Morgunblaðið - 21.01.1994, Blaðsíða 12
12
MORGUNBLAÐIÐ FÖSTUDAGUR 21. JANÚAR 1994
Stúdent á íslandi 1994
eftir Pál Magnússon
Nýlega minntust stúdentar 75
ára fullveldis íslensku þjóðarinnar.
Það ætti öllum að vera ljóst hve
mikið lá að baki þeim sigri sem
vannst 1. desember 1918. Ótrúleg
þrautseigja og trú á land og þjóð
skóp þennan sigur öðru fremur. A
íslandi hefur byggst upp biómleg
byggð í harðbýlu landi, við höfum
náð öðrum þjóðum í velferðarmál-
um og á þekkingarsviðinu. Þetta
höfum við gert á ótrúþega skömm-
um tíma, en hvernig? Eg segi fyrst
og fremst með því að taka saman
þátt í uppbygingunni. Við höfum
staðið saman, stutt hvert annað
og verið sammála um að öllum
skuli tryggt mannsæmandi líf.
Það hefur verið hlúð sérstaklega
að ungu fólki í þessu landi. Mennt-
un er talin mikilvægasta vopn ein-
staklingsins til að auka möguleika
hans á góðu og áhyggjulitlu lífi.
Hér hefur verið byggt upp hús-
næðiskerfi, með það meðal annars
að markmiði að hjálpa ungu fólki
til að eignast sitt fyrsta húsnæði.
íslendingar hafa búið við at-
vinnuöryggi. í gegnum tíðina hefur
atvinna verið nóg enda landinn
þekktur fyrir langan vinnudag.
Konur hafa fært sig út á vinnu-
markaðinn og eru farnar, sem bet-
Langt jólaleyfi í fjórum deildum HI
Nemendur voru tæpar
fjórar vikur í fríi
JÓLALEYFI nemenda í fjórum deildum Háskóla íslands er nær
mánaðarlangt og mun lengra en í öðrum deildum skólans. I ár
hófst kennsla í deildunum 17. janúar, eða mánudag sl. Leyfið er
svo langt þar sem fyrir þremur árum voru miðsvetrarpróf nem-
enda, sem áður voru haldin í janúar, færð fram I desember en
kennslufyrirkomulagi ekki breytt þannig að kennsla hefst eftir
áramót á sama tíma og áður.
Árni Finnsson, prófstjóri Há-
skóla Islands, segir að þessi skipan
mála hafi verið bundin í reglugerð
seinustu þijú ár sem miði við að
skólaárinu ljúki um miðjan apríl.
Hafi reglugerðin verið samin að
frumkvæði Háskólaráðs en sé
breytingin upphaflega tilkomin
vegna óska frá nemendum.
„Óþarflega langur tími“
Deildirnar sem um ræðir eru
heimspekideild, viðskiptadeild, fé-
lagsvísindadeild og guðfræðideild.
„Þetta er töluvert langur tími en
kennslan hófst líka óvenju seint í
ár þar sem 15. janúar bar upp á
laugardag, en venjulega hefur ver-
ið byijað í byijun viku fyrir fimmt-
ánda, t.d. 13. janúar. Ástæða
reglugerðarbreytingarinnar var sú
að fá skil á milli missera, gera
kennurum kleift að ljúka yfirferð
^prófa og birta einkunnir ásamt því
að gera nemendum fært að skrá
sig, þó ég hugsi að þeim finnist
mörgum þetta vera óþarflega
langur tími frá námi,“ segir Árni.
„Það getur líka verið að þeir nem-
endur sem eru í skólanum í dag
séu ósammála þeim nemendum
sem stóðu að breytingunni á sín-
um tíma.“
Kennsla í öðrum deildum háskól-
ans hófst tæpum hálfum mánuði
fyrr en í fyrrnefndum deildum eða
nemendur þeirra eru í prófum í
janúar.
,,YOR\FYRIRBORN“
Slysavarnafélag Islands hefur til sölu öryggisvörur fyrir
heimili í verslun sinni í Slysavarnahúsinu Grandagarði 14,
Reykjavík. Barnaslysafulltrúar SVFI og RKÍ verða til
viðtals og leiðbeiningar í versluninni í dag
föstudaginn 21. jan. kl. 9.00-17.00 og
laugardaginn 22. jan. kl. 11.00-13.00.
Lítið inn og kynnið ykkur
„Vörn fyrir börn“
+
Rauði kross Islands
RauðarArstlg 18,105 Reykjavik, slmi 91-626722
ur fer, að taka mun meiri þátt í
stjórnun og rekstri fyrirtækja og
einnig í stjórn landsins. Á þessum
vettvangi þarf þó að vinna enn
betur.
Erfiðleikar í atvinnumálum
Enda þótt íslendingar hafi
byggt upp gott þjóðfélag þá hafa
ýmsir erfiðleikar hafmlað framför-
um og stundum fært okkur nokkr-
um þrepum neðar. Oft hefur sulta-
rólin svokallaða verið hert vegna
samdráttar í þjóðfélaginu. Við
erum að ganga í gegnum erfitt
tímabil. Þorskstofninn hefur
minnkað og í framhaldinu verið
skorið niður í velferðarkerfinu.
Ungt fólk á íslandi býr ekki
lengur við atvinnuöryggi. Atvinnu-
leysi er nú það mesta sem sögur
fara af. Vel menntaðir einstakling-
ar og hæfir fá ekki tækifæri til
að sanna sig heldur verða að taka
því sem býðst án þess að nýta sér
þá menntun sem þjóðfélagið hefur
kostað miklu til. Oðrum býðst ekk-
ert. Þeir eru atvinnulausir og eru
ekki aðeins í fjárhagserfiðleikum,
þeir ganga einnig í gegnum mikla
andlega þjáningu.
Það er kannski verst að þeir sem
vilja spreyta sig í sjálfstæðum
rekstri hafa nær enga möguleika
til þess. Þótt hugmynd sé góð og
einstaklingur hæfur kemst hann
hvergi í fjármagn til að hrinda
hugmyndum sínum í framkvæmd.
Enginn fær lán eða aðra aðstoð
án þess að geta veðsett eignir sín-
ar eða aðstandenda. Nýsköpun er
því sáralítil nú, einmitt þegar nauð-
synlegt er að huga að nýjum leiðum
í atvinnumálum.
Páll Magnússon
„Islendingar verða að
taka myndarlegar á
málefnum ungs fólks,
vilji þeir á annað borð
tryggja mannsæmandi
lífskjör, því framtíðin
býr í ungu fólki.“
Skorið niður í menntakerfi
Stúdentar við Háskóla ísiands
hafa ekki farið varhluta af sam-
drætti í íslensku þjóðfélagi. Niður-
skurður til skólans hefur komið
illa við marga stúdenta, skólagjöld
hafa verið sett á og námskeiðum
fækkað. Með breytingum á Lána-
sjóðnum hefur mörgum náms-
mönnum verið nauðugur sá kostur
að hverfa frá námi. Möguleikar til
menntunar eru minni nú en áður.
í öllum þessum tilvikum hefur hlut-
ur kvenna verið verri en karla. Þær
hafa margar orðið að hverfa aftur
inn á heimilin vegna atvinnleysis,
en karlmaðurinn á móti reynt að
auka sína vinnu til að framfleyta
fjölskyldu. Konur hafa einnig farið
verr út úr breytingum á Lánasjóðn-
um. Þær sem eru í sambúð hafa
horfið frá námi á meðan karlmað-
urinn klárar sitt nám og einstæð-
um mæðrum í námi hefur fækkað
mest allra.
Þetta er sú mynd sem blasir við
okkur stúdentum í ársbyijun 1994,
og þar er nauðsynlegt að allir viti
hvernig ástandið er. Það skal einn-
ig öllum ljóst að stúdentar eru
þrautseigir. Við höfum alls ekki
gefist upp. Við munum áfram berj-
ast fyrir því sem okkur finnst rétt.
Við munum, með öllum tiltækum
ráðum, berjast fyrir því að hlúð
sé að ungu fólki í þessu landi, að
ungt fólk fái tækifæri til að sanna
sig í vinnu, í námi og geti hrint
sínum hugmyndum í framkvæmd
og stuðlað þannig að nýsköpun.
Við viljum vinna í jafnréttismálum
því við vitum að konur eru jafnhæf-
ar til verka og karlar.
. Ekki bæði sleppt og haldið
Menntun er forsenda framfara.
íslendingar verða að taka myndar-
legar á málefnum ungs fólks, vilji
þeir á annað borð tryggja mann-
sæmandi lífskjör, því framtíðin býr
í ungu fólki. Islendingar verða að
ákveða sig hvort þeir vilji og treysti
sér til að halda úti alvöru háskóla
sem áfram mun hljóta alþjóða
viðurkenningar, eða láta stundar-
hagsmuni ráð niðurskurði og ógna
þannig áralangri uppbyggingu. Við
getum ekki bæði sleppt og haldið.
Höfundur er formuður
Stúdentaráðs Háskóla íslands.
EITT EFSTA SÆTIÐ
eftir Vilhjálm Þ.
Vilhjálmsson
Undanfarin þijú kjörtímabil hef-
ur sjálfstæðisfólk í Reykjavík sýnt
mér þann trúnað að velja mig í
forystusveit flokksins í borg-
arstjórn. Ég var fyrst kjörinn borg-
arfulltrúi 1982 og tók þá við for-
mennsku í skipulagsnefnd. Ég hef
átt sæti í borgarráði frá 1986 og
fyrir tveimur árum fólu félagar
mínir í borgarstjórnarflokki sjálf-
stæðismanna mér varaformennsku
í borgarráði. Borgarstjóri er for-
maður ráðsins.
í því prófkjöri sem sjálfstæðis-
menn efna nú til vegna borgar-
stjórnarkosninga í vor, hef ég
ákveðið að gefa kost á mér í eitt
efsta sætið.
Margir hafa komið að máli við
mig og spurt hvers vegna ég óski
ekki eftir tilteknu sætisnúmeri, líkt
og aðrir frambjóðendur í prófkjör-
inu. Ég hef svarað því til að ég
hafi metnað og áhuga til að axla
þá ábyrgð sem fylgir því að vera
í fremstu víglinu borgarstjórnar.
Það þýðir að ég sækist eftir einu
af efstu sætum á framboðslista
Sjálfstæðisflokksins.
Allar vangaveltur um að ég hafi
með samkomulagi við einhveija
aðra frambjóðendur undanskilið 2.
sætið eru ekki ekki réttar. Auðvit-
að er það eitt af efstu sætunum.
Það er á valdi kjósenda í próf-
kjörinu, en ekki frambjóðenda, að
ákveða röð á listanum. Þess vegna
er efnt til prófkjörs.
Höfundur er borgarfulltrúi og
terkur þátt í prófkjöri
sjálfstæðismanna vegna
borgarstjórnarkosninganna.
Vilhjálmur Þ. Vilhjálmsson
MÚLAKAFFI
VEISLURÉTTIR
Veitingastofa,
veisluþjónusta og matarbakkamötuneyti
viö Hallarmúlann í Reykjavík.
Veislupantanir í síma 37737 og 36737.
Einstakur þorramatur í 30 ár.
STÓRAR OG SMÁAR VEISLUR EÐA ÖSKJUR MEÐ HEIM