Morgunblaðið - 21.01.1994, Blaðsíða 18

18
MORGUNBLAÐIÐ FÖSTUDAGUR 21. JANÚAR 1994
Vilja auka
frárennsli
Dounreay-
versins
STJÓRNENDUR Dounreay
endurvinnslustöðvarinnar í
Skotlandi áforma að auka
geislavirkt frárennsli frá stöð-
inni út í sjó, að því er fram
kemur I fréttatilkynningu frá
umhverfisverndarsamtökunum
NENIG í Leirvík á Hjaltlandi.
Því er haldið fram í frétt NEN-
IG að ætlunin sé að allt að tífalda
frárennsli frá Dounreay-stöðinni,
sem stendur við Norðursjó, en
geislun berst frá stöðinni út í
Norður-Atlantshaf. Með því myndi
alfa-geislun frá stöðinni í Norð-
ursjó aukast um 900%, cesium-137
geislunar um 560% og plútoníum-
geislun ykist um rúmlega 400%.
Samfara því gæti joðín-mengun
frá stöðinni í andrúmslofti aukist
um næstum 1000% og plútoníum-
geislun um 625%, segir í fréttatil-
kynningu NENIG.
ERVIN Nichols vörubílstjóri treystir sér ekki til að líta upp er vöruflutningabíll hans er hífður ofan af
bitum sem eftir standa af brú á Interstate-5 hraðbrautinni í Kaliforníu. Brúin hrundi í jarðskjálftum
sl. mánudag en 46 manns biðu bana af hans vöidum og eignatjón varð gífurlegt.
Reuter
Bifreið bjargað
360 þúsund opinberir starfsmenn sendir heim vegna veðurs
Mestu frosthörkur í rúm-
lega öld í Bandaríkjunum
New York. Reuter.
NEYÐARÁSTANDI var í gær lýst yfir í New Jersey, Pennsylva-
níu og Washington D.C. í Bandaríkjunum vegna mikilla frost-
harkna. Á mörgum stöðum hefur ekki mælst eins mikið frost
og undanfarna daga. Hefur fjölmörgum opinberum skrifstofum
verið lokað til að spara orku og er búist við að margar þeirra
verði lokaðar fram á mánudag. Alls voru 360 þúsund opinberir
starfsmenn sendir heim og í mörgum borgum var gripið til
aðgerða til að draga úr orkunotkun. íslendingar, sem rætt var
við í Boston og New York í gær, sögðust aldrei á ævi sinni
hafa upplifað jafn nístandi kulda. Ræðismaður íslands í Minnes-
sota sagðist þó vera orðinn ýmsu vanur.
Mestur hefur kuldinn verið í
miðvesturríkjunum en einnig á
austurströndinni og búa alls 75
milljónir á þeim svæðum þar sem
kaldast er. Alls hafa að minnsta
kosti 93 farist af orsökum sem
rekja má til veðursins, s.s. hálku-
slysa í umferðinni og hjartaáfalla.
í Columbus í Ohio var 30 stiga
frost og hefur ekki verið meira í
heila öld. Sögðu læknar á sjúkra-
húsum í borginni að margir hefðu
leitað sér lækninga vegna kuls sem
fólk hefði jafnvel fengið meðan það
var að bíða eftir strætisvagni í
kuldanum.
Mesta frostið mældist í bænum
Darrtown í Ohio eða 40 stig og í
International Falls í Minnessota.
Robert Casey, ríkisstjóri
Pennsylvaníu, lýsti í gær yfir
neyðarástandi í borginni Harris-
burg og var öllum skólum og opin-
berum skrifstofum lokað. I Pitts-
burg mældist 30 stiga frost og
hefur það ekki orðið meira frá því
mælingar hófust árið 1885.
Bandaríska strandgæslan sagð-
ist hafa orðið að aðstoða 75 skip,
mörg þeirra hlaðin hitunarolíu,
sem voru að sigla í gegnum ísi
lagða höfnina í New York.
Rokið óvenjulegt
Jón H. Björnsson, ræðismaður
íslands í Minneapolis í Minnessota
sagði við Morgunblaðið í gær að
sem íbúi í Minnessota yrði maður
fljótt vanur miklum kuldum enda
að jafnaði mun kaldara í miðríkjun-
um á veturna en á austurströnd-
inni. „Það þýðir ekki að láta þetta
á sig fá. Maður verður að láta lífið
ganga sinn vanagang." Hann sagði
ríkisstjórann hafa látið loka öllum
skólum undanfarna daga og væri
það ágætt með það í huga hversu
hvasst væri. Rokið, sem væri raun-
ar óvenjulegt á þessum slóðum,
'væri það versta við veðrið þessa
dagana og gerði kul mun algeng-
ara en ella.
Eiginkona hans Marta tók undir
þetta. „Þetta er óvenjulega slæmt
veður. Líklega það versta í 10-15
ár en við höfum búið hér í um fjóra
áratugi," sagði hún.
GeymsluQöld
Plettac geymslutjöldin leysa geymsluvandann. Þaö er mjög fljótlegt
aö reisa þau og þau eru ódýrari lausn á geymsluvandamálinu en þú
heldur. Sýnlngartjald á staönum.
Fallar hf.
VINNUPALLAR - STIGAR - VÉLAR - VERKFÆRI
VESTURVÖR 6, KÓPAV0GI, SÍMI 641020
Stuðningurinn
við Clinton vex
Washington. Rcuter.
VINSÆLDIR Bills Clintons eru
nú meiri en nokkru sinni áður
á því ári sem liðið er frá því
hann tók við embætti forseta
Bandaríkjanna, ef marka má
nýja könnun NBC og Wall Stre-
et Journal.
60% aðspurðra sögðust ánægð
með störf forsetans almennt. 53%
voru einnig ánægð með frammi-
stöðu hans í utanríkismálum, átta
prósentustigum fleiri en fyrir ferð
hans til Evrópu á dögunum.
I annarri könnun, sem New
York Times og CBS birtu, sögðust
54% aðspurðra vera ánægð með
störf Clintons. Ronald Reagan
naut 49% fylgis ári eftir að hann
tók við embættinu og Jimmy Cart-
er 51%, samkvæmt New York
Times.
Janet Reno, dómsmálaráðherra
Bandaríkjanna, fól í gær Robert
Fiske,
fyrrver-
andi al-
ríkissak-
sóknara,
að annast
óháða
rannsókn
á því
hvort
Clinton
hefði
gerst
sekur um
lögbrot í
tengslum
við lóða-
viðskipti hans þegar hann var
ríkisstjóri Arkansas. Fiske, sem
er frá New York, kvaðst búast við
því að Clinton og eiginkona hans,
Hillary, þyrftu að sverja eið þegar
hann yfirheyrði þau.
Arafat og
Peres hitt-
ast í Osló
YASSER Arafat, leiðtogi Frels-
issamtaka Palestínu (PLO) og
Shimon Peres, utanríkisráð-
herra ísrael, ætla að hittast á
fundi í Osló á laugardag en þar
verða þeir til að vera viðstaddir
útför Johans Jörgens Holsts,
utanríkisráðherra Noregs.
Skýrði utanríkisráðherra
Egyptalands frá þessu eftir að
löngum fundi Arafats og Hosni
Mubaraks lauk í Kaíró. Sagði
utanríkisráðherrann að á fund-
inum í Osló yrði reynt að koma
viðræðunum um brotthvarf
ísraela frá Gazasvæðinu og
Jeríkó á skrið á ný.
Herða að fjöl-
miðlum
BRESK nefnd sem fjallar um
siðferði fjölmiðla útnefndi í gær
sérstakan umboðsmann til þess
að fylgjast með þvi að fjölmiðl-
ar virði friðhelgi einkalífsins.
Voru honum fengin völd til
þess að taka á málum af því
tagi. Getur hann m.a. lagt til
við útgefendur að þeir reki rit-
stjóra og blaðamenn sem gerst
hafi brotlegir við siðareglur.
Fitusnauður
matur lækkar
kólesteról
ÍTALSKIR læknar hafa sýnt
fram á það með tilraunum að
mataræði á Miðjarðarhafsvísu,
þ.e. fitusnauður matur sem
byggir að miklu leyti á ávöxtum
og grænmeti, verður til þess
að lækka magn kólesteróls í
blóði. Skýrt er frá þessu í tíma-
riti bresku læknasamtakanna.
Þrengt að
öfgamönnum
ÞÝSKA lögreglan gerði áhlaup
á heimili um 50 liðsmanna sam-
taka hægri öfgamanna (JF) í
norður- og austurhluta lands-
ins. Grunur leikur á að um sé
að ræða samtök nýnasista og
var tilgangur húsleitarinnar að
kanna hvort það ætti við rök
að styðjast. Fjöldi nýnasista-
samtaka hefur verið bannaður
í Þýskalandi til að koma í veg
fýrir að þeir geti skipulagt
landssamtök.
Skipstjóri
ávíttur
ALEXANDROS Gelis skipstjóri
tankskipsins Braer sem strand-
aði og brotnaði við Hjaltland
fyrir ári var harðlega ávíttur
er niðurstöður sjóprófa voru
birtar í gær. Var hann sagður
hafa gerst sekur um alvarlega
vanrækslu og trassaskap sem
varð þess valdandi að skipið rak
stjórnlaust upp í kletta.
Samið við
Kínverja
LLOYD Bentsen ijármálaráð-
herra Bandaríkjanna undirrit-
aðiT gær samkomulag við kín-
versk stjórnvöld sem ætlað er
að binda enda á útflutning á
vörum sem framleiddar eru í
fangabúðum í Kína. Meðal ann-
ars fá fulltrúar bandarísku toll-
gæslunnar leyfi til að heim-
sækja og skoða fimm kínversk-
ar fangabúðir, þar sem talið er
að vörur séu framleiddar til
útflutnings, þegar þurfa þykir.
Bill Clinton forseti ákvað í fyrra
að úrbætur í mannréttindamál-
um í Kína væri forsenda þess
að þeir fengju bestu viðskipta-
kjör við Bandaríkin á miðju
þessu ári.