Morgunblaðið - 25.03.2000, Blaðsíða 13

MORGUNBLAÐIÐ
LAUGARDAGUR 25. MARS 2000 D 13
Ef maður trúir á Guð
er þetta sjálfsagt
Morgunblaðið/Kristinn
Ugla Egilsdóttir og Sindri Snær Jensson fermast í Laugarneskirkju í apríl.
„Jesús Kristur lýsti því yíir með
orðum sínum, lífi sínu, dauða og
upprisu að manneskjan er óendan-
lega dýrmæt og við kennum börn-
unum það. Við biðjum þess að það
komist til skila bæði vitsmunalega
og tilfinningalega og við ræðum um
allt ofbeldi í því ljósi að hver ein-
asta manneskja sé óendanlega dýr-
mæt, bæði ofbeldismaðurinn og
þolandinn."
Kynlífsidnaðurinn kennir að til-
finningaleysi séu yfirburðir
Bjarni segir kynlífsiðnaðinn eitt
birtingarform ofbeldis og segist
hann finna sterkt fyrir því hversu
neikvæð áhrif hann hafi á tilfinn-
ingalíf unglinganna.
„Pessi aumkunnarverði iðnaður
eins og hann birtist í þjóðfélagi
okkar núna hefur alvarleg áhrif á
tilfinningalíf unglinga. Þau hafa að-
gang að þessu öllu saman og
þekkja heim klámsins. Þau verða
vör við hann á Netinu, í sjónvarp-
inu og í blöðum. Þau skilaboð sem
þeir fá er að blygðunarleysi sé
frelsi og að tilfinningaleysi séu yfir-
burðir og það er ljót blekking fyrir
fólk sem er að mótast og læra á líf-
ið. Það er mjög alvarlegt að þjóðfé-
lag okkar skuli umbera þetta og
menn skuli ganga fram og voga sér
að segja að þetta sé bara tímanna
tákn og spurning um frelsi, þegar
þetta bitnar á þeim sem síst skyldi,
börnunum okkar. Kynlífsiðnaður-
inn gefur unglingum þau skilaboð
að kynlíf án ástar og ábyrgðar sé
eftirsóknarvert. Við viljum hins
vegar reyna að kenna þeim að þar
sem ást, virðing og trúnaður ríkir,
þar sé kynlíf eftirsóknarvert og
gott.“
Bjarni segir mikilvægt að ungl-
ingarnir læri og tileinki sér gildi
kristinnar siðfræði, en leggur
áherslu á að ekki sé hægt að koma
kristnum sið til skila í formi boða
og banna heldur verði það að ger-
ast með persónulegum tengslum.
„Það vantar ekki reglur og kristin
siðaboð. Reglur ofan frá hafa ekk-
ert að segja. I hjarta unglingsins
býr einlæg þrá eftir sannleika og
fegurð og ef við viljum koma raun-
verulegum siðaboðskap til skila
verðum við að hitta unglinginn fyr-
ir þar sem hann spyr spurninganna
af heiðarleika. Ef við hittum ungl-
inginn þar sem hann er staddur, er
hægt að koma boðskapnum til
skila.“
Hver manneskja er dýrmæt
fyrir það að vera manneskja
Bjarni segir þær breytingar sem
hafa átt sér stað í þjóðfélaginu að
undanförnu vissulega hafa haft
áhrif á almenn gildi. „Við erum orð-
in svo óskaplega markaðsvædd.
Allt er markaður og það er mikil
þörf á því að benda unglingunum á
að það eru til hlutir í þessum heimi
sem ekki er hægt að verðleggja í
peningum. Þessu þarf að halda á
lofti og heiðarleg sál unglingsins
skynjar þetta eins og skot. Við
bendum á að eini mælikvarðinn
sem er endanlegur er Jesús Krist-
ur. Persóna hans er sá mælikvarði
sem varpar ljósi á allt líf og þess
vegna er svo mikilvægt að börnin
kynnist honum. Ég segi þeim að
þau megi gleyma öllu úr fermingar-
fræðslunni, þau mega þess vegna
gleyma faðirvorinu og trúarjátning-
unni, ef þau týna ekki samfélaginu
við Jesú Krist, því ef maður á það
kemur allt sem trúnni fylgir af
sjálfu sér.“
Bjarni telur unglinga í dag upp
til hópa frjálsa og upplitsdjarfa.
Þeir séu kjarkmiklir, kunni að tala
opinskátt, fái mikla hvatningu og
hafi það virkilega gott. Þó sé um
leið eins og unglingarnir skynji
eitthvert tóm og segir hann það
kunna að stafa af því að sú vitund
að hver einasta manneskja hafi
gildi og sé dýrmæt fyrir það eitt að
vera manneskja, sé að tapast úr
þjóðfélaginu.
„Það er eins og þau finni að þau
geti ekki treyst því að heimurinn
muni meti þau skilyrðislaust. Það
er ekki hluti af vitund unglingsins
að hann sé dýrmætur fyrir það eitt
að vera manneskja. Hann horfir
fram, það blasa við tækifæri, en
honum finnst að hann verði ekki
metinn nema að hann sanni sig. Sú
vitund að maður sé verðmætur,
vegna þess að maður er, en ekki
vegna þess sem maður afrekar, er
að glatast úr samfélaginu.“
Fermingarbarnið finni að það
hafi upplifað hið heilaga
Bjarni segir að flestir prestar
beri líklega þá von í brjósti að eftir
fermingarundirbúninginn og ferm-
inguna finni fermingarbamið að
það hafi fengið að upplifa hið hei-
laga.
„A þeirri stundu sem barnið
stendur á kirkjutröppunum með
prestinum á fermingardaginn og
hópmyndin er tekin, vonar maður,
annars vegar að það sé sól og gott
veður, og hins vegar og miklu held-
ur að hin eilífa sól, Jesús Kristur
sjálfur, hafi risið upp í hjarta ungl-
ingsins sem leiðtogi og bróðir. Því
eigi þau hann eiga þau bjarta fram-
tíðarsýn og raunverulegt öryggi
hjartans."
UGLA Egilsdóttir og Sindri Snær
Jensson fermast í apríl í Laugar-
neskirkju og segjast bæði hlakka
mikið til. Þau hafa setið tíma í
fermingarfræðslu einu sinni í viku
í allan vetur og fannst hún alveg
stórskemmtileg.
„Við lærum ýmislegt um Guð og
líka um lífið,“ segir Ugla. „Já, við
erum lítið að læra sálma utan að
og svoleiðis," segir Sindri Snær.
„Svo gerðum við alls konar
verkefni, til dæmis verkefni með
fötluðum," segir Ugla „og eldri
borgurum," segir Sindri Snær.
„Við tókum viðtöl við eldri borgara
og þeir sögðu okkur frá því hvern-
ig fermingin þeirra var og hvernig
allt var hjá þeim þegar þau voru
unglingar. Ein konan sem ég talaði
við vann til dæmis í vegavinnu til
að eiga peninga fyrir fermingunni
sinni.“
Fljót að fletta
upp í Biblíunni
Sindri Snær og Ugla segja að
það hafi verið tekið upp á mörgu
mjög skemmtilegu í fermingar-
fræðslunni. Þau segja að ferðalag í
Vatnaskóg hafi verið eitt af því
allra skemmtilegasta.
„Fermingarfræðslutímarnir eru
líka mjög skemmtilegir," segir
Ugla, , já, þetta er alls ekkert leið-
inlegt,“ segir Sindri Snær. „Við
förum oft í alls konar leiki, til
dæmis fórum við einu sinni í
keppni um hver væri fljótastur að
fletta upp í Biblíunni og sá sem
vann fékk Sprite,“ segir Ugla. „Þá
sagði Bjarni til dæmis: Matthías,
fimmti kafli, eitthvert vers og þá
flýttu sér allir að fletta og reyndu
að verða fyrstir að lesa,“ segir
Sindri Snær.
Harmonikkuball var það
allra skemmtilegasta
Ugla og Sindri Snær segja að
það skemmtilegasta af öllu í vetur
hafí þó verið harmonikkuball sem
haldið var í Hátúni.
„Það var haldið harmonikkuball
fyrir gamla fólkið og fatlaða fólkið
sem við höfðum unnið verkefni
með og fyrir okkur fermingarbörn-
in og fjölskyldur okkar. Það var al-
veg rosalega gaman,“ segir Ugla.
„Fatlaða fólkið er með leikhóp
og sýndi alveg frábært leikrit og
svo var dansað og sýnd skemmti-
atriði," segir Sindri Snær.
Þau segjast bæði hlakka mjög til
fermingardagsins og alls þess
skemmtilega sem honum fylgi. Þau
hlakka mikið til veislunnar og að
fá pakkana en taka fram að þau
viti að fermingin sjálf sé aðalatrið-
ið. Þau segjast einnig vita vel að
þetta sé stór ákvörðun, en segja að
ef maður trúi á Guð sé lítið mál að
taka hana, þá sé þetta eiginlega
bara sjálfsagt.