Ægir - 01.12.1996, Blaðsíða 10

Forsíðumynd og myndir með viðtali: Gunnar Sverrisson
Vaxtarbroddur íslensks sjávar-
útvegs í verkefnum erlendis
segir Guðbrandur Sigurðsson, framkvæmdastjóri
Útgerðarfélags Akureyringa
„ Við eigum gríðarlega möguleika í íslenskum sjávarút-
vegi með þátttöku í verkefnum erlendis og að
mínu mati verður á því sviði næsti vaxtarbroddur ís-
lensks sjávaríítvegs. Það sem kannski einkennir þennan
nýja vöxt er að hann er eingöngu bundinn við stœrri fyr-
irtœkin, þau sem eru skráð á Verðbréfaþingi og eru til-
tölulega stór og burðug. Við erum að sjá þetta hjá Granda
hf. í verkefnum í Chile, Mexíkó og Falklandseyjum, sjá-
um Þormóð ramma hf. sem starfar með Granda í Mexí-
kó, Samherja með sína þátttöku í Þýskalandi og nú síðast
Bretlandi, ÚA með sína þátttöku í Mecklenburger
Hochseefischerei í Þýskalandi og loks verkefni íslenskra
sjávarafurða sem vœntanlega hafa séð að töluverðir
hagnaðarmöguleikar eru fyrir hendi á þessu sviði.
Ég held að við eigum eftir að sjá miklu meira afþessu í
framtíðinni," segir Guðbrandur Sigurðsson, sem fyrr á
þessu ári tók við starfi framkvœmdastjóra Útgerðarfélags
Akureyringa og hefur með því skipað sér í framvarðarsveit
íslenskra sjávarútvegsfyrirtœkja.
Útgerðarfélag Akureyringa hefur mikið verið í sviðs-
Ijósinu síðustu árin og að sönnu vakti það mikla athygli
þegar einn af stjómendum íslenskra sjávarafurða tók við
starfi framkvæmdastjóra stærsta framieiðslufyrirtækis
innan Sölumiðstöðvar hraðfrystihúsanna. En rétti tíminn
til breytinga var kominn, eins og Guðbrandur segir frá í
Ægisviðtali.
1 0 ÆGIR