Morgunblaðið - 25.03.2000, Blaðsíða 10
10 D LAUGARDAGUR 25. MARS 2000
MORGUNBLAÐIÐ
Sannar
sögur úr
fermingar-
fræðslunni
HÉR á eftir koma skondin
svör úr fermingarfræósluprófi
sem fermingarbörn taka að
vori þegar fræðslunni lýkur.
Spurning: Hvað er messa?
Svar: Messa er það þegar
klukkurnar hringja, kórinn
syngur sálma, presturinn les
bænir og les úr helgi-
spjöllunum.
Spurning: Nefndu þrjár
helstu hátíðir kristinna
manna
Svar: Jólahátíð, vorhátíð
og verslunarmannahelgar-
hátíð.
Spurning: Nefndu dæmi um
guðspjöll.
Svar: Lúkasarguðspjall, Jó-
hannesarguðspjall, Matthías-
arguðspjalll og svona mörg
önnur guðspjöli.
Að lokum segir sagan að
presturinn hafi spurt ferming-
arbarnið hvort það vildi leit-
ast við að gera Jesú Krist að
leiðtoga lífs síns. Fermingar-
barnið, sem var indælis
drengur og hafði staðið sig
vel í fermingarfræðslunni,
virtist eitthvað hika við
þessa spurningu en sagði
svo: Ókei!
Blóm í hárið
í anda
hippatímans
EKKERT er nýtt undir sólinni
og það sama má segja um
duttlunga tískunnar. Útlit í
anda hippatímans virðist vera
að ryðja sér til rúms um þessar
mundir og kæruleysið og róm-
antíkin sem fólst í blómunum í
hárinu hefur litið dagsins Ijós
að nýju. í mörgum verslunum
bæjarins fást nú stórar blóma-
spennur sem setja má í hárið, í
Ijósum og bleikum litum.
Litir þessara blóma henta stúlkum, segir Binni.
Einfaldar blómaskreytingar
á veisluboröinu
Blóm þarf aó
velja í samræmi
við dúka og kerti
„ÞAÐ sem þarf að hafa í huga
þegar velja á blóm í ferminguna er
hvort fermingarbarnið er strákur
eða stelpa,“ segir Binni hjá Blóma-
búðinni blómaverkstæði Binna
þegar hann er spurður álits á því
hvernig blómaskreytingar eigi að
velja í ferminguna. „Fólk þarf að
velja blóm í samræmi við liti á sér-
víettum, dúkum á borði og kertum.
Ef um stelpu er að ræða verða
ljósari litir yfirleitt fyrir valinu, til
dæmis bleikur, hvítur eða ljóslill-
aður, en ef um stráka er að ræða
eru yfirleitt valdir jarðlitir á borð
við appelsínugulan, bláan og hvít-
an.“
Blómaskreytingarnar á meðfylgj-
andi myndum gerði Binni í tilefni
af útgáfu Fermingarblaðsins og
eins og sjá má brá hann á það ráð
að setja kertin í sjálfa skreyting-
una.
Hann segir algengt að skreyt-
ingar á borð við þær sem hér eru
sýndar séu notaðar á kaffihlað-
borðið eða matarhlaðborðið og
segir hann að slíkt geti lyft borð-
Kertin komin í blómaskreytinguna.
inu aðeins upp ef svo má að orði
komast. „Ef blómaskreyting er
sett á borðið þarf ekkert endilega
meira skraut, því maturinn, kök-
Binni hjá Blómaverkstæöi Binna.
Morgunblaöiö/Golli
urnar og önnur veisluföng sem eru
á borðinu gera mikið fyrir það,“
segir hann og heldur áfram: „
Persónulega finnst mér að það eigi
ekki að yfirhlaða veisluborðið með
alls konar dóti og drasli, því tert-
ur, kökur og annað slíkt puntar
upp á borðið.“
tmm í m
Stuttir og síöir blúndukjólar
og blúnduskyrtur
Laugavegi 54 - Sími 552 5201
Fersk blóm sem kökuskreyting
NOKKUR fersk blóm á kökubakka eru frumlegt tilbrigði
við hefðbundnar blómaskreytingar. Snjallt er að nota
blóm í sama lit og servíettur, dúkur, kerti eða annað sem
áberandi er á veisluborðinu. Litatónar mega aftur á móti
vera fjölbreyttir.
Blóm halda ferskleika sínum ekki mjög lengi, svo best
er að geyma þau í vatni á svölum stað þar til skömmu áð-
ur en klipið er af stilkum þeirra og þau notuð til skrauts.
Gera má ráð fyrir að þau haldist falleg í 3-5 klukkutíma
án þess að fá vatn. Að sumarlagi er tilvalið að nota blóm
úr eigin garði í skreytingar af þessum toga, en fyrir ferm-
ingarveislur er ljóst að kaupa þarf blóm í blómabúð.
Fljótandi blóm i skálum
Einnig er mjög fallegt að klípa blóm, til dæmis rósir
eða nellikur, af stönglum sínum, og láta í vatn í glerskál-
um. Þannig lifa rósimar dögum saman, fljóta á vatninu
og springa fallega út. Þeir frumlegustu geta sett matarlit
út í vatnið og þá draga nellikurnar litinn í sig. Séu notað-
ar rósir er hagkvæmast að kaupa litlar ódýrar rósir í
bunktum og fallegt er að hafa nokkrar litlar skálar með
blómum hér og þar í húsinu, til dæmis við inngang, á baði
og á nokkrum stöðum í stofunni.