Sjómannablaðið Víkingur - 01.06.2005, Blaðsíða 8
Sæmundur Guðvinsson
ritstjóri Víkings, 2000 til 2005
Ég á í minningunni mynd
af grannvöxnum manni
sem fer hratt yfir og er
með viðamikið hár. Ég
man ekki hvort það var
sítt eða liðað, aðeins að
það var mikið á einhvern
hátt - og að maðurinn
var gaur eins og við
strákarnir kölluðum þá
fullorðnu sem okkur
þótti eitthvað varið í eða
forvitnilegir.
Ég vissi að þessi maður
stýrði blaði og hafði
komið víða við. Síðar á
lífsleiðinni átti ég eftir
að kynnast honum af eig-
in raun og komst þá að
því að hann var hinn
mesti Ijúflingur, með
húmorinn í lagi, og við-
rceðugóður. Þannig kom
Sœmundur Guðvinsson
mér fyrir sjónir.
Hann skrifaði fyrir okk-
ur Hólamenn og þegar
við tókum að okkur út-
gáfu Sjómannablaðsins
Víkings vorum við fljótir
Scemundur Guðvinsson
að bera víurnar í Sœ-
mund og fá hann til að
halda ritstjórn blaðsins
áfram. Nú er Sœmundur
allur, langt fyrir aldur
fram, og er þar sannar-
lega skarð fyrir skildi.
Skal hans hér minnst fá-
einum orðum.
Sæmundur Guðni Guðvinsson fæddist
á Svalbarði við Eyjafjörð hinn 6. júní
1945 en foreldrar hans voru hjónin Guð-
vin Gunnlaugsson kennari og Póra Guð-
ný Jóhannesdóttir húsfreyja. í apríl 1960
andaðist Þóra. Sæmundur var þá aðeins
14 ára gamall og varð móðurmissirinn
honum afar þungbær. Síðar giftist Guð-
vin lrene Gook sem gekk Sæmundi og
systkinum hans í móðurstað.
Sæmundur varð snemma orðheppinn,
félagslyndur og bókhneigður. Þetta var
upplagið sem átti eftir að skapa honum
örlög. Ungur lagði hann fyrir sig blaða-
mennsku og ritstörf, varð ritstjóri íslend-
ings á Akureyri, og steig á svið í allmörg-
um uppfærslum Leikfélags Akureyrar,
auk þess að sitja í stjórn félagsins um
hríð. Hann var gleðimaður og vildi vera
innan um fólk. Þar undi hann sér best.
Þegar Sæmundur fluttist til Reykjavík-
ur hélt hann uppteknum hætti, var
blaðamaður og fréttastjóri á Vísi og síðar
DV eftir stofnun þess. Hann tók á sig
svolítinn Guðnavink þegar hann gerðist
blaðafulltrúi Flugleiða og þó ekki svo
mikinn því að margt er skylt með störf-
um blaðamanns og blaðafulltrúa.
Þegar Sæmundur hætti hjá Flugleiðum
hélt hann áfram blaðamennskunni en að-
allega senr lausapenni og skrifaði fjölda
greina og pistla í blöð og tímarit, auk
þess að hafa umsjón með ýmsurn hverfa-
blöðunr svo sem Vesturbæjablaðinu og
Breiðholtsblaðinu.
Árið 1982 kom út fyrsta bók Sæmund-
ar, Við skráargatið, og fleiri áttu eftir að
fylgja í kjölfarið.
Sæmundur var tvígiftur. Fyrri kona
hans var Auður Stefánsdóttir frá Akur-
eyri og eignuðust þau synina Stefán Þór
og Val. Seinni kona Sæmundar var Sig-
rún Skarphéðinsdóttur. Sonur þeirra er
Skarphéðinn.
Seinustu árin var Nína Hafdís ástvina
Sæmundar, stoð hans og stytta.
Sæmundur andaðist mánudaginn 2.
maí síðastliðinn. Farmanna- og fiski-
mannasamband íslands og Bókaútgáfan
Hólar þakka Sæmundi vel unnin störf.
Megi sá sem allt um sér styrkja ástvini
hans í sorg þeirra.
^r^r^r^r^rrr^r^r^rrr^r^rirrcrirrrr^r^rirr^r^r^r^rrr^r^rrr^r^rrr^r^r^r^r^r^r^r^r^r^r^r^K
8 - Sjómannablaðið Víkýngur