Morgunblaðið - 06.10.2004, Blaðsíða 44
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 6. OKTÓBER 2004 VERÐ Í LAUSASÖLU 220 KR. MEÐ VSK.
LAUFBLÖÐIN tínast af trjánum í fyrstu haustlægðunum þessa dagana og
fjúka í tonnatali um borg og bí. Hundurinn Loki Laufeyjarson, sjö ára að
aldri, var í sinni heilsubótargöngu um Njarðargötuna, ásamt eigandanum
Benný Brynjarsdóttur. Þótt vindar blésu fannst Loka greinilega gaman að
leika sér í laufbeðinu og samkvæmt veðurspánni fyrir Reykjavík ætti hann
að geta haldið þeim leik áfram í dag. Að minnsta kosti á að lægja og því lítil
hætta á að vindurinn feyki hinum lauflétta Loka til.
Morgunblaðið/Golli
Loki í laufblöðunum
SAMKVÆMT frumvarpi til fjáraukalaga, sem
Geir H. Haarde fjármálaráðherra lagði fram á Al-
þingi í gær, er gert ráð fyrir að tekjuafgangur á
ríkissjóði aukist um 1,1 milljarð króna á þessu ári
og fari úr 6,7 milljörðum samkvæmt fjárlögum
fyrir 2004 í 7,8 milljarða króna í endurskoðaðri
áætlun. Lagt er til í frumvarpinu að útgjaldaheim-
ildir verði hækkaðar um 6,3 milljarða kr. frá fjár-
lögum ársins.
Handbært fé frá rekstri ríkissjóðs á yfirstand-
andi ári eykst um 4,1 milljarð skv. endurskoðaðri
áætlun og er nú gert ráð fyrir að lánsfjárafgangur
á árinu verði 17 milljarðar eða um þremur millj-
örðum kr. meiri en fjárlög gerðu ráð fyrir. Verður
þessum aukna lánsfjárafgangi m.a. ráðstafað til að
greiða niður skuldir. Alls er lagt til að fjárheimild
félagsmálaráðuneytisins verði aukin um rúma tvo
milljarða króna, einkum vegna tæplega eins millj-
arðs kr. aukinna útgjalda atvinnuleysistrygginga
og 300 milljóna útgjalda Ábyrgðasjóðs launa.
Útgjöld heilbrigðisráðuneytisins aukast um
rúma tvo milljarða króna, m.a. með 675 milljóna
framlagi til reksturs Landspítalans.
Geir H. Haarde segir að niðurstaða fjárauka-
laga geti verið vel viðunandi, sér í lagi tekjuauk-
inn. Viðbótarútgjöld séu á bilinu 2–3% af áætlaðri
útkomu fjárlaganna og hafi oft verið hærri. Alltaf
megi þó gera betur í þeim efnum. Útgjöldin séu
mörg hver ófyrirséð og vegna breyttra aðstæðna.
Geir segir það skipta miklu máli að tekjuaf-
gangur ríkissjóðs aukist, haldið verði áfram að
bæta stöðu ríkissjóðs með niðurgreiðslu skulda og
safna innistæðum í Seðlabankanum.
Tekjuafgangur í fjáraukalagafrumvarpi áætlaður 7,8 milljarðar króna
Auknar tekjur á árinu
styrkja stöðu ríkissjóðs
Vel viðunandi
niðurstaða, segir
fjármálaráðherra
Sótt um heimild/28
TILVÍSANIR á
þjónustu sjúkra-
þjálfara hafa aukist
að undanförnu langt
umfram áætlanir
heilbrigðisyfirvalda.
Útgjöld sjúkra-
trygginga vegna
þjálfunar stefna í að
verða tæplega 1,4
milljarðar kr. á
næsta ári skv. fjár-
lagafrumvarpinu.
Áætlað er að á yf-
irstandandi ári verði
útgjöldin 1.300 millj-
ónir eða umtalsvert
hærri en gert var
ráð fyrir í fjárlögum ársins. Er því
sótt um 100 milljóna kr. hækkun á
framlagi vegna sjúkraþjálfunar í
frumvarpi til fjáraukalaga. Kostn-
aður sjúkratrygginga vegna þessa
málaflokks nam rúmum 1.100
milljónum í fyrra.
Sæunn Stefánsdóttir, aðstoð-
armaður heilbrigðisráðherra, segir
að eftirspurn eftir sjúkraþjálfun
hafi orðið meiri en
ráð var fyrir gert og
skýringar á þessari
aukningu liggi ekki
fyrir. Rætt hefur
verið innan ráðu-
neytisins hvernig
bregðast eigi við því
hvað þessi þáttur
heilbrigðisþjónust-
unnar er orðinn stór
og er talið nauðsyn-
legt að fara yfir
hvort þessir fjár-
munir séu nýttir á
nægilega skilvirkan
hátt, skv. upplýs-
ingum Sæunnar.
„Við höfum hug á því að marka
skýrari stefnu í endurhæfing-
armálum. Við höfum ákveðið að
ráða verkefnisstjóra á sviði end-
urhæfingar, sem á að fara yfir
stefnumörkun í þessum mála-
flokki og hvaða þjónustu stofn-
anir og sjálfstæðir sjúkraþjálf-
arar eiga að inna af hendi,“ segir
hún.
Útgjöldin talin auk-
ast í 1,4 milljarða
Aukning tilvísana á sjúkraþjálfun
LÍFEYRISSJÓÐIRNIR eru of
margir og áhættudreifing þeirra oft
óskynsamleg vegna tengingar við
ákveðnar starfsstéttir. Þetta kom
fram í máli Sigurjóns Þ. Árnasonar,
bankastjóra Landsbankans, á fundi
Lífeyrissjóðs verkfræðinga í gær.
Fundurinn var haldinn í tilefni hálfrar
aldar afmælis sjóðsins.
Sigurjón sagði íslenska lífeyris-
sjóðakerfið í meginatriðum mjög gott,
einkum samanborið við það sem ger-
ist í öðrum löndum. Hann benti á
ákveðna veikleika sem felast í því að
tengja sjóðina starfsstéttum. Skyn-
samlegra væri að hafa meiri dreifingu
á atvinnu sjóðsfélaga. Benti hann á
þann möguleika að ákveðinn hluti líf-
eyrissjóðakerfisins verði sameigin-
legur. Þá væru um 50 lífeyrissjóðir í
landinu, þar af 40 virkir, og eðlilegt
væri að stuðla að sameiningu sjóða.
Pétur H. Blöndal alþingismaður
var einnig frummælandi á fundinum.
Hann sagði aldurstengdan lífeyri
vera tímasprengju hjá lífeyrissjóðun-
um. Pétur benti á þann vanda sem
fólginn er í því að verðtrygging líf-
eyris hefur fylgt verðlagi en ekki
launum. Eins sagði hann vanta meira
lýðræði í sjóðina. Lífeyrissjóður verk-
fræðinga er þar undanskilinn því
hann er annar tveggja sjóða þar sem
sjóðsfélagar geta kosið sér stjórn.
Pétur benti á að fjöldi fólks gerði
sér enga grein fyrir eign sinni í lífeyr-
issjóði, en hún geti verið meiri en sú
eign sem bundin er í húsnæði og bíl.
Fækka þarf
lífeyrissjóðum
og dreifa áhættu
Skylduaðild veldur/29
SAMNINGAFUNDIR kennara og
sveitarfélaga halda áfram hjá rík-
issáttasemjara í dag, sjöunda dag-
inn í röð. Fundahöld stóðu yfir í um
átta tíma í gær og lauk á sjöunda
tímanum í gærkvöldi. Talsmenn
deiluaðila vildu ekki tjá sig að fundi
loknum, að öðru leyti en því að gær-
dagurinn hafi farið í að skiptast á
hugmyndum um launakerfi kenn-
ara. Ásmundur Stefánsson rík-
issáttasemjari segir að þótt skipst
hafi verið á hugmyndum hafi gær-
dagurinn ekki skilað neinni nið-
urstöðu í viðræðunum. Ekki sé
ástæða til neinnar bjartsýni en það
komi í ljós í dag hvort einhver
hreyfing verði á málum. Mikilvægt
sé að báðir deiluaðilar fari vand-
lega yfir stöðuna og komi með end-
urmat á henni til viðræðna í dag.
Skipst á hug-
myndum um
launakerfi
ÞÝSKI frystitogarinn Kiel NC, sem
er í eigu Deutsche Fischfang Union
GmbH, DFFU, dótturfélags Sam-
herja, kom til Akureyrar í gær-
kvöldi með um 700 tonn af frystum
flökum og er uppistaðan þorskur.
Aflaverðmæti skipsins er rúmar
300 milljónir króna, sem er eitt-
hvert mesta aflaverðmæti, sem
komið hefur verið með að landi hér-
lendis úr einni veiðiferð.
Kiel var á veiðum í Barentshafi
og á Svalbarðasvæðinu og tók
veiðiferðin tvo mánuði. Þetta er
jafnframt mesta aflaverðmæti sem
Kiel hefur komið með að landi en
afli skipsins upp úr sjó er um 2.000
tonn.
Aflaverðmætið
rúmar 300
milljónir
TILLÖGU F-listans í borgarstjórn,
að fella tímabundið niður fargjöld
barna og unglinga, eldri borgara
og öryrkja, var vísað til borgarráðs
í gær. Þórólfur
Árnason borg-
arstjóri sagði
þetta athygl-
isvert mál sem
yrði skoðað
samhliða upp-
töku nýs leiða-
kerfis Strætó
bs. „Það ber að
taka þessari til-
lögu með jákvæðu hugarfari,“
sagði Þórólfur og fyrirhuguð væri
markaðssókn í tengslum við inn-
leiðingu nýs leiðakerfis og smart-
kortavæðingu Strætó bs.
Margrét Sverrisdóttir, varaborg-
arfulltrúi F-listans, mælti fyrir til-
lögunni. Í máli hennar kom fram að
fella ætti niður fargjöld þessara
hópa í sex mánuði og kostnaði yrði
þá mætt með auknu framlagi sveit-
arfélaganna til Strætó bs. Áætlaður
kostnaður væri fimm milljónir
króna vegna niðurfellingar barna-
fargjalda, um 25 milljónir vegna
aldraðra og öryrkja og 80 milljónir
króna vegna fargjalda unglinga að
18 ára aldri. „Heildarkostnaður er
þannig um 110 milljónir vegna nið-
urfellingar fargjaldanna í sex mán-
uði auk einhvers fjármagns í áróð-
ursherferð fyrir aukinni notkun
almenningsvagna,“ sagði Margrét.
Þórólfur sagði hugmyndir uppi
um að lækka eða fella jafnvel niður
fargjöld framhaldsskólanema á
ákveðnum tíma dagsins.
Borgarráð ræði
niðurfellingu
strætófargjalda