Helgarpósturinn - 15.10.1987, Blaðsíða 39

FRÉTTAPÓSTUR
Alþingi og fjárlög
Löggjafarþingið, Alþingi, var sett síðastliðinn laugardag.
í vikunni lagði Jón Baldvin svo fram fjárlagafrumvarpið sitt
og hefur það óneitanlega valdið nokkrum deilum manna í
millum. Stefnt er að því að reka ríkissjóð án halla og hefur
Jón þess vegna boðað niðurskurð á útgjöldum ríkisins og
aukna skatta. Áætlað er að ríkissjóður taki engin erlend lán
á þessu ári. Stefnt er að því að herða skattakerfið og afla rík-
issjóði þannig aukinna tekna. Undanþágum á söluskatti
verður fækkað og neysluskattur lagður á í auknum mæli.
Þar má nefna skatt á matvæli og bensín. Stefnt er að því að
flytja verkefni frá ríkissjóði til sveitarfélaga og margs konar
aðgerðir eru boðaðar til að lækka útgjöld ríkisins og auka
tekjurnar þannig að sá árangur náist sem stefnt er að — að
reka rikissjóð án halla. Ríkisstjórnin hefur sagt að hún
stefni ekki að því að fella gengið og ætlar að halda fram fast-
gengisstefnunni. Margir hafa þó orðið til þess að draga í efa
að hægt verði að halda genginu stöðugu án þess að það sé
ávísun á verðbólguskriðu. Þessir menn, m.a. forsvarsmenn
iðnrekenda, telja að með þvi að fella gengið strax verði hjá
því komist að það hafi mikil áhrif.
Fréttapunktar
• Þorvaldur Garðar Kristjánsson var kosinn forseti sam-
einaðs alþingis. Á fundi þingflokks sjálfstæðismanna fékk
hann 9 atkvæði en Salóme Þorkelsdóttir 7. Ragnhildur
Helgadóttir dró framboð sitt til baka. Eftir kosninguna lýsti
Salóme þvi yfir að hún hefði orðið fyrir vonbrigðum með
kosninguna og þetta væru vonbrigði fyrir konur í flokkn-
um. Karl Steinar Alþýðuflokki og Jón Kristjánsson fram-
sókn eru forsetar efri og neðri deildar.
• Frystitogarinn Akureyrin EA er bæði aflahæsti togarinn
og sá sem komið hefur með mest verðmæti að landi það sem
af er árinu. Samherji, útgerðarfélag Akureyrarinnar, hefur
nú í hyggju að kaupa nýjan frystitogara, 2.500 tonn að
stærð, sem yrði þá stærsta fiskiskip íslendinga. Samherji á
þrjá togara sem stendur, en ef af kaupunum verður mun
félagið líklega selja einn eða tvo þeirra.
• Mál Steingríms Njálssonar, alræmdasta kynferðisaf-
brotamanns þjóðarinnar, kom fyrir hæstarétt í vikunni, og
vísaði hann málinu frá. Ástæðan er sú að Pétur Guðgeirsson
sakadómari, sem í apríl siðastliðnum dæmdi Steingrím til.
þriggja ára fangelsisvistar, starfaði sem fulltrúi rikissak-
sóknara á meðan á rannsókn málsins stóð og mælti um
hana fyrir hönd rikissaksóknara. Hæstiréttur féllst á frá-
vísunarkröfu verjanda Steingríms og vísaði málinu aftur
heim í hérað til löglegrar meðferðar.
• Stöð 2 átti ársafmæli níunda október. í ljós kom við þessi
tímamót að þrátt fyrir hrakspár og þrálátan orðróm þess
efnis að stöðin stæði illa hafði reksturinn gengið framar
öllum vonum á þessu ári. Reksturinn farinn að skila hagn-
aði og áskrifendur orðnir miklu fleiri en gert var ráð fyrir
í áætlunum.
• Áhöfn trillunnar Birgis RE var bjargað þegar hún sökk í
innsiglingunni við Sandgerðishöfn. Trillan fékk á sig brot-
sjó en mönnunum tveimur var bjargað í annan bát. Þeir eru
ómeiddir en voru nokkuð þrekaðir.
• Kristján Jóhannsson óperusöngvari hefur verið ráðinn
til Scala-óperuhússins í Milanó á Ítalíu, en það er frægasta
óperuhús veraldar. Kristján á að syngja aðalhlutverkið í
óperu Verdis, I due Foscare, sem sýnd verður í byrjun næsta
árs. Einnig mun Kristján syngja í Hollendingnum fljúgandi
síðar á sama ári.
• Mál Jóns Kristinssonar verður tekið efnislega fyrir
hjá mannréttindadómstóliEvrópu, en það er höfðað gegn ís-
lenska ríkinu fyrir brot á lögum um aðskilnað löggjafar- og
dómsvalds. Það að málið skuli hljóta efnislega meðferð
merkir að dómstóllinn telur að möguleiki sé á að mannrétt-
indi hafi verið brotin.
• í vikunni kviknaði í húsi þeirra Louisu Matthíasson og
eiginmanns hennar, Lelands Bell. Louisa er kunnur listmál-
ari sem og eiginmaður hennar. Hann varð mjög illa úti í
brunanum, verk sem hann hafði verið að vinna að síðastlið-
in 15 ár brunnu.
• Sex manns björguðust þegar spænsk smáþota nauðlenti
um 50 mílur vestur af Reykjanesi síðastliðið sunnudags-
kvöld. Þotan varð bensínlaus í 7.000 metra hæð. Allir um
borð, 6 manns, komust í björgunarbát og þaðan var reynt að
hífa þá upp í þyrlu varnarliðsins. Það tókst hins vegar ekki
betur en svo að einn mannanna fór í sjóinn þegar hífa átti
hann upp og hætti þyrlan þá við sínar tilraunir og lét báts-
verjum á Þorláki ÁR eftir björgunina. Sumir voru orðnir all-
kaldir þegar tókst að ná þeim um borð í Þorlák en engum
varð þó meint af.
• Stærsta fiskeldisstöð landsins rís brátt á Vatnsleysu-
strönd. Hún er í eigu fyrirtækisins Lindalax og er undir-
búningi að byggingu 1. hluta stöðvarinnar að mestu lokið.
Stefnt er að því að rekstur hefjist á vormánuðum á næsta ári
og verður hægt að framleiða um og yfir 1.000 tonn af laxi á
ári í stöðinni þegar hún verður komin í gagnið.
• Jóhann Hjartarson mun etja kappi við Victor Korchnoi i
einvígi um það hver kemst áfram í keppninni um að skora
á heimsmeistarann í skák. Einvígi þeirra Jóhanns og Vict-
ors verður í Kanada i janúar á næsta ári.
• Valur var sektaður fyrir framkomu áhorfenda á leik liðs-
ins við austur-þýskt félagslið í Evrópukeppninni í knatt-
spyrnu. Einhver ósiðaður landi kastaði öldós í andlit
þýsks leikmanns þegar sá var á leið til búningsherbergja eft-
ir leikinn. Aganefnd Knattspyrnusambands Evrópu tók
þetta óstinnt upp og sektaði liðið fyrir vikið. Einnig var
Valur sektaður vegna þess hve mörg gul spjöld leikmenn
liðsins fengu í leikjunum tveimur. Akurnesingar hlutu líka
sekt fyrir það sama. FH hefur tekið forystu í 1. deild hand-
boltans eftir þrjár umferðir. Frammarar hafa verið liða
óheppnastir, fjórir leikmenn liðsins eru meiddir og eru í
þeim hópi allir bestu menn liðsins, þar á meðal Atli Hilmars-
son landsliðsmaður.
BÍLALEIGAN
Sækjum
og sendum
Greiðslukorta
þjónusta
(í Fóstbræðraheimilinu) Sími 688177
os
Langholtsvegi
Tökum hunda í gœslu til lengri
eða skemmri dvalar
Hundagæsluheimili
Hundavinafélags íslands og
Hundaræktarfélags íslands
A rnarstööum, Hraungerðishreppi
801 Selfoss — Símar: 99-1031 og 99-1030
VALUR
UBK
SUNNUDAGINN 18.0KT. KL. 20.00
VALSMENN FJÖLMENNUM Á HEIMALEIKI
HELGARPÓSTURINN 39