Goðasteinn - 01.06.1986, Qupperneq 54

maður ávísun út ganga um sýsluna, hvar í hann kenndi og ráðlagði
mönnum að gefa korn fé og kúm er allmörgum varð að góðu gagni”.
Nú vík ég enn í Sunnanpóstinn og þá í 3. árgang hans 1838, No
5, og tek þar upp innsenda grein, kemur þar fram bréf Blöndals
sýslumanns: „Innsent. Þess gétur Sunnanpóstur í 2. Árg. 9. að
veturinn 1836 hafi menn í fóðurskorti meðal annars tekið til bragðs
að géfa peningi sínum korn; margir þessu óvanir kynnu að spyrja:
Gétur þetta svarað kostnaði og hvörnin skal því hagtæra? Hvöru-
tveggja gétur sjest af fylgjandi umburðarbréfi (sem auk þess lýsir
Höfundsins hugulsemi við Sýslubúa hans) Sýslumanns Hra.
Blöndals, dagsettu 26ta Marz 1836: „Þar stór tíðindi eru til að
margir af Sýslubúum mínum munu nú innanskamms hafa á enda
géfið þau litlu og víða lélegu hey, sem þeir ætlað hafa Sauðpening
sínum og fréttir úr öllum áttum staðfesta þessi líkindi, en veðurátta
er þó ei enn bataleg orðin og mikil líkindi til að hún ei bráðlega
batni, þar eg meina mig sannfrétt hafa að Hafís liggi með allri Þing-
eyar Sýsslu allt vestur til Eyafjarðar, svo hefir mér í hug dottið, þar
töluvert af Rúgi skal enn nú óseldt hér á Skagastrandar Höndlunar-
stað, að biðja ykkur (Hreppstjórana) að kunngjöra ykkar Hreppa
innbúum að eg hafi áreiðanlega vissu fyrir að veturinn 1822 var í
Vopnafyrði og víðar í Norðurmúla Sýslu viðhaldið mörgu Sauðfé
með að géfa því Rúg, svoleiðis að 1 ær fékk af því 1 pela um daginn
og til viðbótar var 30 ám géfin Vi Tunna af heyi, af hvörju fóðri
ærnar skulu hafa vel viðhaldist og jafnvel braggast — fyrir 10 ær
þyrfti þvi altsvo tæpa 1 Sképpu Rúgs og 2 'A Hálftunnu heys um
vikuna, sem kostar lítið hjá því að skéra þær nú niður eða láta þær
útaf deya í hor og húngri. Rúginn þarf fénu að géfa í trogi eða
grunnum stokk og klippa niður hey til að blanda saman við hann
meðan féð er að venjast við að eta, og hvörri kind þarf að géfa sinn
skammt útaf fyrir sig, en þegar féð er fyrst komið uppá að eta Rúg-
inn, skal hvör kind ei lengi vera að hyrða sinn pela. Nauðsynleg
varúðarregla skal það og vera að géfa fénu þá litlu heytuggu sem
það fær fyrst en Rúginn strax þar á eptir. Ogsvo skal kúm hafa géfið
verið þetta fóður, 3ár merkur í mál, með lítilfjörlegri heytuggu, en
Rúgurinn þá hafa verið fyrst hlutaður í sundur litið eitt í kvörn og
bleittur síðan upp í vatni og hestum líka géfin 1 Vi pottur á dag
52
Goðasteinn