Morgunblaðið - 01.12.1985, Blaðsíða 22

22 B
MORGUNBLAÐIÐ, SUNNUDAGUR1. DESEMBER1985
Svavar A. Jónsson
Líöur þér vel
á aðventunni?
Hvernig lítur þú til aðventunnar, sem byrjar í dag? Vekur hún þér gleði og vellíðan eða óróa
og streitu? Ég fór niður í Austurstræti eina morgunstundina nú rétt fyrir aðventubyrjun. Enn var
rökkvað og gul Ijósin skinu út um gluggana, alla þessa fallegu glugga, sem geyma svo margvíslegt
mannlíf á bak við sig. Ég fór inn á nokkrum stöðum og spurði þau, sem vinna þarna við Austur-
strætið hvernig þau líti til aðventunnar. Og hér koma svör þeirra með aðventukveðjum frá okkur
öllum til ykkar, kæru lesendur.
Þorvaldur Kjartansson, hár-
skeri í Austurstræti 20:
Ég lít á aðventuna sem undir-
búning þess, sem jólin gefa
okkur. Þá byrjar undirbúning-
urinn undir það að taka á móti
jólunum. Heima hjá okkur
kveikjum við alltaf aðventuljós
og hérna í Austurstræti breytir
allt um svip á aðventunni og
ákveðin stemmning ríkir. Hjá
mér á rakarastofunni byrjar
örtröðin ekki fyrr en svona 10
dögum fyrirjól.
Steinar Þórðarson í Bóka-
verzlun Sigfúsar Eymunds-
sonar:
Aðventan tilheyrir fagnaðar-
boðskapnum, komu Frelsarans
til okkar mannanna. Hún flytur
okkur þennan dýrlega boðskap.
Kaupæðið hefur aldrei ært mig.
Ég fer í kirkju á aðventunni
eins og venjulega. En þá er sér-
stakur tónn í guðsþjónustunni,
eftirvæntingin eftir Jesú. Að-
ventan er dýrlegur tími.
Margrét Magnúsdóttir í
Víði:
Það er alltaf viss stemmning
á aðventunni. Hátíðin nálgast.
Við setjum upp aðventukrans
heima og kveikjum kertaljós.
Það er mikið um að vera hérna
í búðinni á aðventunni. Álagið
er mikið en mér er ánægja að
vinna þetta. Það er gott fólk,
sem hingað kemur. Ég fer ekki
í kirkju á aðventunni. Ég hef
tíma til þess en gef mér hann
ekki. En ég hlusta á messur í
útvarpinu.
Heiða Jensdóttir í Hressing-
arskálanum:
Það er mjög skemmtilegur
tími, sem fer í hönd með að-
ventunni. Hátíðin er að koma
og stemmningin byrjar. Að-
ventan veldur mér ekki streitu.
Margir koma hingað á Hressó
í jólainnkaupunum en hér er
alltaf margt fólk allt árið um
kring. Frá því ég var barn hef
ég alltaf fundið til eftirvænt-
ingar á aðventunni. Þá fór
pabbi í kirkju með okkur börnin
á aðfangadagskvöld en mamma
var heima. Við hjónin förum
oft í kirkju á aðfangadagskvöld,
það fer eftir aðstæðum. Það er
afskaplega hátíðlegt. Og við
kveikjum alltaf á aðventukert-
um heima á aðventunni.
Sigurbjörg Ólafsdóttir í
Reykjavíkurapóteki:
Mér finnst allsherjar streita
á öllum á aðventunni og eins
og jólin séu orðin ein allsherjar
kaupmennskuhátíð. Strax í
Þorvaldur Kjartansson
Steinar Þórðarson
nóvember er byrjað að auglýsa
jólin. Það er ólíkt úti á landi.
Þar sem ég var einu sinni úti
á landi í desember var ekki
farið að skreyta gluggana í
kaupfélaginu fyrr en viku til
tíu dögum fyrir jól. Sumir setja
allt á annan endann á heimilinu
með hreingerningum og máln-
ingu. Margir njóta þess og það
er þá gott og blessað. En sumir
taka þátt í þessu öllu þótt þeir
vilji það ekki. Núna þegar fólk
vinnur svona mikið utan heim-
ilisins hefur það bókstaflega
ekki tíma til þess alls en reynir
samt að komast yfir það. Ég
held það þyrfti að heilaþvo allt
liðið ef ætti að takast að breyta
þessu. Samt held ég að hver og
einn geti dálítið skapað sér sinn
eigin lífsstíl. Ég kæri mig t.d.
ekki um miklar og dýrar jóla-
gjafir. Og ég vil ekki taka þátt
í þessari streitu þótt ég geri
það líklega. Mér finnst skamm-
degið notalegur tími en mér
finnst ekki eins hátíðlegt og
áður um jólin. Ég er ekki
kirkjurækin og fer ekki frekar
í kirkju á aðventunni en ella.
Hannes Jón Hannesson á
pósthúsinu:
Aðventan er ágætur aðdrag-
andi að jólum. Ég geri ekki
mikið til hátíðabrigða á aðvent-
unni en hef þó búið til aðventu-
krans. Mér finnst aðventan eins
og ljós í myrkrinu, viti, sem
lýsir að því, sem er í vændum.
Það ljós er mjög gott mótvægi
á móti verzlunaræðinu á að-
ventunni. Ég hef óbeit á kaup-
mennskunni fyrir jólin, öll
hjörðin lætur teyma sig. Þetta
er svo sauðalegt. Jólaæsingin í
verzluninni er hápunktur á
Margrét Magnúsdóttir
æsingunni, sem er allt árið um
kring. Ef fólk væri ánægðara í
daglegu lífi og væri ekki undir
svo miklu vinnuálagi gæti það
nægt til að breyta lífsstílnum.
Og ef fólk nennti að hugsa, ef
það vissi að garðurinn, sem
þarf að rækta, er innra með því
sjálfu. En fólk vill ekki láta
vanda um við sig. Það er svo
miklu auðveldara að fylgjast
með hinum. En aðventan og
jólin bera allt annan boðskap
en æðið og hugsunarleysið. Sá
tími birtist mér alltaf sem
aðventukrans og kertaljós.
Þegar ég hugsa um aðventuna
og jólin fyllist ég alltaf hlýju.
Þorbjörg Bernhard í Útvegs-
bankanum:
Mér finnst aðventan hátíð-
leg. Ég veit ekki mikið um
aðventuna en mér finnst
stemmningin góð. Við kveikjum
á aðventukertum á sunnudög-
um og ég fer strax í aðventu-
byrjun að setja upp í eldhúsinu
hjá mér ýmislegt, sem ég hef
búið til sjálf. Annars set ég
ekki upp jólaskraut fyrr en rétt
fyrir jól. Aðventan er svo stutt-
ur tími og mér finnst gaman
að hafa eitthvað í kringum mig
til að minna á hana. Við bökum
smákökur svona um 10. des-
ember og borðum þær á aðvent-
unni, sitjum saman og höfum
það notalegt. Við hlustum líka
á jólaplötur í desember. Að-
ventan er góður tími. Hún var
það sérstaklega þegar krakk-
arnir voru litlir, en líka núna.
Það er alltaf mikið að gera
hérna í bankanum fyrir jólin
en það er mjög skemmtilegt.
Aðventan veldur mér ekki
streitu, mér líður vel á aðvent-
unni.
Þorbjörg Bernhard
Litur og textar
aðventunnar
Þorbjörg sagðist ekki vita
mikið um aðventuna og ég sagð-
ist með gleði skrifa lítilræði um
þýðingu aðventunnarí kirkjuár-
inu. Það er satt að við njótum
hennar svo miklu betur ef við
þekkjum þessa þýðingu. Allt
kirkjuárið boðar mismunandi
blæbrigði hins mikla fagnaðar-
boðskapar. Kirkjulitirnir til-
heyra þeim blæbrigðum og færa
okkur hver sinn boðskap. Litur
aðventunnar er fjólublár, alveg
eins og litur föstunnar. Báðir
boða undirbúning fyrir hinar
miklu hátíðir. Fjólubíái liturinn
er Iitur iðrunar og bænar um
fyrirgefningu. Hann boðar okkur
núna á aðventunni að undirbúa
okkur fyrir jólin, hreinsa sálir
okkar, iðrast og biðja Guð, biðja
Jesúm um fyrirgefningu. Og
þegar aðventa er liðin getum við
tekið á móti fögnuði jólanna í
hjarta okkar, sem er undirbúið.
Þetta er mikill lærdómur, mikil
æfing í trúnni, sálusorgun, sem
við getum veitt sjálfum okkar.
Aðventutextarnir, sem eru
lesnir í guðþjónustum aðvent-
unnar, fjalla um þann, sem
kemur, Jesúm, frelsara okkar.
Orðið aðventa þýðir koma, Jesús
er að koma til safnaðar síns. Við
erum hvött til að hugsa um það
að Jesú kemur til okkar sem
konungur okkar. Guðspjallatext-
ar fyrir sunnudag í aðventu eru
um það þegar Jesú reið inn í
Jerúsalem á pálmasunnudag og
var fagnað sem konungi, þegar
hann stóð frammi fyrir Pílatusi
fyrir krossfestninguna og Pílatus
vildi vita hvort hann væri kon-
ungur og um það þegar Jesús
gekk inn í samkomuhúsið í Naz-
aret og las textann úr spádóms-
bók Jesaja um sjálfan sig. Hann
var sá, sem átti að boða band-
ingjum Iausn og gefa blindum
sýn. Það kostar okkur umhugsun
og dálitla áreynzlu að setja okkur
inn { það hvers vegna aðventu-
textarnir hljóða um þessa at-
burði. Þeir segja okkur að á
aðventunni skulum við hugleiða
það að fyrirheit Guðs rættust.
Því var heitið í Gamla testa-
mentinu að Guð myndi senda
frelsara og hann stóð við það.
Jesús var ekki veraldlegur kon-
ungur heldur konungur konung-
anna, sem á allt vald á himni og
jörðu. Og nú er hann að koma.
Svo halda textar aðventunnar
áfram að segja okkur að Jesús
muni koma aftur, í skýjum him-
insins. Hann kemur aftur. Þess
vegna skulum við vaka því stund-
ina veit enginn.
Kæru lesendur. Það er miklu
meiri fyrirhöfn fyrir okkur að
sökkva okkur niður í hugleiðing-
ar þessara ritningarkafla heldur
en hugleiða helgisiði, sem vin-
samlegt fólk hefur búið til fyrir
okkur. En þessi hugleiðing gefur
okkur líka mikið og auðgar sálir
okkar og allt daglegt líf okkar.
Þess vegna sendi ég ykkur í dag
ritningarlestra fyrstu textarað-
arinnar í handbókinni okkar.
Textaraðirnar eru þrjár, eins og
þú veizt kannski, og skipt er um
á hverju ári. Ég ráðlegg þér og
sjálfri mér að taka okkur stund
í aðventufriði og lesa þessa texta,
biðja Guð um skilning á þeim og
hugleiða þá með sjálfum okkur.
Hér koma textarnir: Jesaja
2.1- 4. Róm. 13.11-14. Matt.
21.1- 9.
Kirkjuárið hefst með aðvent-
unni. Aðventusunnudagarnir eru
fjórir. Svo koma jólin. Guð gefi
þér góða aðventu, hvernig sem
hún verður og hvernig sem þú
kýst að gera hana, hvort sem þú
ert heima eða heiman. Gleðilega
aðventu.