Morgunblaðið - 10.04.1984, Blaðsíða 20

20
MORGUNBLAÐIÐ, ÞRIÐJUDAGUR 10. APRÍL 1984
Óskars-
verðlaun
afhent
Los Angelcs, apríl. AP.
Óskarsvcrðlaunin átti að veita
við athöfn er átti að hefjast klukk-
an tvö að íslenzkum tíma í nótt.
Athöfninni átti að sjónvarpa til 75
þjóða. Óskarsverðlaunin eru nú
afhent í 56. sinn.
Búist var við að kvikmyndin
„Terms of Endearment" sópaði
til sin verðlaunum, og yrði valin
bezta myndin. Talið var líklegt
að stjörnurnar Shirley Maclaine
og Jack Nicholson ynnu til verð-
launa.
Meira trú-
frelsi í Ung-
verjalandi
Vín, 6. aprfl. AP.
UNGVERSKI kardinálinn
Laszlo Lekai hefur hrósað
stjórn Ungverjalands fyrir
„greinilega hreytingu" á af-
stöðu hcnnar til kirkjunnar í
landinu. Nefndi hann sem
dæmi, að stjórnvöld þar hafa nú
heimilað trúfræðslu utan kirkna
landsins.
„Sá tími er liðinn, er stjórn-
völd gerðu allt til þess að
banna trúfræðslu og kirkju-
starfsemi í landinu,“ sagði
Lekai í dag.
Af ísnum í sólina
Skautaparið ('hristopher Dean og Jane Torville slaka nú á í sólinni á Barbados eftir erfiðar keppnir að
undanförnu, þar sem frammistaða þeirra vakti mikla athygli um heim allan.
E1 Salvador:
Ofbeldi
færist í
aukana
San Salvador, 9. apríl. AP.
ARTURO Rivera Y Damas erkibisk-
up sagði á sunnudag að ofbeldi færð-
ist í aukana í El Salvador í kjölfar
kosninganna í marzlok.
Damas sagði að dauðasveitir
hægrimanna hefðu líflátið 26
menn í síðustu viku og 80 hefðu
fallið í átökum stjórnarhermanna
og vinstri sinnaðra skæruliða.
Stefna Bandaríkjunum
fyrir Alþjóðadómstólinn
Haay, 9. apríl. AP.
STTJÓRN Nicaragua kvartaði í dag við Alþjóðadómstólinn í Haag yfir
stuðningi Bandaríkjamanna við „leynilegar aðgerðir“ í Nicaragua, sem
stjórn sandinista segir beinast gegn sér.
Að sögn Carlos Arguello sendiherra Nicaragua í Hollandi hefur sandin-
istastjórnin óskað eftir því að „allar aðgerðir, sem Bandaríkjamenn styðja
gegn Nicaragua, verði lýstar lögleysa“.
Norðmenn á
línuveiðar við
Grænland
Osló, 9. apríl.
Frá Per A. Borglund. fréltaritara Mbl.
NORÐMENN eru um þessar
mundir að hefja línuveiðar
aö nýju við Grænland, en
veiðar af þessu tagi hafa leg-
ið niðri frá lokum sjöunda
áratugarins. 1‘rír bátar eru á
leið á Grænlandsmið og búist
er við að fleiri bátar sigli
þangað innan skamms, þar
sem 200 lesta lúðukvóti bíður
þeirra og 40 tonn af þorski.
Einnig munu norskir bátar
sigla til vesturstrandar Græn-
lands til loðnuveiða, en það hafa
þeir ekki áður gert. Tveir bátar
frá Havöysund halda til þessara
veiða í maí.
Arguello sagði að stjórn sin
hefði beðið dómstólinn að neyða
Bandaríkjamenn til að hætta
stuðningi við sveitir stjórnar-
andstæðinga, sem eiga í útistöðum
við stjórn sandinista.
Bandaríkjastjórn hefur áður
sagt að stjórnin í Nicaragua kynni
að nota málshöfðun hjá Alþjóða-
dómstólnum í áróðursskyni. Munu
Bandaríkjamenn ekki taka niður-
stöður dómstólsins alvarlega.
Skýrt hefur verið frá því að full-
trúar frá bandarísku leyniþjón-
ustunni, CIA, hafi stjórnað verki
er tundurdufl voru sett í sjó fyrir
utan hafnarbæi Nicaragua. Hafi
þeir stýrt aðgerðum frá skipi und-
an strönd landsins. Víkingasveitir
hafi siglt með duflin á hraðbátum
frá skipinu. Sjö skip hafa laskast
undanfarnar vikur af völdum
tundurduflanna.
Bretar hafa borið fram óform-
leg mótmæli vegna staðsetningar
tundurduflanna, og í bréfi til
stjórnarinnar í Managua bauð
Claude Cheysson utanríkisráð-
herra aðstoð Frakka við að fjar-
lægja duflin ef eitt eða fleiri Evr-
ópuríki vildu aðstoða við það verk.
Gullfundur á
Grænlandi
Kaupmannahofn, 9. apríl. Frá Nils
Jörgen Kruun, fréttaritara Mbl.
FUNDIST hefur gull á Græn-
landi og hefur námafyrirtæki
sótt um einkaleyfi til frekari
gullleitar á þeim slóóum þar sem
málmgrýti, sem reyndist inni-
halda gull, fannst. Gullið fannst
á svæði sem er um 50 km suður
af Krederiksháb á vesturströnd-
inni.
Það er námafyrirtækið
Greenex, sem sótt hefur um
leyfi til gullleitarinnar. Fyrir-
tækið starfrækir einu námu
Grænlands sem unnin er, við
Umanak í Norðvestur-Græn-
landi, þar sem unnið er blý,
zink og silfur.
Forstjóri Greenex, Erik
Sprunk Janssen, segir í viðtali
við grænlenska blaðið Grön-
landsposten, að það grýti, sem
fundist hefur og inniheldur
gull, lofi góðu um áframhaldið.
Hann varar þó við vangavelt-
um um að í uppsiglingu sé
mikið gullævintýri á Græn-
landi.
Herstöð í Líbýu
eytt í sprengingu
London, 9. apríl. Al*.
Andstæðingar Khadafys Líbýu-
leiðtoga sprengdu eina stærstu
vopnagcymslu I.íbýumanna í loft
upp 25. marz sl. með þeim afleiðing-
um að hundruð best þjálfuðu her-
manna I.íbýu féllu eða særðust.
Segir frá þessu í frétt brezka
Kvikmynd gerð um
grænlenzkt þjóðlíf
Kaupmannahöfn, 9. apríl. Frá NiLs Jörgcn Kruun
fréllarilara Mbl.
Grænlenzka heimastjórnin hefur ákveðið að láta taka heimildar-
kvikmynd um þjóðlíf í Grænlandi, þar sem engin kvikmynd af því
tagi mun til vera. Verður myndin unnin í samvinnu við Statens
Filmcentral í Danmörku.
Moses Olsen, sem á sæti í
heimastjórninni, segir að orðið
sé brýnt að gera nútímakvik-
mynd um grænlenzka samfélag-
ið. Það sé nauðsynlegt að gefa
útlendingum sem réttasta mynd
af aðstæðum og ástandi í Græn-
landi, og í því sambandi verði
kvikmyndinni komið á framfæri
gegnum danska sjónvarpið. „Við
vitum allir hvaða óæskilegu af-
leiðingar misskilningur og rang-
ar hugmyndir geta haft í för með
sér fyrir Grænland," sagði
Olsen.
Stjórnandi kvikmyndarinnar
verður hinn kunni danski kvik-
myndagerðarmaður Törk Haxt-
hausen. Hann hefur gert mar^ar
kvikmyndir um þróunarlönd, og
hefur undanfarin fimm ár stýrt
kvikmyndagerðarskóla í Tanz-
aníu.
Kvikmyndin á ekki einvörð-
ungu að fjalla um menningu
Grænlendinga, heldur og fisk-
veiðar, aðrar veiðar og sauð-
fjárrækt, svo menn fái hugmynd
um hverjir séu helztu atvinnu-
vegir Grænlendinga. Kvik-
myndatökur hefjast nú í apríl-
mánuði, og áætlað er að gerð
myndarinnar verði lokið á þessu
ári.
blaðsins Sunday Express. Blaðið
segir að í sprengingunni hafi
herstöðin í Al-Abyar eyðilagst,
en þar var aðsetur sjöunda her-
fylkis Líbýuhers. Sprengingin
hafi verið það öflug að gluggarúð-
ur í Benghazi í 60 km fjarlægð
titruðu.
Hermt er að sjúkrahús í
Benghazi hafi verið rýmd til að
hægt yrði að hlúa að heilu bíl-
förmunum af deyjandi hermönn-
um. Blaðið segir að stjórn Khad-
afys hafi reynt af fremsta megni
að koma í veg fyrir að fregnir af
sprengingunni bærust út, en sam-
kvæmt upplýsingum vestrænna
leyniþjónustumanna var spreng-
ingin „meiriháttar".
Baráttusöngur
Jonas Savimbi, leiðtogi UNITA, syngur baráttusöngva ásamt helztu
leiðtogum samtaka sinna í höfuðstöðvum UNITA í Jamba í suður-
hluta Angóla í vikunni.
Kínverjar neita að
ræða við Víetnama
IVking, 9. apríl. AP.
Kínverjar höfnuðu í dag tilboði
Yíetnama um viðræður til að draga
úr spennu á landamærum ríkjanna.
Ásökuðu Víctnamar Kínverja um að
senda „fjölda herfylkja" innyfir
vietnömsku landamærin í aðgerðum
sem heimavarðliðar hefðu brotið á
bak aftur.
„Það er algjör hræsni af hálfu
Víetnama að þykjast viljugir til
viðræðna um slökun meðfram
landamærunum á sama tíma og
þeir stórauka hernaðarumsvif sín
við kínversku landamærin og
halda áfram aðgerðum í Kambód-
íu,“ sagði í tilkynningu kínverska
utanríkisráðuneytisins. Eigi var
minnst á þá fullyrðingu Víetnama
að Kínverjar hefðu ráðist inn í
Víetnam sl. föstudag.
Kínverjar og Víetnamar saka
hvorir aðra um hernaðarbrölt á
landamærum ríkjanna undan-
farna daga. Vopnaviðskipti hafa
átt sér stað á þessum slóðum öðru
hverju frá því ríkin háðu sex
vikna stríð 1979.