Goðasteinn - 01.06.1986, Side 64

Kveðja til Leifs Auðunssonar
á Leifsstöðum, 25. nóv. 1978
Þér gömul þakka ég kynni,
þau lýstu minni sál,
þú átt þar ýmislegt inni
sem ekkert á skylt við tál.
Við lékum svo létt á sundi
um lygnur og straumaköst,
við áttum flesta fundi
í flaumsins tæru röst.
Nú ertu í himininn hafinn,
á hærra og fegurra svið,
ylgeislum ástvina vafinn,
þú unir við þeirra hlið.
Svanni og börnin syrgja
sárt maka, föður og vin.
Heim þeirra hugar byrgja
hlýjustu táraskin.
Sorgarskýs söknuði breytir
sólin, hún skin á ný,
og huggun frá harmi veitir
hönd guðs og blessun hlý.
Frá hásölum himins fjærri
heilög nú koma jól.
Þú vinur munt vera þar nærri
og veita i sorginni skjól.
62
Goðasteinn