Morgunblaðið - 01.04.2008, Blaðsíða 16

Egilsstaðir | Um fjögur hundruð íbú-
ar á Fljótsdalshéraði hafa ritað nöfn
sín á undirskriftalista þar sem skorað
er á bæjaryfirvöld að hverfa frá fyrir-
hugaðri skipulagningu verslunar- og
þjónustulóða í landi Egilsstaðabúsins.
Bæjarstjórn ætlar að breyta aðal-
skipulagi sveitarfélagsins á þann hátt
að tíu hektarar lands á Egilsstaðanesi,
norðaustan þéttbýlisins á Egils-
stöðum, verði skipulagðir undir versl-
un og þjónustu. Svæðið er nú skil-
greint sem landbúnaðarland.
Minnihluti í bæjarstjórn Fljótsdals-
héraðs gagnrýnir þessi áform harka-
lega og segir þau geta orðið upphafið á
því að Egilsstaðabændur bregði búi.
Árangurslausar samningaviðræður
hafa staðið yfir milli landeiganda og
fulltrúa bæjarstjórnar. Hefur Gunnar
Jónsson, bóndi á Egilsstöðum, gagn-
rýnt bæjarstjórn fyrir ásælni í jörð
hans sem sé sterkt kennimark fyrir
svæðið. Hann þurfi allt sitt jarðnæði
til búrekstursins og bendir auk þess á
eldra skipulag, þar sem því hafi verið
heitið að ræktarland býlisins yrði ekki
skert meira en orðið væri. Bæj-
arstjórn segir á móti að þéttbýlið
verði að fá að þróast og stækka eðli-
lega og Egilsstaðanesið henti þar vel.
Sveitarfélagið á ekki stórar lóðir fyrir
einstaka umsækjendur innan fyr-
irhugaðs nýs miðbæjar á Egils-
stöðum, sem nú er í byggingu. Stað-
fest er að Toyota á Íslandi hafi sótt
um tveggja ha lóð á Egilsstaðanesinu
og fleiri stór fyrirtæki sýna svæðinu
áhuga.
Egilsstaðabúið hefur samfleytt í
119 ár verið í eigu sömu ættarinnar.
Land undir þéttbýlið var tekið eign-
arnámi úr jörðinni árið 1947 og hún
þá klofin í tvennt og landið undir Eg-
ilsstaðaflugvelli var einnig tekið úr
jörðinni. Fleiri atriði en ásælni í Eg-
ilsstaðanesið eiga eftir að þrengja að
Egilsstaðabændum innan ekki langs
tíma, svo sem tilfærsla þjóðvegar 1 og
nýtt hringtorg vegna nýs miðbæjar
Egilsstaða, tilfærsla á brúarstæði
Lagarfljótsbrúar og áform um leng-
ingu Egilsstaðaflugvallar.
Ljósmynd/Skarphéðinn G. Þórisson
Vítt Þéttbýlið á Egilsstöðum, Egilsstaðabúið t.v. og Lagarfljótsbrú og Egilsstaðaflugvöllur ofarlega t.v. Egilsstaðanesið t.h. frá flugstöðinni.
Ásælast Egilsstaðanesið
Morgunblaðið/Steinunn Ásmundsdóttir
Hagsmunir Vigdís Sveinbjörnsdóttir og Gunnar Jónsson, bændur á Egils-
staðabúinu, á fundi um málefni Egilsstaðaflugvallar fyrir skemmstu.
Í HNOTSKURN
»Bæjarstjórn Fljótsdalshéraðshefur í hyggju að skipuleggja
land í eigu Egilsstaðabænda sem
þjónustu- og verslunarsvæði.
»Minnihluti bæjarstjórnarleggst gegn þeim áformum
sem og landeigandinn á Egils-
staðabýlinu sem segist þurfa á
öllu sínu landi að halda.
16 ÞRIÐJUDAGUR 1. APRÍL 2008 MORGUNBLAÐIÐ
AUSTURLAND
Grindavík | Bygging fjölnota
íþróttahúss í Grindavík er aftur
komin á skrið eftir tafir vegna veð-
urs í vetur. Verið er að loka þaki
hússins.
Grindavíkurhöllin átti að vera
tilbúin til notkunar nú um áramót.
„Þótt við viljum ráða miklu getum
við ekki ráðið við þetta,“ sagði
Ólafur Örn Ólafsson, bæjarstjóri
Grindavíkurbæjar. Hann sagði að
veturinn hefði verið óvenjulega erf-
iður, mikið rok og rigning. Ekki
hefði verið hægt að vinna við að
einangra og klæða þak íþróttahúss-
ins fyrr en nú. Vegna þess að ekki
var hægt að loka þakinu hefur ýmis
frágangur innanhúss dregist og
ekki verið hægt að leggja gervi-
grasið.
Framkvæmdir eru nú komnar
aftur af stað. „Við bíðum í ofvæni
eftir að fá þetta í hús í notkun,“
sagði Ólafur Örn. Leigðir hafa ver-
ið tímar í Reykjaneshöllinni fyrir
knattspyrnuæfingar. Gervigras-
völlur verður í húsinu ásamt
hlaupa- og göngubrautum. Húsið
mun því nýtast vel fyrir knatt-
spyrnuna en einnig fleiri greinar
og eldri borgarar munu fá þar að-
stöðu. Þá mun svigrúm annarra
íþróttagreina aukast í eldra
íþróttahúsinu þegar knatt-
spyrnuæfingar flytjast þaðan.
Grindavíkurhöllin er um 3500
fermetrar að stærð, 50 sinnum 70
metrar. Kostnaður við bygginguna
var áætlaður liðlega 200 milljónir
kr. Höllin er á íþróttasvæði Grind-
víkinga, austan stúkunnar við
íþróttavöllinn.
Morgunblaðið/Helgi Bjarnason
Lokað Þak knattspyrnuhúss Grindvíkinga er einangrað og dúkur lagður
yfir. Framkvæmdir eru hafnar eftir erfiðan vetur.
Bygging knatt-
húss aftur á skrið
Eftir Helga Bjarnason
helgi@mbl.is
Reykjanesbær | „Við erum að reyna
að skapa hér samfélag sem er gott
fyrir alla og áherslan er á börn frá
fæðingu til átján
ára aldurs,“ segir
Gylfi Jón Gylfa-
son, yfirsálfræð-
ingur hjá
Fræðsluskrif-
stofu Reykjanes-
bæjar. Hann
heldur fræðsluer-
indi fyrir foreldra
unglinga á aldrin-
um fjórtán til
átján ára. Fræðslan er forsenda þess
að foreldrarnir fái hvatagreiðslur
Reykjanesbæjar vegna æskulýðs-
starfs barnanna.
Reykjanesbær hefur tekið upp
hvatagreiðslur til barna og ung-
menna á aldrinum sex til átján ára.
Renna þær til niðurgreiðslu á við-
urkenndu menningar-, íþrótta- eða
tómstundastarfi. Greiddar eru 7000
krónur með hverju barni á ári og
geta foreldrarnir ráðstafað styrkn-
um á vef bæjarins, mittreykjanes.is.
Þau geta ráðstafað greiðslunum til
kostnaðar vegna íþróttaæfinga, tón-
listarskóla og sumarnámskeiða, svo
eitthvað sé nefnt. Koma þessar
greiðslur til viðbótar öðrum framlög-
um Reykjanesbæjar til íþrótta-,
tómstunda- og menningarmála.
Greiðslur fyrir elsta hópinn, 14 til
18 ára, eru skilyrtar því að foreldr-
arnir sæki fyrst fræðslufund um það
helsta sem sem hafa ber í huga við
uppeldi ungmenna. Fyrsti fundurinn
var í gærkvöldi, sá næsti verður 7.
apríl og síðan verða fleiri fundir
haust.
Samningar við börnin
Gylfi Jón Gylfason annast
fræðsluna en hann nefnir erindi sitt:
„Er unglingaveiki á þínu heimili?“
Hann segir mikilvægt að seinka því
að börn hefji neyslu áfengis því með
því sé verið að seinka allri annarri
áhættuhegðun. Það sé gott að gera
með því að veita foreldrunum
fræðslu og stuðning.
Hann segir að rannsóknir sýni að
áfengisneysla unglinga í tíunda bekk
grunnskóla hafi minnkað á síðustu
áratugum, bæði í Reykjanesbæ og
annars staðar. Fyrsta árið eftir
grunnskóla sé hins vegar erfitt að
þessu leyti og svo virðist sem for-
eldrarnir sleppi hendinni meira af
börnunum þá. Því megi búast við að
foreldrarnir séu frjálslyndari gagn-
vart áfengi en börnin sjálf. Við þessu
megi bregðast með fræðslu.
Gylfi Jón leggur það til á nám-
skeiðunum að foreldrarnir geri skrif-
lega samninga við unglingana um
áfengismál, til dæmis um að greiða
fyrir bílprófið ef unglingarnir byrji
ekki að drekka fyrir sautján ára ald-
ur. Hann segir að margir foreldrar í
Reykjanesbæ hafi raunar gert slíkt
samkomulag við börnin sín og sumir
meira að segja sett það skilyrði að ef
börnin byrji að drekka fyrir átján
ára aldur þurfi þau að endurgreiða
bílprófskostnaðinn.
Gylfi Jón tekur fram að á flestum
heimilum í Reykjanesbæ séu hlut-
irnir í góðu lagi. Þeir foreldrar fái
líka sína umbun. Markmiðið með
fræðslunni sé að stækka þennan hóp.
Setja fræðslu sem
skilyrði hvatagreiðslna
Ljósmynd/Dagný Gísladóttir
Hvati Byrjað er að greiða hvatagreiðslur vegna tómstundastarfs.
Lagt til að gerður
verði samningur
við unglingana
Gylfi Jón Gylfason
SUÐURNES
Egilsstaðir | Alþjóðlega kvik-
mynda- og myndbandsverkahá-
tíðin 700IS Hreindýraland hófst
formlega í menningarmiðstöðinni
Sláturhúsinu á Egilsstöðum á
laugardagskvöld. Hátíðin, sem
standa mun í rúma viku, fer fram
víða um Fljótsdalshérað og á
fleiri stöðum á Austurlandi og
verða sýndar um eitt hundrað list-
rænar stuttmyndir frá öllum
heimshornum en einnig mun nám-
skeiðahald og aðrir listviðburðir
fara fram á hátíðinni.
Kristín Scheving, fram-
kvæmdastjóri og upphafsmaður
hátíðarinnar, upplýsti á opnuninni
hverjir hlytu verðlaun fyrir besta
framlagið til hátíðarinnar. Max
Hattler fékk verðlaun fyrir besta
verk 700IS en hann er vídeó-
listamaður og hefur unnið til
margra verðlauna fyrir verk sín.
Þórður Grímsson var útnefndur
fyrir besta íslenska verk hátíð-
arinnar. Hann stundar nám við
Listaháskóla Íslands og hefur frá
árinu 2006 sýnt verk sín op-
inberlega einn og með fleirum.
Á laugardagskvöldið var verkið
Hanaegg eftir Ólöfu Nordal lista-
konu sýnt í samstarfi við Ásgerði
Júníusdóttur óperusöngkonu og
Þuríði Jónsdóttur tónskáld.
700IS í
fullum gangi
700IS Kristín Scheving, Max
Hattler og Þórður Grímsson.