Tíðindi Prestafélags hins forna Hólastiftis - 01.01.1984, Side 56

60
TÍÐINDI
Árið 1961 komu Katrín Guðlaugsdóttir og Gísli Arnkelsson
til Konsó, ásamt tveim elstu börnum þeirra, Guðlaugi og
Valgerði. Þau tóku við af okkur Benedikt, er við fórum heim
til íslands i hvíldarleyfi í ágúst 1962, eftir nákvæmlega 5 ára
dvöl í Konsó.
Árið 1960 hafði Ingunn Gísladóttir farið heim í hvíldar-
leyfi, en í hennar stað kom færeysk hjúkrunarkona og ljós-
móðir, Elsa Jacobsen. Hún hefur lagt mikið og gott starf af
mörkum í Konsó og víðar í Eþíópíu. Hún er enn að störfum
þar, eftir 23 ár.
1 janúar 1967 hélt Skúli Svavarsson, ættaður frá Akureyri,
til Eþíópíu, ásamt norskri konu sinni Kjellrúnu og elsta barni
þeirra, Kristínu. Fyrsta starfstímabil sitt störfuðu þau á
norsku kristniboðsstöðinni í Gídóle, sem áður hefur verið
getið.
Samferða þeim út varð ísl. hjúkrunarkona, Símónetta
Bruvik, og hóf hún störf við eitt af sjúkrahúsum Norðmanna í
S-Eþíópíu, Neghelli. Þangað var þá kominn annar Islend-
ingur, Haraldur Ólafsson, ásamt Björgu konu sinni, norskri
og börnunum Ólafi og Ragnhildi. Voru þau send af norska
lútherska kristniboðssambandinu.
Arið 1967 fór enn annar Islendingur til starfa í Eþíópíu á
vegum norska sambandsins, en það var Helgi Hróbjartsson,
ásamt norskri konu sinni, Unni, og tveim elstu börnum þeirra,
Hjalta og Hönnu Maríu. Þau störfuðu einnig í S-Eþíópíu á
stað, sem nefnist Waddera og seinna starfstímabilið voru þau
í Neghelli, þar sem Haraldur og Símónetta höfðu verið áður.
I byrjun árs 1973 fer enn einn Norðlendingur til starfa í
Konsó, en það er Jónas Þórisson, ásamt konu sinni Ingibjörgu
Ingvarsdóttur og tveim elstu dætrum þeirra, Huldu Björgu og
Hönnu Rut.
Kristniboðsstarf í Kenya.
Nýr þáttur í starfi SÍK byrjar, er Skúli Svavarsson og fjöl-
skylda eru send til Pokot-héraðs í Kenya. I Chepareria, í