Árbók Hins íslenzka fornleifafélags - 01.01.1968, Side 38

42
ÁRBÓK FORNLEIFAFÉLAGSINS
Fjórir askar í Byggðasafni Húnvetninga og Strandamanna á Reykjum, allir eftir
Stefán Jónsson á Mallandi.
vafalaust fangamark Ragnhildar konu Stefáns. Kistillinn er nú í
eigu Margrétar Stefánsdóttur á Sauðárkróki, afkomanda þeirra
hjóna.
Elzti askurinn, sem mér er kunnugt um eftir Stefán Jónsson, er
frá árinu 1856, er Stefán var á 24. ári, en hinir yngstu frá 1868,
sama árinu og hann lézt. Ekki er að sjá neinn stílmun á yngstu og
elztu öskunum, og virðist Stefán þegar vera orðinn fullæfður tré-
skeri 23 ára.
Sr. Jón Skagan, sem ættaður er frá Þangskála á Skaga, man eftir
að hafa í ungdæmi sínu heyrt gamalt fólk minnast á Stefán. Eftir
því sem það sagði var hann fátækur greindarmaður, sérstaklega
listrænn og hugkvæmur á því sviði. Smíðisgripir hans benda og til
hins sama. Útskurðurinn á öskunum er mjög blæbrigðaríkur, ná-