Fróðskaparrit - 01.01.1982, Blaðsíða 65

Grindatøl 1584—1640 og 1709—1978
73
av tilfari (grindaroknskapi) hava vit fingið frá landsskjala-
savninum og frá sýslumonnunum. Eisini hava vit hugt í bløð-
ini, serliga Dimmalætting og Føringatíðindi (hetta seinna frá
1890—1901). í 1890, 1891 og 1901 doyði eingin grind. Tó
vita Dimmalætting og Føringatíðindi at siga frá fleiri grindum
í 1890 og 1891, sum hava verið sæddar, og bátar hava verið
hjá nøkrum av teimum, men tað eydnaðist ikki at fáa rakstur
á tær.
Sum sagt hevur M. Degerbøl (1940) skrivað um árini 1904
—1939, og hevur hann ein lista yvir grindahvalir, ið dripnir
eru í Føroyum í hesum árum. Tølini hevur hann frá árbókini
Fiskeri-Beretning, sum verður útgivin av danska fiskimála-
ráðnum (fyrr landbúnaðarmálaráðnum). Vit hava kannað hesi
tøl við at meta tey saman við grindaroknskapir og upplýsingar
úr føroyskum bløðum, og hevur Degerbøl ikki fingið allar
grindir og hvalir við. Fyri tilsaman 9 ár eru okkara tøl størri
enn tey, ið Degerbøl gevur upp. Afturímóti eru 5 ár, har vit
hava nakrar hvalir færri enn Degerbøl. Fietta seinna kann
koma av, at Fiskeri-Beretning kann hava talið á øllum grinda -
hvalum, ið dripnir eru hesi 5 árini, meðan grindaroknskapurin
hevur teir hvalir, ið skiftir eru, og tekur ikki við teir, ið upp-
fiskaðir eru eftir skiftið. Fletta kann tó ikki vera orsøkin í
1915, tá ið Degerbøl sigur, at 1199 hvalir eru deyðir, og vit
bert finna 876. Helst man her vera onkur grindin, ið vit enn
ikki eru komnir fram á.
Grindatølini fyri 1940—1962 eru í Fróðskaparriti 11. bók
(J. S. Joensen 1962). Tilfarið er fingið til vega við at kanna
grindaroknskapir og eftir upplýsingum frá sýslumonnum. Tí-
verri eru heldur ikki hesi tøl fullfíggjað. Vit eru seinni komnir
fram á eina grind, sum doyði í Klaksvík í mars 1941. Sama
árið í juli doyðu tvær grindir sama dag, onnur á Tvøroyri og
hin í Vági. Hesar báðar vórðu skiftar saman og eru tí rokn-
aðar fyri eina grind. Av røttum skulu tær helst teljast sum
tvær grindir. Eisini í august 1960 doyði grind í Klaksvík,
sum ikki er í yvirlitinum í 1962.
Eftir 1962 hevur Fiskirannsóknarstovan havt um hendur
6 — Fróðskaparrit