Dagblaðið Vísir - DV - 23.01.1989, Blaðsíða 12

12
MÁNUDAGUR 23. JANÚAR 1989.
Utlönd
George Bush, forseti Bandarikjanna, og kona hans, Barbara, með ferðamönnum í Hvíta húsinu á laugardaginn.
Símamynd Reuter
Dýrðlegir das[ar
í Glasgow
Helgarverð 18.670
Mkr.
* Verð rhiðast við einstakling í tveggja manna herbergi á Hospitality Inn.
Staðgreiðsluverð.
Allar nánari upplýsingar færðu á söluskrifstofum
Flugleiða, hjá umboðsmönnum og ferðaskrifstofum.
FLUGLEIÐIR
Söluskrifstofur Flugleiða: Lækjargötu 2, Hótel Esju
og Kringlunni. Upplýsingar og farpantanir í síma 25 100.
<
<
Buðu almenningi
í Hvíta húsið
Steinunn Böðvaxsdóttir, DV, Washington;
Fimm daga hátíðahöldum í tilefni
vígslu Georges Bush í embætti for-
seta Bandaríkjanna lauk í höfuð-
borginni í gær. Hátíðahöldin hófust
á miðvikudag og lauk í gærmorgun
þegar forsetahjónin tóku þátt í þæna-
hátíð í Washington.
Hápunktur hátíðahaldanna var að
sjálfsögðu innsetningarathöfnin sjálf
á fóstudag. George Bush, 41. forseti
Bandaríkjanna, og Dan Quayle, 44.
varaforsetinn, voru svarnir inn í við-
urvist helstu ráðamanna þjóðarinn-
ar og hátt í tvö hundruð þúsund gesta
söfnuðust saman hvaðanæva að fyrir
framan þinghúsið.
Að lokinni athöfninni fluttu for-
setahjónin sig um set til að fylgjast
með skrúðgöngu sem farin var frá
þinghúsinu að Hvita húsinu. Al-
menningi til mikillar ánægju létu
forsetahjónin kalt veður og vaxandi
vind ekkert á sig fá og gengu hluta
leiðarinnar. Lífverðir forsetans voru
ekki jafnánægðir og hinir þijú
hundruð þúsund gestir sem fylgdust
með.
Eins og vera ber þræddu forseta-
hjónin og varaforsetahjónin allar
veislur og dansleiki sem haldnir voru
á fostudagskvöld í tilefni hátíðarinn-
ar. Forsetinn hélt örstutta ræðu á
hverjum stað og í lok kvöldsins var
rödd hans farin að gefa sig. Skyldi
engan undra, forsetahjónin komu við
á ellefu dansleikjum.
Á laugardagsmorgun opnuðu for-
setahjónin dymar að Hvíta húsinu
fyrir almenning. Síðasti forseti sem
gerði slíkt var William Taft fyrir átta-
Forsetahjónin komu við á ellefu
dansleikjum á föstudagskvöldið.
Simamynd Reuter
tíu árum. Forsetar Bandaríkjanna
hafa verið tregir til að hleypa al-
menningi inn í Hvíta húsið síðan
Andrew Jackson gerði það árið 1829.
í það skiptið ruddist æstur og jafn-
framt drukkinn mannfjöldinn inn í
híbýli forsetans, braut aUt og braml-
aði og skildi við Hvíta húsið í rúst.
Bandaríkjamenn eru betur siðaðir
nú á dögum því allt gekk snuröu-
laust þegar Bushhjónin tóku á móti
gestum og gangandi um helgina.
Nú þegar hátíðahöldin eru yflr-
staðin tekur alvaran við bæði hjá
forsetahjónunum og varaforseta-
hjónunum.
Jákvæð viðbrögð
Steinunn Böðvarsdóttir, DV, Washington;
Á fyrsta blaðamannafundi sínum
sem forseti Bandaríkjanna, sem
haldinn var á laugardag, lét Bush
aftur í ljós þá von sína að bandarísku
gíslarnir níu í haldi mannræningja í
Líbanon yrðu látnir lausir hið fyrsta.
í ræðu er forsetinn hélt á föstudag,
þegar hann tók formlega við forseta-
embættinu, hvatti hann til að gíslun-
um yrði sleppt og gaf til kynna vilja
ríkisstjómar sinnar til að vinna að
bættari samskiptum við þjóðir sem
stuðlað geta að lausn þeirra.
Flestir stjómmálaskýrendur telja
að ummæli forsetans hafi verið ætl-
uö yfirvöldum í íran. En forsetinn
kvaðst á laugardag ekki geta sagt til
um hvaða ein þjóð bæri ábyrgð á að
gíslunum væri haldið fongnum.
Bush lagði á þaö áherslu á fundinum
að ekki yrði um samningaviðræður
né lausnargjald að ræða fyrir frelsun
gíslanna.
í ræðunni á föstudag og á blaða-
mannafundinum á laugardag gaf
Bush tóninn fyrir ríkisstjórn sína.
Forsetinn hefur ekki útlistað ná-
kvæmlega hver stefna stjómar hans
verður í innan- og utanríkismálum
og reeða hans á föstudag bætti þar
lítið um. Ljóst er þó að um einhverj-
ar breytingar frá stefnu Reagan-
stjómarinnar verður að ræða. Bush
sagði að nýir vindar léku nú um þjóð-
ina. Hann hét því að vinna að nánari
samvinnu við löggjafarþingið til að
leysa þau vandamál sem framtíðin
ber í skauti sér og að halda áfram
hinu nána samstarfi við Sovétríkin
sem áunnist hefur.
Fyrstu viðbrögð þingmanna beggja
flokka viö ræðu forsetans voru já-
kvæð. Þeir kváðust ánægðir með tón
ræðunnar og vongóðir um náið sam-
starf í framtíðinni. Forsetinn mun
ræða við leiðtoga þingmanna á
þriðjudag og þá líklega kynna þeim
fjárlagatillögur sínar og stefnuna í
utanríkismálum.
Þrátt fyrir yfirlýsingar allra aðila
um samvinnu búast fæstir við að
Bush muni sigla lygnan sjó þegar
Ljóst þykir að stefna Bush Banda-
ríkjaforseta verður að einhverju frá-
brugðin stefnu Reagans sem hér
yfirgefur Washington ásamt Nancy
og hundinum Rex.
Símamynd Reuter
kemur að samstarfi við þingmenn.
Demókratar halda meirihluta í báð-
um deildum þingsins og hafa margir
þingmenn lýst yfir andstöðu sinni
við yfirlýsta stefnu forsetans um að
hækka ekki skatta til að rétta við
fjárlaga- og viðskiptahalla þjóðarinn-
ar. Leiðtogi demókrata í öldunga-
deildinni, George Mitchell, mun út-
lista helstu stefnumál demókrata á
miðvikudag og ræða við ráðherra
Bushstjómarinnar. Prófsteinninn á
samstarf forsetans og þingsins verð-
ur þó ekki fyrr en Bush hefur lagt
línumar í fjárlaga- og utanríkismál-
um. Forsetinn mun halda sinn fyrsta
ríkisstjómarfund í dag og má búast
við að hann kynni stefnu stjómar
sinnar fljótlega.