Fróðskaparrit - 01.01.1982, Side 72

80
Grindatøl 1584—1640 og 1709—1978
tí sera laku grindatíðini koma grindir eins tíðum henda vegin
um veturin og várið, sum um summarið og heystið, ið annars
eru bestu árstíðir til grind. Tikið samanum vísa mánaðarbýtini,
at tey góðu tíðarskeiðini A, C og E líkjast á tann hátt, at juli
og august eru nærum eins góðir við tilsamans umleið 45—50 %
(47—61 %) og jøvn minking til báðar síður. 1 árunum 1584—
1640 doyðu í juli og august ávikavist 12 og 8 grindir av til-
samans 41, t. e. umleið somu lutfall sum í teimum góðu tíðar -
skeiðunum. 1 tí heldur vánaliga tíðarskeiðinum D er august
nógv tann besti mánaðurin, og næstur honum er september. Juni
og juli í D eiga bert 11 % (17 %) í mun til 31—36 % (33—
35 %) í A, C og E.
Fyri ein part av tíðarskeiðinum E, 1951—1969, vísir 5.
mynd drápsmánaðin fyri hvørja grind sær. Hesi árini vóru
sera góð til grind, 13 grindir doyðu í miðal um árið, so mikið,
at býtini tey einstøku árini kunnu geva okkum eina hóming
av møguligum broytingum frá einum ári til næsta. Tað týðu-
ligasta skiftið tykist at henda frá 1962 til 1963. Árini 1956
—62 eru rættiliga lík, um 50—60 % fyrstu sjey mánaðirnar
á árinum, meðan árini eftir, 1963—65, eru bert 14 % av
grindunum somu mánaðir. Frá 1952 til 1953 sæst eisini eitt
skifti, í 1952 eru 2 av 9 grindum fyrru helvt av árinum og í
1953 10 av 14. Frá 1965 til 1969 kann hómast ein líðandi
gongd, har størri og størri partur av grindunum koma fyrr á
3. mynd. Býtið av árum eftir grindatali.
Figure 3. Distribution of years by number of schools.
Tal av grindum/Number of schools.