maríubakka í Fljóts-
hverfi eru mér einna hugstœðastir allra austansveitamanna. Fáguð
framkoma, hlýleiki og alúð og rótgróin þjóðleg menning einkenndi
þá og heimili þeirra á Maríubakka. Amma þeirra, maddama
Solveig Einarsdóttir á Kálfafelli, var systir langömmu minnar,
Sigríðar í Varmahlíð. Ættrcekni og gestrisni mœttust í móttökum á
Maríubakka. Nú eru þessir ágcetu bræður horfnir af sjónarsviði.
Jón gaf Goðasteini tvo góða þætti til birtingar. Nokkru fyrir andlát
sitt afhenti hann mér handritasafn sitt mikið að vöxtum, skáldverk
í lausu máli. Mun þvísíðar gefinn góður gaumur. Með lá þessi stutti
þáttur um greiðamanninn Lárus á Klaustri og er birtur hér með
kveðju og þökk til þeirra bræðra Jóns og Sigurðar á Maríubakka.
Þ.T.
32
Goðasteinn