Árbók Hins íslenzka fornleifafélags - 01.01.1961, Side 166

170
ÁRBÓK FORNLEIFAFÉLAGSINS
allur var borinn af norskum aðiljum. Með sýningunni kom rektor
frú Helen Engelstad og setti hún upp sýninguna. Við opnun sýning-
arinnar voru forsetahjónin, en ávörp fluttu menntamálaráðherra
dr. Gylfi Þ. Gíslason, frú Helen Engelstad og þjóðminjavörður. Sýn-
ingunni var vel tekið, aðsókn var góð og skólaheimsóknir margar.
Einn sýningardaginn bauð safnið til fyrirlestrar, sem frú Engel-
stad flutti í Háskólanum. Talaði hún um norskan myndvefnað og
sýndi skuggamyndir.
Enn er þess að geta, að hinn 12. marz var opnuð sýning á smá-
munum, sem þýzkir listiðnaðarmenn hafa gert úr ýmsum íslenzk-
um steintegundum. Var það Birgir Thorlacius ráðuneytisstjóri, sem
beitti sér fyrir þessari sýningu og átti sjálfur flesta hlutina. Voru
þeir sýndir í tveimur sýnipúltum inni í Fiskesafni, og stóð sýning-
in nokkrar vikur og dró að sér mikinn fjölda gesta.
Þá efndi safnið til jólasýningar á úrvalsgrip í anddyri safnsins,
og varð fyrir valinu altaristafla frá Ögri, enda hafði þá nýlega
verið við hana gert mjög rækilega, eins og þegar er nefnt í skýrslu
þessari. Var taflan lýst sérstaklega og að öllu leyti hagrætt sem bezt
mátti verða til sýningar.
Á undanförnum árum hefur oft verið um það rætt milli þjóð-
minjavarðar og skólayfirvalda bæjarins, að nauðsyn bæri til að
skipuleggja heimsóknir skólafólks í safnið og myndi sú skipulagn-
ing verða báðum aðiljum til mikils hagræðis. Það er þó ekki fyrr en á
þessu ári, að hafizt var handa í þessu, efni. Varð það að ráði, að
frumkvæði fræðsluskrifstofu Reykjavíkurbæjar, að Hjörleifur Sig-
urðsson listmálari var ráðinn til að gerast leiðsögumaður fyrir nem-
endur gagnfræðaskólanna. Var síðan ákveðið í samráði við þjóð-
minjavörð, hvenær nemendurnir skyldukoma og hvernig leiðsögumað-
urinn hagaði móttökum. Alls komu í nóvember og desember 12 bekkir
nemenda úr Hagaskóla, Gagnfræðaskóla Vesturbæjar og Miðbæjar-
skóla, eða alls 346 nemendur. Virðist tilraun þessi hafa gefizt vel,
og er að vænta framhalds hennar á næsta ári. Skipulegar skóla-
heimsóknir, sem gerðar eru með tiltekið mark fyrir augum, eru
vissulega eins æskilegar og óskipulagðar og stefnulausar bekkjar-
komur eru varhugaverðar bæði frá safnlegu og uppeldislegu sjón-
armiði.
Safnauki. I aðfangabók voru færðar alls 76 færslur um nýfengna
safngripi, en oft eru fleiri en einn hlutur í hverri færslu. Meðal þess
helzta má telja: Víravirk'ssilfurbelti, er átt hefur síðast Margrét