Helgarpósturinn - 18.12.1986, Blaðsíða 29

HEIMATILBÚIÐ JÓLAKONFEKT
Valhnetunúggat:
150 g núggat
150 g marsipan
35 g valhnetur — muldar
25 valhnetuhelmingar
100 hvítt súkkulaöi
Núggatið er flatt út og mótaðar litlar
kringlóttar skífur. Valhneturnar eru
saxaðar smátt og blandað saman
við marsipanið. Úr þessu eru mótað-
ar litlar kúlur sem settar eru ofan á
núggat-skífurnar og síðan er öllu
dreypt í bráðið súkkulaðið. Skreytt
með valhnetu.
Appelsínu-konfekt:
150 g hvítt súkkuladi
l'A msk. rjómi
2 msk. Grand Marnier
Möndluflögur til skrauts
Bræðiö súkkulaðið í potti ásamt
rjómanum. Látið stífna til hálfs og
þeytið létt um leið og líkjörnum er
bætt út í. Setjið í rjómasprautu og út-
búið litla toppa eða fyllið lítil kon-
fektform. Skreytt með möndluflög-
um.
Hnetustengur:
70 g smjör
75 g sykur
1 msk. vanillusykur
3 dl haframjöl
3 msk. kakó
2 msk. mjólk
100 g heslihnetur (muldar)
Hrærið saman smjör, sykur, vanillu-
sykur, kakó, hafragrjón og mjólk.
Mótið aflangar stengur sem velt er
upp úr heslihnetunum. Geymist í ís-
skáp.
Marsipan og núggat er flatt út sitt í
hvoru lagi og mótuð lítil hjörtu.
Núggat-hjörtun og önnur hliðin á
marsipanhjörtunum er pensluð
með blöndu af 1 tsk. sykurs og
vatni. Leggið síðan saman —
marsipan neðst, þá núggathjartað
og aftur marsipan. Að lokum er öllu
dýft til hálfs ofan í bráðið súkkulað-
ið.
Möndlutoppar:
250 g möndluspœnir
2 msk. smjör
250 g hvítt súkkulaði
álpappír
olía
kakó (til skrauts)
Möndluspænirnir eru ristaðir í
smjöri og síðan kældir. Súkkulaði
brætt yfir vatnsbaði og möndlu-
spænunum bætt út í. Mótið litla
toppa með 2 teskeiðum og leggið þá
á álpappír sem smurður hefur verið
með olíu. Látið stífna og skreytið að
lokum með því að sáldra kakói létt
yfir.
Engifer-konfekt:
250 g marsipan
100 g sykraður engifer
150 g hjúpsúkkulaði
Marsipanið er flatt út og mótað í litl-
ar, kringlóttar skífur. Engifer er sax-
að smátt nema 25 g sem geymd eru
til skreytinga. Blandið engiferbitun-
um saman við það sem afgangs
varð af marsipani og mótið litla
toppa ofan á marsipanskífurnar.
Dýfið í bráðið hjúpsúkkulaðið og
skreytið með engiferbitum.
Núggat-hjörtu:
375 g marsipan
250g núggat
100 g hjúpsúkkulaði
„JOLATILBOÐ
FJOLSKYLDUNNAR
FRA PANASONIC
Nú, þegar fjölskyldan slær saman í
eina veglega jólagjöf. ermikið atriði aö
vanda valið. Á tímum gylliboða er
nauðsynlegt aö staldra við og hugsa
sig vel um, því nóg er framboðið og
ekki vantar hástemmdu lýsingarorðin.
Við viljum þess vegna benda ykkur á
Panasonic sem vænlegan kost,
sérstaklega þegar það er haft í huga,
að Panasonic myndbandstækin fara
sigurför um heiminn og eru í dag
lang-mest keyptu tækin. Einnig má
minna á, að sem stærsti myndbands-
tækjaframleiðandi heims, eyða þeir
margfalt meiri peningum í rannsóknir
og tilraunir en nokkur annar framleið-
andi. Það þarf því engum að koma á
óvart að samkvæmt umfangsmestu
gæðakönnun sem framkvæmd hefur
verið hjá neytendasamtökum í sjö
V-Evrópulöndum varð niðurstaðan sú,
að myndbandstækin frá Panasonic
biluðu minnst og entust best allra
tækja. Þessar staðreyndir segja meira
en hástemmt auglýsingaskrum.
Jólatilboð á NV-G7 frá
37.850,-
m
WJAPIS
BRAUTARHOLT 7 SlMI 27133
HELGARPÓSTURINN 29