Morgunblaðið - 21.01.1994, Blaðsíða 10
MORGUNBLAÐIÐ FÖSTODAGÚR 21: JANÚAR 1994
10
Guðjón Óskarsson bassasöngvari
Annar heimur en
engin stjömuglýja
EINN söngvari kemur gestum íslensku óperunnar öðrum fremur á
óvart í Évgení Ónegín eftir Tsjajkovskí sem nú er á fjölunum. Hann
birtist í síðasta þætti og syngur með flauelsmjúkum bassa aríu furst-
ans, algerlega áreynslulaust að því er virðist. Maðurinn heitir Guðjón
Óskarsson og hefur í fjögur ár verið fastráðinn söngvari við Óslóar-
óperuna. Næsta starfsár ætlar hann að taka sér frí þaðan til að syngja
í Englandi, Þýskalandi og Belgíu og víðar ef að líkum lætur. Hvort
hann hellir sér í lausamennsku og leggur upp í flakk milli óperuhúsa
er óráðið ennþá en víst er að Guðjón hefur uppgötvað allt annan
heim heldur en áður. Hann stóð fyrir fáum árum upp úr stólnum sín-
um á skrifstofu og fer varla þangað aftur.
Alger tilviljun olii því að Guðjón
fór að syngja. Hann var staddur á
krá með kunningjum sínum fyrir
næstum tíu árum þegar þessi saga
hófst. „Sem við sátum á Gauknum
hóf rosa tenór upp raustina í saln-
um. Þetta var Guðbjörn Guðbjarnar-
son, bróðir Gunnars sem syngur í
Ónegín, og ég kannaðist aðeins við
hann. Féiagar mínir vissu að ég
hafði rödd og sögðu svaraðu honum,
svaraðu honum, svo ég tók nokkrar
rokur sem allir þekkja úr óperum.
Þetta endaði með heimsókn til Guð-
björns að hlusta á plötur fram undir
morgun. Og síðan ekki söguna meir,
eða svo leit ég á þar til nokkrum
dögum seinna að ég fékk hringingu
frá Ragnari Bjömssyni skólastjóra
Nýja tónlistarskólans.
Hann spurði hvort ég væri maður-
inn sem söng á Gauki á Stöng og
hvort ég vildi ekki koma í prufusöng
hjá Sigurði Demetz. Ég var náttúru-
lega gáttaður en gerði þetta og var
svo heppin að komast í nám hjá Sig-
urði. Hann kann sitt fag. Á þessum
tíma vann ég á skrifstofu og fór
bara í söngtíma einu sinni eða tvisv-
ar í viku. Eftir ár stakk Sigurður
svo upp á að ég færi niður í Þjóðleik-
hús og léti þá heyra í mér fyrir
Toscu. Ég vildi þetta helst ekki en
lét til leiðast og var bara ráðinn sí-
svona. Síðan söng ég Sacrestan í
þessari óperu Puccinis fyrir sjö árum
og fékk ágæta dóma. Stjórnandinn,
Barbacini, vildi koma mér til Ítalíu
í nám og til þess gafst tækifæri
haustið 1987.“
Þá fór Guðjón með ítölskum
óperuflokki til Frakklands og segist
Guðjón Oskarsson.
hafa lært geysimikið á því. „Við
vorum nokkrar vikur á flakki milli
bæja og borga, höfðum stóran bíl
sem breytt var í svið á hveiju kvöldi
og þurftum að leysa öll mál sjálf.
En síðan var ég tvo vetur í aka-
demísku námi í smáborginni Osimo
á Mið-Ítalíu og var á leið til Mílanó
að syngja hjá kennara þriðja vetur-
inn þegar hringt var frá Osló. Þeir
könnuðust við mig úr Toscu og vildu
fá að heyra aftur í mér. Þetta var
haustið ’89 og óperumenn í Ósló
vildu strax ráða mig eftir prufusöng-
inn. Það var auðvitað gott veganesti
í námið hjá Pierre Miranda Ferraro,
gömlum Scala-söngvara, og næsta
vetur byijaði ég í Óslóaróperunni."'
Þar hefur Guðjón verið síðan og
brugðið sér bæjarleið endrum og
sinnum til að syngja annars staðar.
Hann kveðst mikið gera af því að
koma fram á tónleikum, með dugleg-
an umboðsmann og tvisvar hafi hann
varið tveim mánuðum í óperunni í
Brússel, í Meistarasöngvurunum og
Grímudansleiknum. Á tónleikum
syngur hann gjarna sálumessur
Verdis eða Mozarts, Messías Hánd-
els eða Stabat Mater eftir Rossini.
Annars kveðst hann víðsýnn hvað
tónlist varðar, ýmiskonar verk höfði
til sín.
„Auðvitað er margt til slæmt af
klassískri tónlist og sum nútímaverk
virðast tónskáldin semja hvert fyrir
annað. Svona er þetta líka í dægur-
tónlist, þar er mikið af rusli og raun-
ar miklu meira en í hinu sem staðist
hefur tímans tönn. Nú er ég að
Wagner-frelsast, við fluttum Rínar-
gullið í Ósló í fyrra og nú bætist
Valkyijan við. Síðan kemur Sigurður
Fáfnisbani næsta vetur og Niflunga-
hringurinn allur með Ragnarökum
1996. Þetta þótti talsverð tvísýna
hjá óperunni en miðarnir ruku út í
fyrra. Tónlistin er líka stórkostleg,
þykk og mikil, og alls ekki leiðinleg
eins og margir halda. Ég hef líka
óskaplega gaman af að syngja kó-
Næsta sunnudag verður næstsíðasta sýning á Ronju ræningjadóttur.
Síðustu sýningar á
Ronju ræningjadóttur
LEIKRITIÐ um Ronju ræningjadóttur eftir sögu Astrid Lindgren
hefur nú verið sýnt á þriðja ár, en verkið var frumsýnt annan í
jólum 1992. Um 25.000 áhorfendur hafa glaðst með Ronju, Birki
og ræningjunum í Borgarleikhúsinu. Sunnudaginn 23. janúar
verður næstsíðasta sýning og sunnudaginn 30. janúar verður sex-
tugasta og jafnframt allra síðasta sýning á verkinu.
í fréttatilkynningu segir: „Þessi
sýning hefur notið vinsælda enda
ævintýraleg og vönduð, með mörg-
um skemmtilegum lögum eftir
Sebastian, einn vinsælasta tónlist-
armann Dana.
Sigrún Edda Björnsdóttir leikur
Ronju, Gunnar Helgason leikur
Birki, Margrét Helga Jóhannsdótt-
ir er Lovísa mamma Ronju, Theód-
ór Júlíusson er ræningjaforinginn,
Matthías pabbi hennar og Guð-
mundur Olafsson leikur gamla
klóka ræningjann Skalla-Pétur.
Leikstjóri sýningarinnar er Ás-
dís Skúladóttir, leikmynd og bún-
inga hannaði Hlín Gunnarsdóttir
og lýsingu annaðist Elfar Bjarna-
son, Auður Bjarnadóttir samdi
dansana og Margrét Pálmadóttir
er söngstjóri.
Vatnagörðum 28
S 88 30 44 • 88 30 45
Opið 13-22. Allir velkomnir!
PRÓFKJÖR SJÁLFSTÆÐISMANNA
Upplýsingaskrifstofa
Björgólfs Guðmundssonar
MENNING/LISTIR
Myndlist
„Karlímyndin“
1 Gerðubergi
Nú stendur yflr í Menningarmiðstöð-
inni Gerðubergi samsýning 12 karlkyns
listamanna undir yfirskriftinni „Karl-
ímyndin". Þar túlka listamennirnir karl-
ímyndina á sinn persónulega hátt og
tengist þessi sýning aukinni umræðu
hér heima og erlendis um breytt hlut-
verk kynjanna.
í tengslum við sýninguna verður
dagskrá á sunnudag kl. 14 þar sem
rithöfundarnir Steinunn Sigurðardóttir
og Guðmundur Andri Thorsson fjalla
um karlímyndina eins og hún birtist
þeim. Einnig mun drengjakór Laugar-
neskirkju flytja nokkur lög.
Sýningu Björgvins
framlengt
í Geysishúsinu
Sýningu Björgvins Frederiksens í
Geysishúsinu, „Leika f höndum harðir
málmar“, hefur verið framlengd til 23.
janúar. Björgvin sýnir um 20 smíðis-
gripi sem hann hefur gert á síðari árum,
einkum kertastjaka fyrir kirkjur og ein-
staklinga, en einnig nokkur óhlutbund-
in myndverk, fánastengur, verkfæri
sem hann hefur fundið upp og fleira.
Sýningarsalirnir í Geysishúsi, á horni
Aðalstrætis og Vesturgötu, eru opnir
virka daga frá níu til fimm og um helg-
ar milli eliefu og tvö.
Samsýning í
Gallerí Greip
Magnús Sigurðsson, Margrét Har-
aldsdóttir Blöndal og Ásmundur Ás-
mundsson hafa opnað samsýningu á
verkum sínum í Gallerí Greip, Hverfís-
götu 82 (gengið inn Vitastígsmegin).
Þau hafa öll lokið námi úr f|öltækni
í MHÍ. Sýningin stendur til 2. febrúar
og er opin frá kl. 2-6, lokað mánudaga.
Eyjólfur Einarsson
sýnir í Galleríi Sólon
Islandus
Eyjólfur Einarsson opnar málverka-
sýningu ( Galleríi Sólon íslandus, á
morgun, laugardaginn 22. janúar, kl.
15.
Eyjólfur er fæddur í Reykjavík 1940.
Hann stundaði nám í Listaakademíunni
í Kaupmannahöfn árin 1962-1966.
Á sýningunni eru olíumálverk frá sl.
ári og er þetta hans 16. einkasýning,
en Eyjólfur hefur tekið þátt í mörgum
samsýningum.
Sýningunni lýkur 14. febrúar.
Guðrún Einarsdóttir
opnar sýningu í
Slunkaríki
Sýning á málverkum eftir Guðrúnu
Einarsdóttur opnar í Slunkaríki, ísafirði
á morgun laugardag kl. 16.
Guðrún er fædd 1957 og stundaði
myndlistarnám sitt í Reykjavík á árun-
um 1984-90.
Frá árinu 1986 hefur hún haldið
einkasýningar á verkum sínum víða um
land og tekið þátt-í samsýningum, m.a.
í Bretlandi og Svíþjóð.
Sýningu Guðrúnar lýkur sunnudag-
inn 20. febrúar.
Leiklist
Margt býr
í þokunni
Leikfélagið Snúður og Snælda, sem
er leikfélag Félags eldri borgara í
Reykjavík og nágrenni, sýnir nú saka-
málagamanleikinn „Margt býr í þok-
unni“ eftir William Dinner og William
Forum í Risinu Hverfisgötu 105. Verk-
ið er í 3 þáttum og tekur u.þ.b. eina
klukkustund og fjörutíu mínútur í flutn-
ingu. Leikritið fjallar um þijár konur
sem setjast að i yfírgefnu húsi og telja
það vera í lagi. Það fer á annan veg
en þær reikna með og ekki eru þær
búnar að vera lengi þegar óvæntir at-
burðir taka að gerast.
Sýningar verða á miðvikudögum og
laugardögum kl. 16 og á sunnudögum
kl. 20.30.
Sýningum að ljúka á
leikritinu „Býr íslend-
ingur hér“
íslenska leikhúsið sýnir á morgun
laugardag, leikritið „Býr íslendingur
hér“. Þetta verk er leikgerð Þórarins
Eyjförð eftir samnefndri bók Garðars
Sverrissonar.
Verkið segir frá Leifí Muller sem
varð innlyksa í Noregi þegar Þjóðveijar
hernámi landið. Þegar hann ætlaði að
reyna að komast heim til íslands, var
hann svikinn í hendur Gestapó.
Það er Pétur Einarsson sem leikur
Leif Muller og Halldór Björnsson leikur
lækni hans.
„Býr íslendingur hér“ verður sýnt á
morgun laugardaginn 22. janúar og
laugardaginn 29. janúar en sýningum
er nú að ljúka.
Búkolla frumsýnir
Stútungasögu
Leikfélagið Búkolla í Suður-Þingeyj-
arsýslu, frumsýnir á morgun laugar-
dag, í Ýdölum, íslenska leikritið Stút-
uhgasögu.
Höfundar verksins eru fjórir ungir
höfundar, þau Ármann Guðmundsson,
Hjördís Hjartardóttir, Sævar Sigur-
geirsson og Þorgeir Tryggvason. Þrír
þessara höfúnda eru að norðan og verk-
ið því sett upp í þeirra heimabyggð.
Leikritið var upphaflega skrifað fyrir
Hugleik í Reykjavík, sem sýndi verkið
í fyrra. Leikarar í verkinu eru 30 í mis
umfangsmiklum hlutverkum, en öll
hlutverkin hafa einhvem texta. Leikar-
ar koma viða að úr sýslunni, Húsavík,
Aðaldal, Reykjahverfi, Kinn, Laxárdal,
Reykjadal og Ljósavatnshreppi. Leik-
stjóri er Einar Þorbergsson frá Húsavík.
Éeikfélagið Búkolla er ungt leikfélag
það var formlega stofnað 1992. Þó
hafði sami kjarni starfað mun lengur
undir leikdeild ungmennafélagsins
Geisla í Aðaldal.
Tónlist
Gítartónleikar í Sel-
tjarnarneskirkju
Gitarleikarinn Kristinn H. Árnason
heldur tónleika í Seltjarnarneskirkju á
morgun laugardaginn 22. janúar kl. 17.
Á efnisskránni
eru verk eftir
Narvaez, Tárrega,
Bach, Brouwer,
Granados og Marri-
dos.
Kristinn lauk
burtfararprófi frá
Tónskóla Sigur-
sveins D. Kristinssonar árið 1983. Hann
lauk BM-prófí frá Manhattan School
of Music árið 1987. Einnig stundaði
hann framhaldsnám á Spáni og í Eng-
landi. Meðal kennara hans voru Nicolas
Goluses, Gordon Crosskey og Jose Tom-
as.
Árið 1987 var hann valinn.úr hópi
fjölda umsækjenda til að taka þátt í
síðasta námskeiði sem Andres Segovia
hélt.
Kristinn hefur komið fram á tónleik-
um á Islandi, í Bandaríkjunum og á
Ítalíu, auk þess sem hann hefur leikið
í útvarpi og í sjónvarpi.
Kvikmyndir
„Skyggen af
Emma“ sýnd 1
Norræna húsinu
Danska kvikmyndin Skyggen av
Emma verður sýnd í Norræna húsinu
sunnudaginn 23. janúar kl. 14.
Emma er 11 ára stelpa sem elst upp
í heldri manna flölskyldu í Kaupmanna-
höfn um 1920. Hún fær allt til alls
nema athygli foreldra sinna. Dag einn
heyrir hún talað um bamsrán og þá
dettur henni í hug að láta sig hverfa
Ifkt og um rán væri að ræða. Á leið
hennar verður maður sem er hálf utan-
velta í lífínu og á milli þeirra myndast
traust vináttusamband.
Þekki kvikmynd er frá árinu 1988
og hana gerði Sören Kragh Jacobsen.
Hún er ætluð. eldri börnum og er ein
og hálf klst. að lengd með dönsku tali.
Allir eru velkomnir og er aðgangur
ókeypis.