Fróðskaparrit - 01.01.1966, Síða 110

118
Yvirlit yvir deyðatal, ið hevur staðist av illvøkstri
Síðan vóru 9 deyðaváttanir, har sjúkuavgerðin av illvøkstri
stóð annaðhvørt sum hjáavgerð ella við spurnartekini; við
gjøllari kannan í dagbókum kundi sjúkuavgerðin av illvøkstri
avsannast, og hesar 9 deyðaváttanir eru tí ikki taldar við í
skrásetingini.
Av hesum sæst, at tilsamans 18 deyðaváttanir ella 9% av
øllum deyðaváttanum av illvøkstri eru rættaðar.
Aftur at hesum eru tær 16 fyrr nevndu deyðaváttanir, har
sjúkuavgerðin av illvøkstri ikki er viss.
Samanlagt eru 34, ella 16% av øllum deyðaváttanum, sum
hava skeivar ella óvissar upplýsingar.
Á 3. talvu sæst, at ein stórur partur av teimum sjúklingum,
sum doyggja av illvøkstri í Føroyum, doyr av illvøkstri í
sodningarlagnum (tractus digestorius); av teimum 106 mann-
fólkunum eru 57 ella 55,7% deyð av illvøkstri í sodningar-
lagnum, og av teimum 95 konufólkum 44 ella 46,6%.
Av teimum, sum doyggja av illvøkstri í sodningarlagnum,
doyggja flest av illvøkstri í maganum, 26 mannfólk ella 24,5%
og 18 konufólk ella 19%.
Av illvøkstri í lungunum doyðu fá, 7 mannfólk og 3 konu-
fólk, av teimum 7 mannfólkunum høvdu 5 ella 4,7% upp-
havligan illvøkstur í lungunum, av teimum 3 konufólkunum
1 ella 1%.
Av illvøkstri í bróstinum doyðu 11 konufólk, ella 11,5%.
Av illvøkstri í lívmóðurini doyðu 6 ella 6,3°/o.
Av tí, at áramálið er stutt, og tølini ógviliga smá, ber enn
ikki til at gera nákvæmar sammetingar við tílík hagtøl í
øðrum londum.
SUMMARY
The paper gives a survey of the mortality from malignant neoplasms in
the Faroes during the years 1955—1959. All death certificates have been
scrutinized and the diagnoses of the death certificates have been corrected
after examination of all available information. The diagnoses are coded
in accordance with the international classification of diseases, recommen-
ded by the World Health Organization in its revised version from 1955.
Table 3 shows the results of the investigation.