Morgunblaðið - 01.04.2008, Blaðsíða 18

|þriðjudagur|1. 4. 2008| mbl.is
daglegtlíf
Eftir Jóhönnu Ingvarsdóttur
join@mbl.is
É
g er alsæll. Ég hafði óskað mér
Kitchen Aid-hrærivélar í afmæl-
isgjöf frá frúnni og varð að ósk
minni,“ segir Bjarni Ólafur Guð-
mundsson, sölumaður og sér-
legur áhugamaður um bakstur og matseld.
Bjarni fékk óskagjöfina í 45 ára afmælisgjöf
hinn 10. febrúar síðastliðinn og getur nú stund-
að áhugamálið af kappi.
Vinum og fjölskyldumeðlimum Bjarna var
vissulega skemmt yfir þessari framtakssemi
eiginkonunnar, sem í fyrstu fannst fráleitt að
verða við þessari ósk bónda síns enda vissi hús-
móðirin, Guðrún Mary, að hrærivélargjöfin
kæmi svolítið hallærislega út fyrir hana. Hún
lét þó tilleiðast þegar hún uppgötvaði að hús-
bóndanum var full alvara.
Nýtir frystikistuna í dýrtíðinni
„Það er rétt að ég nota hrærivélina mun
meira en hún enda finnst mér miklu skemmti-
legra að baka en henni. Bakstur er ekkert flók-
inn í eðli sínu þótt hann gæti verið það í huga
margra karlmanna. Ég hef aldrei sótt nein
námskeið, en einn bróðir minn, hann Halldór
Ingi, sem starfar líka sem sölumaður, er sann-
kallaður snillingur og er minn lærimeistari í
bakstrinum. Við höfum báðir mjög gaman af
því að leika okkur í eldhúsinu, en Halldór Ingi
er þó kominn mun lengra í fræðunum en ég.
Hann býr til alls konar hollustubrauð í löngum
bunum og miðlar mér af þekkingu sinni. Svo
sankar maður auðvitað að sér „tipsum“ héðan
og þaðan enda fer ég ekkert endilega eftir upp-
skriftum. Ég bæði sleppi úr og bæti í og slumpa
bara eftir efnum og ástæðum. Og nú í allri dýr-
tíðinni stefni ég auðvitað að því að baka brauð
fyrir frystikistuna til að eiga góðan brauðlager
þegar hungrið sverfur að,“ segir Bjarni og
hlær, en hann er uppalinn í Vestmannaeyjum
þar sem enginn hefur vanist því að koma að
tómum kaffiborðum.
Skúffukaka og kanelbrauð
Bjarni, sem nú starfar sem auglýsinga-
sölumaður á 24 stundum, hefur verið útvarps-
maður á Bylgjunni nánast frá upphafi vega auk
þess sem hann tók að sér það merka embætti
fyrir tveimur árum að vera sérlegur kynnir á
Þjóðhátíð Vestmannaeyja í stað Árna Johnsen.
Bjarni segist á tímabili hafa bakað um hverja
einustu helgi, en hafi slegið slöku við að und-
anförnu. „Nú er Kitchen Aid-vélin hins vegar
mikill hvati enda hef ég ekki átt svona flotta
bakstursgræju áður. Ég notaðist við svokall-
aðar matvinnsluvélar áður og náði að eyði-
leggja fyrstu matvinnsluvélina mína á fjórum
mánuðum. Fóðringarnar hreinlega brunnu upp
enda eru þessar vélar ekki gerðar fyrir hnoð
alla daga,“ útskýrir Bjarni, sem bakaði vinsæla
kanelbrauðið sitt fyrir Daglegt líf. „Ef börnin
mín fá að ráða er ég beðinn um að baka kan-
elbrauð. Þetta er bara hvítt brauðdeig, sem
maður rúllar upp með kanelsykri auk þess sem
hægt er að skera það niður í snúða. Þetta klikk-
ar aldrei. Svo hef ég verið að prófa mig svolítið
áfram á ítölsku línunni og set þá fetaost, sól-
þurrkaða tómata og hvítlauk í brauðin. Svo
hendi ég gjarnan í skúffuköku, sem klikkar
heldur aldrei á kaffiborðinu.“
Fékk hrærivél í gjöf frá frúnni
Morgunblaðið/Ómar
Fjölskyldan Bjarni Ólafur Guðmundsson ásamt konunni sinni, Guðrúnu Mary Ólafsdóttur, dótturinni Melkorku Mary og syninum Hákoni Tristan.
Kanelbrauð
½ lítri vatn
1 kg hveiti
2 tsk salt
6 tsk sykur
2-3 tsk þurrger
4-5 msk olía
kanilsykur eftir smekk
Hálfur lítri af köldu vatni settur í
skál og hitaður örlítið í örbylgjuofn-
inum, þar til vatnið er orðið volgt.
Um það bil þriðjungur af hveitinu
settur út í vatnið og hrært saman í
hrærivélinni.
Þá er salti, sykri og geri hrært út í
og loks er afganginum af hveitinu
bætt út í og hrært saman við þar til
deigið er orðið passlega þykkt. Olíu-
nni bætt að síðustu út í og hnoðað.
Gott er að klára að hnoða í hönd-
unum með smáhveiti. Deiginu skipt í
tvennt og hvor helmingur flattur út í
kringlótt form á stærð við 15 tommu
pítsuform. Þykktin er tæpur senti-
metri, en um að gera er að láta til-
finninguna ráða svolítið ferðinni.
Kanelsykrinum dreift yfir og deig-
inu er svo rúllað upp. Deigið sett á
plötu, sem smurð hefur verið með
smáolíu, og sett inn í ofn við 50°C í
a.m.k. 40 mínútur. Eldföst skál með
vel heitu vatni, 60-80°C, sett í botn-
inn á ofninum til að ná upp nægum
raka fyrir brauðið til að hefa sig. Að
þessu búnu er brauðið tekið út og
ofninn stilltur á 210°C. Brauðið
penslað á meðan með vel heitu vatn-
inu úr ofninum. Kanelsykri stráð of-
an á og bakað í 18-22 mín eða þar til
útlitið er orðið fallega brauðlegt.
Brauðið tekið út úr ofninum og sett
á grind í 15-30 mínútur svo lofti vel
um það og rakinn komist út.
Gott er að bera brauðið fram með
smjöri.
Morgunblaðið/Ómar
Kanelbrauðið Pabbi er alltaf beðinn um að baka
kanelbrauð ef börnin fá að ráða.
AÐ vera í megrun er eins og báts-
ferð; þú stefnir á ákveðinn áfanga-
stað (markmið í megruninni) en til
þess að komast þangað þarf elds-
neyti (mataræði og hreyfingu) og
þú lendir loks á paradísareyju
(kominn í bikiníið). Hver smávægi-
legur leki í bátnum getur hins veg-
ar sökkt honum líkt og hver mistök
í megruninni. Þessa skemmtilega
samlíkingu má finna á vefmiðli
MSNBC og einföld ráð gefin. Tíu
gloppur í megruninni eru taldar
upp sem gott er að vita af til að
forðast en þær eru eftirfarandi:
1. Að kaupa svangur inn í matinn
er ekki heillavænlegt.
2. Langir vinnudagar og yfirvinna
valda streitu og kalla á skyndi-
bita og minni hreyfingu.
3. Ekki verðlauna þig eftir líkams-
þjálfun með góðum skammti af
mishollum mat.
4. Það veit ekki á gott að telja
aldrei hitaeiningarnar sem
maður innbyrðir. Bara það að
hafa það „skjalfest“ hvað mað-
ur er búinn að borða er gagn-
legt fyrir heilsuátakið.
5. Tölvupóstur til samstarfs-
manna brennir ekki mörgum
hitaeiningum og því skyn-
samlegra að standa upp og bók-
staflega ganga erinda sinna.
6. Æfingar geta orðið of mikil rút-
ína svo maður fer að brenna
minna.
7. Þægileg föt geta orðið of þægi-
leg, gallabuxur leiða mann hins
vegar í sannleikann um holda-
farið.
8. Ekki gera of mikið af því að
smakka matinn til þegar þú eld-
ar.
9. Ekki er gott fyrir fólk í megrun
að hafa eldhúsið fullt hús mat-
ar.
10. Fáðu fleiri með þér í megr-
unarátakið, félagslegur stuðn-
ingur gerir það að verkum að
þú léttist um 6% meira en ella.
AP
Líkamsrækt Að ýmsu er að hyggja þegar megrun stendur yfir. Til dæmis
geta æfingar orðið of mikil rútína svo að maður brennir minna en í fyrstu.
Tíu ráð gegn
gloppum í megruninni