Morgunblaðið - 01.04.2008, Blaðsíða 17
MORGUNBLAÐIÐ ÞRIÐJUDAGUR 1. APRÍL 2008 17
LANDIÐ
milljónir kr. Innifalið í þeim áfanga
er húsið uppkomið og uppsteypt
áhorfendastæði fyrir rúmlega 200
manns auk snyrtinga. Fjármögnun
þessa áfanga er langt komin en
ekki lokið að fullu. Reiðhöllin verð-
ur tilbúin til notkunar á Landsmóti
hestamanna sem hefst í lok júní á
Gaddstaðaflötum.
Að sögn Sigurðar Sæmundssonar
á Skeiðvöllum, núverandi landsliðs-
einvalds sem situr í framkvæmda-
stjórn Landsmóts hestamanna
2008, verður allt önnur og betri að-
staða til landsmótshalds með til-
komu reiðhallarinnar, sérstaklega
kemur það sér vel ef eitthvað er að
veðri. Þar verður hægt að hafa
markaðstorg, fræðslu og sýningar
fyrir gesti, ásamt veitingaaðstöðu
o.fl. en þessi starfsemi hefur aðal-
lega farið fram í tjöldum hingað til.
„Það verður að segja að lands-
mótin eru hefðbundin að því leyti
að menn nota það sem vel reynist
en reyna að bæta annað eftir því
sem ástæða er til. Við erum sífellt í
samkeppni við heimsmeistaramótin
sem haldin eru annað hvert ár er-
lendis og því er bætt aðstaða kær-
komin. Við reiknum með 12-15 þús-
und manns, þar af 4-5 þúsund
erlendum gestum en á síðasta móti
á Hellu voru 11 þúsund manns.
Áhugi fyrir íslenska hestinum og
starfsemi í tengslum við hann vex
stöðugt erlendis, sérstaklega í
Þýskalandi og enn frekar í Svíþjóð.
Allt þetta hefur gríðarleg áhrif á
markaðssetningu íslenska hestsins
erlendis og hefur jákvæð áhrif á út-
flutningsverðmæti hans fyrir okkur.
Hinn jákvæði þátturinn er fyrir
ferðaiðnaðinn á Íslandi, þar hefur
hesturinn nokkur áhrif sem er
hægt að auka gríðarlega með
bættri markaðssetningu,“ segir Sig-
urður.
Landbúnaðarsýning í ágúst
Þess má einnig geta að landbún-
aðarsýning á vegum Búnaðarsam-
bands Suðurlands verður haldin á
Gaddstaðaflötum seinni part ágúst-
mánaðar en þá verða liðin 100 ár
frá stofnun sambandsins. Þar mun
reiðhöllin gegna lykilhlutverki.
Í síðari áföngum reiðhallarinnar
kemur rými í enda hennar sem
rúmar veitingaaðstöðu á efri hæð
og ýmsa aðstöðu fyrir tæki og
hestavörur á þeirri neðri. Einnig
munu áhorfendastæði stækka.
Ljóst er að með tilkomu reiðhall-
arinnar mun svæðið á Gaddstaða-
flötum taka forystu á landsvísu
hvað varðar aðstöðu til hesta-
mennsku og einnig verður þar kjör-
aðstaða til sýningarhalds almennt.
Eftir Óla Má Aronsson
Hella | Vinna við byggingu reiðhall-
ar á Gaddstaðaflötum við Hellu er
aðeins á eftir áætlun eins og sakir
standa. Óhagstætt veður í vetur við
jarðvegsframkvæmdir og steypu-
vinnu hefur gert þetta að verkum
að sögn Guðmundar Einarssonar,
framkvæmdastjóra Rangárhallar-
innar ehf. sem er byggingar- og
rekstraraðili hallarinnar. Reiknað
er með að verkið verði á áætlun frá
og með miðjum apríl.
Reiðhöllin verður 26 metra breið
og 79 m löng, eða rúmir 2.000 fer-
metrar. Að auki er 240 fermetra
anddyri og móttaka. Um er að
ræða stálgrindarhús sem keypt er
af Landstólpa ehf. í Gunnbjarnar-
holti í Árnessýslu og sér fyrirtækið
um uppsetningu hússins. Árni Páls-
son vélaverktaki sá um jarðvinn-
una.
Gert er ráð fyrir að fyrsti áfangi
framkvæmdarinnar kosti um 170
Reiðhöll rís fyrir mót
Morgunblaðið/Óli Már
Klæðning Reiðhöllin á Gaddstaðaflötum er risin og byrjað að klæða húsið
að utan. Fyrsti áfangi verður tekinn í notkun í júní í sumar.
Í HNOTSKURN
»Landsmót hestamanna áGaddstaðaflötum hefst í lok
júní í sumar.
»Nýja reiðhöllin verður tekin ínotkun á landsmótinu. Búist
er við 12 til 15 þúsund manns,
þar af 4 til 5 þúsund erlendum
gestum.
Hrunamannahreppur | „Hlutverk
prófastsins er að vera tengiliður
milli biskups og prófastsdæmanna
og vera einskonar verkstjóri prest-
anna á svæðinu,“ segir Eiríkur Jó-
hannsson, sóknarprestur í Hruna,
sem Karl Sigurbjörnsson, biskup Ís-
lands, setti inn í embætti prófasts
Árnesprófastsdæmis við messu við
upphaf héraðsfundar sl. laugardag.
Innsetningarathöfnin fór fram í
Hrunakirkju og síðan stjórnaði séra
Eiríkur sínum fyrsta héraðsfundi
sem fram fór á Flúðum.
Settur inn í embætti
prófasts í Árnessýslu
AÐALFUNDUR
SAMTAKA FERÐAÞJÓNUSTUNNAR
Radisson SAS Hótel Saga 3. apríl 2008
Samtök ferðaþjónustunnar,
Húsi atvinnulífsins,
Borgartúni 35,
sími 511 8000
www.saf.is
Dagskrá:
Samtök ferðaþjónustunnar SAF eru málsvari og
sameiginlegur vettvangur íslenskra fyrirtækja sem
stunda rekstur á sviði ferðaþjónustu. Aðild að SAF er
heimil öllum sem telja sig til ferðaþjónustufyrirtækja.
Kl. 9:00 - 12:00
Fundir faghópa
• Afþreyingarfyrirtæki
Umfjöllun um áhættumat, akstur og eldsneytismál.
• Bílaleigur
Vistvænn akstur, eldsneyti og aksturs- og hvíldartímareglugerðin.
• Ferðaskrifstofur
Breytt hlutverk ferðaskrifstofa, kynning á tónlistar- og ráðstefnuhúsinu.
• Flugfélög
Útstreymistilskipun ESB, nýjar vinnutímareglur.
• Gististaðir
Gistiskýrslur, horfur á markaði, nýir markaðir.
• Hópbifreiðafyrirtæki
Vistvænn akstur, eldsneyti og aksturs- og hvíldartímareglugerðin.
• Veitingastaðir
Ímynd veitingareksturs, fagnámið, „Beint frá býli“.
Kl. 13:00 - 15:15
Setning, Jón Karl Ólafsson, formaður SAF.
Ávarp, Össur Skarphéðinsson, ráðherra ferðamála.
Ímynd Íslands – hvert stefnir?
Svanhildur Konráðsdóttir, sviðsstjóri Reykjavíkurborg og formaður ferðamálaráðs.
Krónan og ferðaþjónustan
Finnur Oddsson, framkvæmdastjóri Viðskiptaráðs.
Stenst íslensk ferðaþjónusta gæðakröfur ferðamanna?
Ólöf Ýrr Atladóttir, ferðamálastjóri ásamt fulltrúa Capacent.
Afhending verðlauna Ferðamálaseturs til lokaverkefna háskólanema
Edward Huijbens, forstöðumaður Ferðamálaseturs.
Kaffi
Kl. 15.45
Almenn aðalfundarstörf.
Kl. 19.30
Kvöldverðarhóf félagsmanna.
Nánari upplýsingar eru á vef SAF www.saf.is.
Aðalfundur Samtaka ferðaþjónustunnar er opinn fulltrúum frá aðildarfélögum SAF.
Morgunblaðið/Sigurður Sigmundsson
Eftir Birki Fanndal Haraldsson
Mývatnssveit | Orkugangan 2008
fór fram á Mývatni á laugardaginn
við mjög erfiðar aðstæður, í stífri
austanátt með skafrenningi og
fimm gráða frosti.
Gengnir voru þrír hringir á
Syðri-Flóa, 20 km hver eða samtals
60 kílómetrar. Vegna skafrennings
varð brautartroðari að fara rétt á
undan göngumönnunum og voru
tveir troðarar á ferð í brautinni
mestallan tímann.
Áætlun mótshaldara hafði verið
sú að ganga frá Kröflu um Þeista-
reyki og Gjástykki og aftur í Kröflu
en vegna óveðurs á fjöllum varð
ekki við það ráðið en gripið til vara-
áætlunar og gengið á Mývatni sem
fyrr segir.
Að lokinni göngu var farið í Jarð-
böðin og síðan á Hótel Reynihlíð
þar sem úrslit voru kynnt. Sig-
urvegarar í göngunni urðu þeir
Guðmundur B. Guðmundsson og
Stefán Snær Kristinsson, báðir frá
Akureyri, tími þeirra var sex
klukkustundir og níu mínútur.
Orkugangan er samstarfsverk-
efni Björgunarsveitarinnar Stef-
áns, Íþróttafélagsins Mývetnings og
Landsvirkjunar. Henni er ætlað að
stuðla að heilbrigðri útiveru á ein-
stöku skíðagöngusvæði en jafn-
framt að vekja athygli á mikilli
orku þessara jarðhitasvæða. Þetta
er annað árið sem gangan fer fram
og þótt aðstæður hafi verið ein-
staklega erfiðar nú fyrir kepp-
endur og starfsmenn er ljóst að
Orkugangan er komin til að vera.
Morgunblaðið/BFH
Sigurvegarar Þeir sigruðu í Orkugöngu 2008 sem að þessu sinni fór fram á
Mývatni, Guðmundur B. Guðmundsson og Stefán Snær Kristinsson.
Orkufrek ganga