Morgunblaðið - 10.04.1984, Blaðsíða 37

MORGUNBLAÐIÐ, ÞRIÐJUDAGUR 10. APRÍL 1984
37
stjóra, Þorbergssonar, og lifir hún
mann sinn ásamt dóttur þeirra,
Þorbjörgu. Þeim mæðgum og öðru
venslafólki Björns ólafssonar eru
sendar innilegar samúðarkveðjur.
Blessuð sé minning hans.
Jón Þórarinsson
Aðeins nokkrar línur rita ég til
að minnast samstarfsmanns og
kærs vinar míns, Björns Ólafsson-
ar, konsertmeistara. Ég átti
snemma á lífsleiðinni því láni að
fagna að kynnast honum og þeirri
fölskvalausu lotningu er hann
ávalit bar fyrir tónlistinni. Fund-
um okkar bar fyrst saman í stof-
unni hjá frænku minni hér í bæ.
Hann 12 ára en ég 11. Hann var
farinn að læra á fiðlu hjá Þórarni.
Nú lék hann fyrir okkur Menuett í
G-dúr eftir Beethoven og heillaði
aila sem á hlýddu. Nokkru seinna
fékk ég svo sjálfur fiðlu í jólagjöf
og við hittumst aftur, þá báðir
sem nemendur Þórarins. Við lék-
um svo fyrst saman á fiðlurnar
okkar á barnadaginn í strengja-
sveit 20 fiðluleikara í Nýja Bíói.
Það voru létt ættjarðarlög, bæði
vei við hæfi hlustenda og þá ekki
síður við hæfi og getu þessara
ungu nemenda sem nú í fyrsta
sinn nutu sín í heimi tónanna og
um leið sviðsljósinu. Ég hafði
heyrt talað um „nervösitet" eða
sviðsskrekk, sem ég gat nú ekki þá
gert mér grein fyrir hvað var.
Strákarnir sögðu mér að maður
færi að skjálfa eða eitthvað svo-
leiðis. Mér datt í hug að ekkert
gerði til þótt maður yrði ósköp lít-
ið nervös og fengi kannski með því
móti svolítið viberato í tóninn eins
og hann Bjössi hafði. Síðan uxum
við báðir úr grasi og barnaskapur-
inn heyrði fortíðinni til. Fundum
okkar bar litið saman þar til hann
svo lánsamiega slapp heim frá
Vínarborg, rétt fyrir hildarleik-
inn, seinni heimsstyrjöldina.
Hann var þá búinn að nema fiðlu-
leik við tónlistarháskólann í Vín-
arborg í mörg ár og var nú fagnað
hér innilega við heimkomuna.
Hann hóf nú brátt kennslustörf og
fiðiuleik hér í bæ og varð brátt
hlaðinn störfum. Ég hafði þá fyrir
nokkrum árum lokið prófi frá
Tónlistarskólanum og leiðir okkar
lágu saman í samleik á fiðlurnar
okkar. Mest og nánast unnum við
saman þegar við stofnuðum strok-
kvartett saman, Björn fyrstu
fiðlu, ég aðra fiðlu, Sveinn Olafs-
son violu og dr. Edelstein cello.
Við æfðum saman á hverjum
morgni í langan tíma. Æfingarnar
urðu 217 talsins á tveggja og hálfs
árs tímabili. ^etta var áður en
Sinfóníuhljómsveitin hóf göngu
sína, en hjá útvarpinu var á þess-
um tíma stofnuð strengjasveit
undir stjórn dr. Urbancic. Við
fjórir í kvartettinum urðum nú
leiðendur, hver í sinni rödd í þess-
ari strengjasveit. Ég dáðist alltaf
að eljusemi Björns, forustuhæfi-
leikum og umfram allt djúpri
lotningu hans fyrir starfinu og
listinni. Það er ómetanlegt hve
hann í ósérhlífni gaf til að móta
það uppbyggilega tónlistarlíf sem
hér var í mótun þegar starfskrafta
hans naut við.
Hann tók við starfi áður
óþekktu á íslandi, en það var
staða konsertmeistara Sinfóníu-
hljómsveitar Islands. Þessa stöðu
mótaði hann með reisn, sanngirni
og festu. Ótal erfiðleikastundir
mátti hann bera í starfi, en sigraði
jafnan. Heilsan brást fyrir aldur
fram og hörmuðu allir þau
grimmu örlög.
Nú þegar æfi hans er öll vil ég
þakka af alhug öll þau góðu ár
sem ég naut í samstarfi við hann.
Guð blessi minningu hans.
Eiginkonu, dóttur og öllum öðr-
um skyldmennum flyt ég mínar
innilegustu samúðarkveðjur.
Þorvaldur Steingrímsson
í dag kveður Sinfóníuhljómsveit
Islands Björn Ólafsson fiðluleik-
ara, sem gegndi starfi konsert-
meistara hljómsveitarinnar fyrstu
tuttugu og tvö starfsár hennar.
Framlag Björns til eflingar tón-
listarlífs og uppbyggingar
hljómsveitarstarfs hér á landi
verður seint fullmetið. Þegar hann
kom til landsins árið 1939 að af-
loknu námi í Austurríki réðst
hann sem aðalfiðlukennari við
Tónlistarskólann í Reykjavík og
varð yfirkennari strengjadeildar
skólans árið 1947. Hann stofnaði
Hljómsveit Tónlistarskólans i
þeim tilgangi að þjálfa nemendur
í hljómsveitarleik og miðla þeim
af þekkingu sinni af stærstu
hljómsveitum Vínarborgar á
námsárum sínum. Rúmum áratug
eftir heimkomu Björns var Sin-
fóníuhljómsveit íslands stofnuð.
Þar með rættist hinn stóri draum-
ur allra tónlistarmanna og tónlist-
arunnenda hér á landi. Aðdrag-
andinn að stofnun hljómsveitar-
innar var langur og erfiður og
lögðu þar margir hönd á plóginn. I
þeirri baráttu var Björn í fylk-
ingarbrjósti með sína meðfæddu
ósérhlífni og með hugsjónalogann
að leiðarljósi.
í hinu vandasama starfi kons-
ertmeistara komu mannkostir
Björns glöggt í ljós. Hann var ekki
aðeins frábær fiðiuleikari heldur
hafði hann næma tilfinningu fyrir
ábyrgðarhlutverki konsertmeist-
ara sem forystumanns sveitarinn-
ar. Björn gaf sig allan að vexti og
viðgangi hljómsveitarinnar jafnt
út á við sem inn á við og naut
virðingar allra sem kynntust hon-
um í starfi, ekki síst hljómsveitar-
fólksins sjálfs því í þeirra augum
var hann hin styrka stoð sem hélt
öllu saman. *
Það var gæfa Sinfóníuhljóm-
sveitar íslands að hafa Björn
ólafsson í sæti konsertmeistara á
þessum fyrstu og erfiðu árum og
kveðjum við hann með þökk og
virðingu og vottum ástvinum hans
okkar innilegustu samúð.
Stjórn Sinfóníuhljómsveitar
íslands.
+
Otför eiginmanns mtns, fööur, tengdafööur og afa,
BJÖRGVINS BENEDIKTSSONAR,
prantara,
Skeiöarvogi 121,
fer fram frá Fríkirkjunni í Reykjavík miövikudaginn 11. april kl.
13.30.
Guöný Sigriöur Sigurðardóttir,
Benedikt Björgvinsson, Erna Gísladóttir,
Siguröur Björgvinsson, Jenný Jóhannsdóttir,
Björgvin Rúnar Björgvinsson, Kristjana Jacobsen
og barnabörn.
Móðir okkar, tengdamóöir, amma og langamma,
MARGRÉT ÞORKELSDÓTTIR
frá Akri viö Bræðraborgarstíg,
veröur jarösungin frá Dómkirkjunni miövikudaginn 11. apríl kl.
13.30.
Þeim sem vildu minnast hennar er bent á byggingasjóö KFUM og
K eöa Samband íslenskra kristniboösfélaga.
Kristín Pálsdóttir, Guöfinna Guömundsdóttir,
Steinunn Pálsdóttir, Þorkell G. Sigurbjörnsson,
Siguröur Pálsson, Jóhanna G. Möller,
barnabörn og barnabarnabörn.
+
Þökkum innilega auösýnda samúö og vináttu viö andlát og jaröar-
för
ÖNNU SIGURGEIRSDÓTTUR,
Aöalstræti 50,
Akureyri.
Sigurgeír B. Þóröarson, Anna Guöný Sigurgeirsdóttir,
Sigrföur J. Þóröardóttir, Hjálmar Freysteinsson,
Guöbjörg H. Hjálmarsdóttir, Anna Þórunn Hjálmarsdóttir.
Þóröur Örn Hjálmarsson.
Hf>Hltt>áHNllllllllllllllllllllllllllllllHlllllllllllllllllllllllllllllllllllllllllllllllllllllllllllllllllllllllllllllllllinilltll||||)ll|||||||||||||||||||||||||||||»HHIHIMtHIIIHflllllt||t|||IHIIIIIIIIIIIIItlHIIIIIIIIIIIIIIIIHIIIIIIIIIIIIIIIIHIIHIIIIIIIIItllllllllltllHHIIIIf HllUIIHHIHIHIIIIIIIIIHIIIIIIIIIIimHIIIHIIIIIHIIIIIIIIIJIIf IHmilllllHllllllflUHIIIHI
Ötgerðarmenn-Skipstjórar
Viö bjóöum allan búnaö til vinnslu og frystingar á rækju um borö í fiskiskip-
um af öllum stæröum
Vinnsjubúnaður frá
• Flokkunarvélar
• Suðupottar
• Polyphosphate-tankar
• Vogir
• íshúðunartæki
• Öskjumótunartæki
• Bindivélar
• Færibandakerfi
Ath.: Allur Carnitech-
vínnslubúnaöurinrt er
úr ryöfríu stáli
og
Frystibúnaöur frá
**■'■* ::.■**
Rækjuflokkunarvél úr ryöfríu stáli.

Lárétt plötufrystitæki
Lausfrystitæki.
PARAFREEZE
• Lóðrétt plötufrystitæki
• Lárétt plötufrystitæki
• Lausfrystitæki
• Frystivélasamstæður
Fjöldi skipa frá Danmörku,
Noregi, Færeyjum, Græn-
landi og Kanada eru þegar
búin vinnslubúnaði frá
CARNITECH A/S og frysti-
búnaði frá APV Parafreeze
og er það samdóma álit
þeirra, sem búnaöinn nota,
að vandaðri og tæknilega
fullkomnari tæki og/eða
vinnslukerfi séu ekki á
markaðnum.
Tæknimenn frá báðum framleiðendum eru reiðubúnir að veita ykkur
tæknilega aðstoð og eftirlit með uppsetningu hvort sem um er að ræða
einstök tæki eða heilu vinnsiukerfin.
umboðid
Arni Ólafsson
H/F,
Vatnagöröum 14. Sími: 83188
■\\\\\\\\\\\\\\\\\\\\\\\\\\\\\\\\V\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\V\\\V\\\V\X\V\VWVVXWNXXXXWWXVVWXWVXNVVWVWXNXXVVWXXNWVNWWVVVWWWVNXWWXVvVVNXW