Morgunn - 01.12.1983, Blaðsíða 56

158
MORGUNN
Umræður um spíritisma
Eins og áskrifendum er væntanlega kunnugt varð drátt-
ur á útsendingu ritsins sl. sumar. Ástæðan var ákvörðun
stjórnar Sálarrannsóknafélagsins að halda fund með rit-
stjóra áður en Morgni yrði hleypt af stað. Vegna sumar-
leyfa urðu menn höndum seinni og leið þannig sumarið
þar til fréttin fór að berast. Blaðaskrif eru birt hér til
fróðleiks. Vona ég, að höfundar endurbirtra greina mis-
virði það ekki við mig, að ég hef ekki komið í verk að fá
leyfi þeirra allra. En greinarnar gefa til kynna, að skoð-
anir manna eru harla ólíkar.
Á almennum fundi í október 1983 var síðan skipst
á skoðunum. Þrátt fyrir hin ólíku viðhorf til hins sam-
eiginlega áhugamáls, dulrænna fyrirbæra, var talið mikil-
vægt að halda hópinn og stuðla að því að fólk geti unað
í félaginu, hvort sem það aðhyllist gagnrýna vísindalega
afstöðu eða sækir þangað andlega uppbyggingu án þess
að láta efasemdir þvælast fyrir sér.
1 umræðum á fundinum kom greinilega i ljós, hve ólíkan
skilning menn leggja í orð og virðist stundum þörf á því
að orðlengja og skilgreina orðin skýrt og skilmerkilega.
Ekki veit ég, hvort nokkurn tímann verður unnið úr
segulbandinu frá fyrrnefndum félagsfundi þar, sem hin
ýmsu sjónarmið voru rædd. Ævar R. Kvaran, fyrrverandi
forseti Sálarrannsóknafélagsins, var því miður ekki á fund-
inum, en hvetja vil ég menn að lokum að lesa hans ágætu
grein framar í þessu hefti (bls. 121).
KveSja
Vetrarhefti þetta er nokkuð seint á ferðinni og auk
þess í þynnra lagi að blaðsíðufjölda. Fyrra hefti ársins
1983 var hins vegar óvenju stórt og því alldýrt. Ég ákvað
því að halda að mér höndum að þessu sinni og leita ekki
til annarra um efni til að „fylla“ ritið.