Morgunblaðið - 01.04.2008, Blaðsíða 26
26 ÞRIÐJUDAGUR 1. APRÍL 2008 MORGUNBLAÐIÐ
MINNINGAR
✝ Anna GuðrúnAntonsdóttir
fæddist á Siglufirði
17. júlí 1935. Hún
lést af slysförum 19.
mars síðastliðinn.
Foreldrar hennar
voru Guðrún Ok-
tovía Sæmunds-
dóttir f. 7. október
1900, d. 5. febrúar
1982 og Björn Ant-
on Kjartansson, f. 8.
september 1904, d.
30. ágúst 1935. Syst-
ir Önnu er Gunn-
laug Sæunn, f, 18. janúar 1932.
Anna giftist Ásgrími H. Aðal-
steinssyni, þau skildu. Börn
þeirra eru: 1) Guðrún Bjarnheið-
ur, f. 10. 10. 1956, maki Guðjón
Gunnar Þórðarson, þau eiga tvær
dætur og eitt barnabarn. 2) Að-
alsteinn Sigurður, f. 20.11. 1959,
maki Herborg Berndsen, þau eiga
tvær dætur og tvo
syni. Barnabörn
þeirra eru 5. 3) Óm-
ar Anton, f. 30.4.
1962, maki Valborg
Erna Ingólfsdóttir,
þau eiga tvo syni,
fyrir á Ómar tvær
dætur. Þau eiga tvö
barnabörn.
Anna bjó síðar í
nokkur ár með
Árna Bjarnasyni,
fyrrum sjómanni, d.
2005.
Anna fluttist til
Reykjavíkur fljótlega eftir andlát
föður hennar ásamt móður sinni
og systur,og bjó þar nær alla tíð,
að undanskildu u.þ.b. einu ári, en
þá bjó hún í Hveragerði, og síð-
ustu æviár bjó hún í Hafnarfirði.
Útför Önnu verður gerð frá
Fríkirkjunni í Hafnarfirði í dag
og hefst athöfnin klukkan 13.
Í Spámanninum segir:
„Og hvað er það að hætta að draga andann
annað en að frelsa hann frá friðlausum
öldum lífsins, svo að hann geti risið upp í
mætti sínum og ófjötraður leitað á fund
guðs síns?“
Elsku, elsku mamma mín.
Nú hafa öldur lífs þíns lægt og þú
komin þangað sem þú varst svo viss
um að biði þín svo miklu, miklu
betra.
Ég vil þakka þér fyrir allt, sem þú
gafst og kenndir mér. Hvað væri ég
án þíns veganestis?
Kærleikur þinn og hlýja munu allt
mitt líf búa innra með mér.
Góður Guð geymi þig og blessi.
Þín dóttir,
Guðrún.
Elsku amma.
Loksins fékkstu æðstu ósk þína
uppfyllta, að yfirgefa þennan heim.
Þú trúðir því að þá færum við á betri
stað þar sem sálin héldi áfram að
,,lifa.“ Stað þar sem þér líður mun
betur á en þér hefur liðið síðustu ár-
in. Einkennilegt hvernig lífið getur
farið með suma eins og það fór með
þig, bæði á líkama og sál. Ævi þín
var ekki auðveld. Kannski var það
ekkert skrítið að þú varst reið og
bitur út í lífið. Ég hef alltaf sagt að
maður skapi sína eigin hamingju
sjálfur, ekki það að ég fari alltaf eftir
því, en stundum þarf maður aðstoð
við að skapa hamingjuna.
Ég vildi óska að ég hefði getað
fært þér meiri gleði og hamingju, ég
var sjálfsagt ekki nógu dugleg við að
reyna það. Ég var farin að minnka
heimsóknir mínar til þín einfaldlega
vegna þess að mér fannst oft og tíð-
um erfitt að vera í kringum þig. Mér
fannst þú svo breytt og minning mín
um þig var þessi yndislega amma
sem ég hélt mikið upp á og sóttist
eftir að vera með, breyttist allt í einu
í leiða, bitra, ,,gamla“ konu. Ég
saknaði þín eins og þú varst og átti
erfitt með að sætta mig við hvernig
þú varst orðin. En það er engin af-
sökun fyrir því að sinna ekki ástvini
sínum. Ég vildi óska að ég hefði sýnt
líðan þinni betri skilning í stað þess
að vera svekkt yfir því að þú varst
ekki lengur sama amma. Það er sárt
að vera vitur eftir á.
Í minningunni var ég mikið hjá
þér og minnist ég þess að við spjöll-
uðum mikið saman. Ég man eftir
okkur í Írabakkanum, sérstaklega
eftir slánni í hurðaropinu þar sem
hægt var að hífa sig upp. Ég fékk að
standa á stól til þess að prófa og
fannst það æðislegt. Flestar minn-
ingar mínar tengjast Öldugötunni.
Þangað kom ég oft, enda mjög hrifin
af þessu gamla húsi með sögu fjöl-
skyldunnar, sem var svo seinna tek-
ið frá þér.
Hjá ömmu var alltaf til ís og hægt
að fara upp á loft til Palla í prins og
kók. Það brást varla að þú sast við
borðstofuborðið með gömlu, lúnu
spilin þín að leggja kapal. Þegar ég
varð unglingur krafðist ég þess oft
að fá að koma með þér í vinnuna og
hjálpa þér að skúra, þú varst svo
glöð að fá aðstoð. Einnig minnist ég
ferða okkar á Hressó þar sem við
fengum okkur köku og drykk, þér
fannst svo gaman að fara á kaffihús.
Við deildum áhuga okkar á andleg-
um málefnum og gátum við setið
tímunum saman að spjalla um það
og oft fékk ég þig til að spá fyrir mér
í bolla, langur maður, lukkustóð og
barn.
Ég gleymi seint jólunum 2005
þegar ég og Lísa systir gáfum þér
Trítil. Gleðin sem skein í augum þín-
um var óborganleg, hann veitti þér
svo mikla hamingju.Upp á síðkastið
varstu búin að vera mun glaðari en
oft áður og voru síðustu jól frábær.
Mér þótti svo vænt um það þegar
mamma sagði mér að þú hefðir verið
að tala um hvað Brynja Vigdís 4
mánaða dóttir mín væri falleg. Þú
ætlaðir að eyða páskunum með okk-
ur uppi í bústað en það varð ekkert
úr því frekar en hádegismatnum
okkar, sviðunum.
Elsku amma mín, vonandi líður
þér vel nú og finnur gleðina í hjarta
þínu, við hittumst síðar. Ég elska
þig.
Þitt barnabarn,
Karen Björk Guðjónsdóttir.
Elsku amma mín.
Í dag kveð ég þig og það er svo
margt sem berst í huga mér. Mér
finnst svo skrýtið að hugsa til þess
að þú sért farin. Það eru ótal minn-
ingar sem ég á um þig sem ég mun
alltaf varðveita. Þegar ég hugsa til
baka þá man ég hvað mér þótti alltaf
svo gaman að koma til þín. Alltaf
knúsaðiru og kysstirðu mann í bak
og fyrir og spurðir hvað væri að
frétta. Þér fannst svo spennandi að
vita hvað væri að gerast hjá manni
og hafðir brennandi áhuga á því sem
fólkið þitt tók sér fyrir hendur.
Við sátum oft og spjölluðum lengi
vel um allt milli himins og jarðar, því
þannig varstu, elsku amma mín, það
var hægt að spjalla um allt við þig.
Og ekki má gleyma að þú passaðir
vel upp á að enginn færi með tóman
maga úr þínum húsum, og er mér
það minnistætt þegar ég stundaði
nám við Iðnskólann að í hádegis-
hléum var best að koma til þín og fá
gott að borða.
Það er svo stutt síðan ég hitti þig
síðast og ég man að ég sagði þér að í
páskafríinu lofaði ég að koma að
heimsækja þig, ég man að þú varst
svo glöð og sagðir mér að þú hlakk-
aðir til að fá mig í kaffi og spjall. Því
miður komst ég ekki til þín, amma
mín, en ég veit það í hjarta mér að
þú ert hjá mér og munt alltaf vera
hjá mér. Þú verður einn af falleg-
ustu englunum á himnum sem munt
vaka yfir okkur og fylgja okkur út í
lífið. Takk fyrir allt sem þú hefur
gefið mér, elsku amma mín. Hvíl í
friði.
Þín
Svanhildur.
Ég man eftir því hvað mér fannst
alltaf gott að kúra í hálsakotinu hjá
ömmu þegar ég var lítil og vorum við
frændsystkinin dugleg að heim-
sækja hana á Öldugötuna og fá að
gista hjá henni. Það er eitt skipti
sem er mér ofarlega í minni. Það var
16. júní og ég hef verið svona 8 ára,
ég og Aníta frænka fengum að gista
hjá ömmu. Um kvöldið þegar við átt-
um að fara að sofa gátum við ekki
sofið fyrir hávaða og tónlist neðan úr
bæ, endaði það með því að við feng-
um að kúra uppi í hjá ömmu.
Í seinni tíð var alltaf gaman að
kíkja á ömmu í kaffi það var hægt að
spjalla við hana um allt milli himins
og jarðar. Því miður fékk ég ekki
tækifæri til að kveðja ömmu þar sem
hún kvaddi þennan heim með hraði.
En ég veit að hún er komin á góðan
stað og fullt af fólki sem tekur á móti
henni þar. Elsku amma mín, takk
fyrir allt sem þú kenndir mér þú
munt alltaf eiga stóran stað í hjarta
mínu. Blessuð sé minning þín.
Þú, Guð, sem stýrir stjarnaher
og stjórnar veröldinni,
í straumi lífsins stýr þú mér
með sterkri hendi þinni.
(Valdimar Briem.)
Hvíldu í friði, elsku amma.
Þín
Elínborg Elísabet.
Kæra Anna G. Antons.
Við systurnar frá Siglufirði viljum
þakka þér hjartanlega fyrir öll góð
kynni sem við áttum við þig og börn-
in þín frá þeim tíma þegar við bjugg-
um hjá ykkur í Samtúni 4 í Reykja-
vík.
Það var á árunum 1965-1966 sem
við bjuggum hjá ykkur og vorum að
stíga fyrstu sporin til sjálfstæðis úr
foreldrahúsum. Þá reyndist þú okk-
ur ávallt vel og myndaðist vinátta
sem haldist hefur til þessa dags.
Oft var glatt á hjalla hjá okkur í
Samtúninu og við eigum margar
góðar minningar frá þessum tíma.
Far þú í friði, friður Guðs þig
blessi. Hafðu þökk fyrir allt og allt.
Börnum Önnu G. Antonsdóttur og
fjölskyldum þeirra færum við okkar
innilegustu samúðarkveðjur.
Guð blessi ykkur öll.
Guðrún Hanna Halldórsdóttir.
Halldóra Halldórsdóttir.
Anna Guðrún
Antonsdóttir ✝ Þórður Þórð-arson fæddist á
Akranesi 5. októ-
ber 1933. Hann lést
á Sjúkrahúsinu á
Akranesi 19. mars
síðastliðinn. For-
eldrar hans voru
Þórður Sigurðsson,
skipstjóri á Akra-
nesi, f. 30. janúar
1901, d. 30. apríl
1965, og Anna
Ingvarsdóttir, f. 1.
mars 1910, d. 28.
des. 1971. Þórði
Sigurðssyni og Önnu Ingv-
arsdóttur fæddust eftirtalin
börn: 1) Jónína, f. 4. október
1932, d. 11. janúar 1933, 2)
Þórður, f. 5. október 1933, d. 19.
mars 2008, 3) Jónína, f. 12. jan-
úar 1935, d. 11, október 2006, 4)
Rafn, f. 2. apríl 1936, d. 19. júní
1936, 5) Rafn, f. 3. ágúst 1938, d.
21. ágúst 2006, 6) Guðrún, f. 7.
apríl 1943, d. 21. október 1977,
og 7) Ingvar, f. 20. október
1946.
Hinn 9. maí 1959 kvæntist
Þórður Höllu Þorsteinsdóttur, f.
7. maí 1936. Foreldrar hennar
voru Þorsteinn Ólafsson, f. 24.
júní 1896, d. 13. apríl 1967, og
Gíslný Jóhannsdóttir, f. 3. júlí
1911, d. 14. jan. 1993. Dætur
Þórðar og Höllu eru: 1) Anna,
viðskiptafræðingur og löggiltur
endurskoðandi, f. 21. sept. 1960,
gift Kristjáni Sveinssyni sagn-
fræðingi, f. 21. apríl 1960. Börn
þeirra eru María, háskólanemi,
f. 22. febr. 1984, og Eyvindur,
háskólanemi, f. 28. maí 1986. 2)
Gíslný Bára þroskaþjálfi, f. 25.
nóv. 1961, gift Halldóri Júl-
íussyni trésmið, f. 9. febr. 1957.
Sonur Gíslnýjar Báru og Einars
Ólafssonar tölvunarfræðings, f.
23. nóv. 1960, er Bergur, jarð-
eðlisfræðingur, f. 15. júní 1981,
kvæntur Gyðu Þórhallsdóttur
ferðamálafræðingi, f. 23. mars
1981. Börn Halldórs eru: Hauk-
ur, f. 31. jan. 1985, Halldóra, f.
25. maí 1986, og
Sigurbjörg Erna,
menntaskólanemi,
f. 10. okt. 1989.
Hún ólst upp á
heimili Halldórs og
Gíslnýjar Báru frá
unga aldri. 3) Þóra,
stærðfræðikennari,
f. 24. júlí 1964, gift
Helga Helgasyni
rafiðnfræðingi, f.
19. ágúst 1962.
Börn þeirra: a)
Áróra, há-
skólanemi, f. 20.
nóv. 1987, og Birkir, grunn-
skólanemi, f. 8. júlí 1993. Sonur
Þóru og Þrastar Reynissonar,
matreiðslumanns, f. 6. okt. 1960,
er Þórður, f. 4. maí 1981, mat-
reiðslumaður. Sambýliskona
Þórðar er Áróra Rós Ingadóttir
framreiðslumaður, f. 27. maí
1982. Börn þeirra eru Tristan, f.
16. des. 2003, og Thelma Rós, f.
26. sept. 2006.
4) Rósa, snyrtifræðingur, f.
24. nóv. 1966, gift Sigurði
Haukssyni, rafvirkja, f. 4. des.
1961. Börn þeirra: a) Rósa,
snyrtifræðinemi, f. 11. apríl
1988, b) Hallur, grunnskóla-
nemi, f. 14. nóv. 1993. Sonur
Sigurðar er Haukur, f. 27. nóv.
1980, búsettur í Noregi.
Þórður ólst upp í foreldra-
húsum á Akranesi. Hann hóf
ungur að stunda sjó og var tog-
arasjómaður fram til ársins
1972. Eftir það vann hann um
skeið ýmis verkamanna- og iðn-
aðarstörf á Akranesi, þar á með-
al í Sementsverksmiðjunni,
Hvalstöðinni í Hvalfirði og Tré-
smiðjunni Akri en lengstum sem
netagerðarmaður í Nótastöðinni
á Akranesi. Árið 1978 lét hann
byggja sér smábát sem hann
gerði síðan út í 17 ár og var þá
smábátasjómennskan hans að-
alstarf.
Þórður verður jarðsunginn
frá Akraneskirkju í dag og hefst
athöfnin klukkan 14.
Þig lofar, faðir, líf og önd,
þín líkn oss alla styður.
Þú réttir þína helgu hönd
af himni til vor niður.
Og föðurelska, þóknan þín,
Í þínum syni til vor skín,
Þitt frelsi, náð og friður.
(Sigurbjörn Einarsson.)
Takk afi fyrir góðu stundirnar
sem ég átti með þér á Akranesi. Í
skúrnum að vinna saman, heim-
sóknirnar niður á bryggju og í
sumarbústaðnum í Skorradal. Ég
var alltaf velkominn til þín og
ömmu. Ég á margar góðar minn-
ingar um það þegar við vorum
saman. Ég á alltaf eftir að sakna
þín.
Hallur Sigurðarson.
Þórður Þórðarson
✝
Ástkær móðir okkar, tengdamóðir, amma og lang-
amma,
KRISTÍN JÓNSDÓTTIR,
Ásabyggð 14,
Akureyri,
andaðist á dvalarheimilinu Hlíð 29. mars.
Jarðsett verður í kyrrþey að ósk hinnar látnu.
Okkar innilegustu þakkir til starfsfólks Hlíðar og
annarra sem auðsýndu henni hlýju og umönnun síðustu árin.
Jónína Jónsdóttir,
Marteinn Jónsson, Hólmfríður Hólmgeirsdóttir,
Hermann Jónsson, Sveinfríður Jóhannsdóttir,
Vigdís Jónsdóttir, Guðmundur Olsen,
Þorsteinn Jónsson, Lydía Helgadóttir,
Jóhann Jónsson, Heiðrún Árnadóttir,
Friðrik Jónsson, Jófríður Jóhannesdóttir,
Anna Jónsdóttir, Sigurbjörn Vilbergsson,
ömmu- og langömmubörn.
✝
Okkar ástkæri,
ALFREÐ HJALTALÍN,
Skipasundi 5,
Reykjavík,
lést á heimili sínu miðvikudaginn 19. mars.
Útförin hefur farið fram í kyrrþey.
Sigurður Hjaltalín,
Þóroddur Hjaltalín, Rósa Antonsdóttir
og aðrir aðstandendur.
✝
Elskulegur eiginmaður, faðir, tengdafaðir, sonur,
bróðir og afi,
BIRGIR VILHJÁLMSSON,
lést af slysförum laugardaginn 29. mars.
Birna Sigbjörnsdóttir,
Sesselía Birgisdóttir, Ragnar Fjalar Sævarsson,
Jónatan Logi Birgisson, Valdís Valgeirsdóttir,
Sigbjörn Þór Birgisson,
Heiðrún Brynja Birgisdóttir, Örvar Ásmundsson,
Oddrún Sigurðardóttir,
Sakarías Nói Fjalar og Ragnheiður Birna Ragnarsbörn,
bræður og aðrir vandamenn.