Fróðskaparrit - 01.01.1966, Blaðsíða 108

116
Yvirlit yvir deyðatal, ið hevur staðist av illvøkstri
Sum taS sæst eru 262 av 1182, tað vil siga 22,2% av øllum
deyðaváttanum skrivaðar av líkskoðarum.
í Danmark eru ógviliga fáar deyðaváttanir skrivaðar av
líkskoðarum; í árunum 1955—59 eru bert 0,09% av deyðavátt-
anum í landkommunum skrivaðar av líkskoðarum, ongar í
býunum.
Síðan 1949 hevur landslæknin fingið til vegar allar upp-
lýsingar, sum hava verið at fáa frá kommunulæknum og
sjúkrahúsum um allar váttanir skrivaðar av líkskoðarum, men
hóast hetta munnu tær nógvu líkskoðanarváttanir vera sera
ófullfíggjaðar; tí í summum plássum hevur læknaloysi verið x
fleiri tíðarskeiðum, og í summum læknadømum hava kom-
munulæknarnir skift tíðum.
1 3. talvu eru deyðaatvoldirnar settar upp eftir altjóðafyri-
skipanini, sum sett er av W.H.O., við einstøkum broytingum
á sama hátt sum danska illvakstraryvirlitið nýtir.
Á talvu 3. sæst, at 90% av øllum sjúklingum við illvøkstri
hava ligið á sjúkrahúsi, (nøkur fá av hesum eru bert kannað
ambulant), meðan 61,5% av teimum eru deyð á sjúkrahúsi.
Av teimum 201, sum deyð eru av illvøkstri, er sjúkuav-
gerðin váttað við sjóneykurannsókn av vevnaði i 133 førum
ella 66,5%; av hesum er sjúkuavgerðin í 15 førum váttað
við líkskurði (autopsi), meðan restin er váttað við skurðvið-
gerð ella kykrannsókn (biopsi) ella, í einstøkum førum av
leukæmia, bert við sjóneykurannsókn av útæðrablóði.
1 20 førum eru vit vorðin sannførd um sjúkuavgerðina bert
við skurði, uttan sjóneykurannsókn; av hesum høvdu 8 ill-
vøkstur í maganum, sum ikki bar til at skera burtur. í 19
førum er sannføring fingin um sjúkuavgerðina bert við røntgen-
kannan, og helvtin av hesum høvdu eisini illvøkstur í mag-
anum, sum heldur ikki bar til at skera burtur. Her eru soleiðis
tilsamans 172, har sannføring er fingin um sjúkuavgerðina
sum nevnt frammanfyri.